“Oktubre 27–Nobiyembre 2: ‘Usa ka Balay ngadto sa Akong Ngalan’: Doktrina ug mga Pakigsaad 124,” Dali, Sunod Kanako—Alang sa Panimalay ug sa Simbahan: Doktrina ug mga Pakigsaad 2025 (2025)

“Doktrina ug mga Pakigsaad 124,” Come, Follow Me—Dali, Sunod Kanako—Alang sa Panimalay ug sa Simbahan: 2025

Oktubre 27–Nobiyembre 2: “Usa ka Balay ngadto sa Akong Ngalan”

Doktrina ug mga Pakigsaad 124

Ingon kalisod ang kataposang unom ka tuig alang sa mga Santos, ang mga sitwasyon misugod sa pagkamaayo sa tingpamulak sa 1839: Ang mga bakwit [refugee] nga mga Santos nakakaplag og kaluoy gikan sa mga lumulupyo sa Quincy, Illinois. Ang mga guwardiya mitugot ni Propeta Joseph Smith ug ubang mga lider sa Simbahan sa pag-eskapo sa pagkabinihag sa Missouri. Ug ang Simbahan bag-ohay lamang nga nakapalit og yuta sa Illinois diin ang mga Santos makapundok pag-usab. Bisan tuod, kini lapokon, lamokon nga yuta, apan kon itandi ngadto sa mga hagit nga giatubang na sa mga Santos, kini tingali ingon og madumala. Busa ilang gipauga ang lapok ug misulat og usa ka titulo sa katukoran alang sa usa ka bag-ong siyudad, nga ilang ginganlan og Nauvoo. Kini nagpasabot og “nindot” sa Hebreo, bisan og kini mas usa ka pahayag sa hugot nga pagtuo kay sa tukma nga paghulagway, sa una lamang. Sa maong panahon, ang Ginoo naghatag sa Iyang Propeta og pagbati sa paglihok nga walay paglangan. Siya adunay daghang mga kamatuoran ug mga ordinansa nga ipahiuli, ug nagkinahanglan Siya og usa ka balaang templo diin Siya “mokorona sa [Iyang mga Santos] sa dungog, walay kamatayon, ug kinabuhi nga dayon” (Doktrina ug mga Pakigsaad 124:55). Sa daghang mga paagi, kining sama nga mga pagbati sa hugot nga pagtuo ug pagkadinalian makita diha sa buhat sa Ginoo karon.

Tan-awa sa Mga Santos, 1:455–488; “Organizing the Church in Nauvoo,” sa Revelations in Context, 264–71.

Pagkat-on og dugang mahitungod sa makasaysayanong mga dapit sa Simbahan sa Illinois.

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 124:2–11

Ako makadapit sa uban nga moduol ngadto kang Kristo.

Ang Ginoo misulti ni Propeta Joseph Smith sa “paghimo og usa ka maligdong nga pamahayag sa [Iyang] ebanghelyo” ngadto sa “tanan nga mga hari sa kalibotan” (tan-awa sa Doktrina ug mga Pakigsaad 124:2–11). Kon ikaw nakadawat niini nga buluhaton, unsa kahay imong isulti sa pamahayag mahitungod ni Jesukristo ug sa Iyang gipahiuli nga ebanghelyo? Pamalandongi usab unsaon nimo sa pagpakigbahin ang imong pagsaksi sa normal ug natural nga paagi ngadto sa mga tawo nga imong gikahalubilo kada adlaw.

Tan-awa usab sa “Ang Pagpahiuli sa Kahingpitan sa Ebanghelyo ni Jesukristo: Duha ka Gatos ka Tuig nga Pamahayag ngadto sa Kalibotan,” Librarya sa Ebanghelyo.

Doktrina ug mga Pakigsaad 124:12–21

Ako mahimong usa ka disipulo kinsa kasaligan sa Ginoo.

Ikonsiderar ang pagpakigbahin sa uban, sama sa gibuhat sa Manluluwas diha sa Doktrina ug mga Pakigsaad 124:12–21, ang Kristohanong mga hiyas nga imong nakita diha kanila. Giunsa Niya sa pagpadayag sa Iyang gugma ug pagsalig kaninyo?

Tan-awa usab sa Richard J. Maynes, “Makabaton sa Pagsalig sa Ginoo ug sa Imong Pamilya,” Liahona, Nob. 2017, 75–77.

Doktrina ug mga Pakigsaad 124:22–24, 60–61

Gusto sa Ginoo kanako nga moabiabi ug modawat sa uban.

Samtang imong pamalandongan ang panudlo sa Ginoo diha sa Doktrina ug mga Pakigsaad 124:22–24, 60–61, hunahunaa unsaon nimo sa paghimo ang imong panimalay ug ang imong ward nga usa ka dapit sama sa gipanglatawan sa Ginoo sa Nauvoo.

Tan-awa usab sa “A Friend to All” (video), ChurchofJesusChrist.org.

A Friend to All
Elder Ulisses Soares talks of the need for kindness and acceptance.

Ang Templo sa Nauvoo gitukod — Detalye gikan ni Joseph Smith at the Nauvoo Temple [Joseph Smith sa Templo sa Nauvoo], ni Gary E. Smith

Doktrina ug mga Pakigsaad 124:25–45, 55

Kita magtukod og mga templo ngadto sa Ginoo aron modawat og sagrado nga mga ordinansa.

Ngano nga imong gibati nga ang Ginoo “kanunay nga misugo” sa Iyang katawhan “sa pagtukod og [mga templo] ngadto sa [Iyang] balaan nga ngalan”? Ikonsiderar ang paghimo og lista sa mga rason nga imong makita diha sa Doktrina ug mga Pakigsaad 124:25–45, 55. Mahimong imong makita ang uban sa usa ka himno sama sa “Kanindot sa Templo Mo Ginoo” (Mga Himno, nu. 180) o ang bidyo nga “What Is a Temple?” (Gospel Library). Sa unsa nga paagi nga ang buhat sa pagtukod og mga templo usa ka timailhan sa gugma sa Ginoo alang kanimo?

What Is a Temple?
The difference between chapels, where Latter-day Saints meet for regular Sunday worship, and temples is also explained.

Sukad ang Templo sa Nauvoo natukod niadtong 1840, labaw sa 300 ka mga templo ang natukod o gipahibalo. Si Presidente Russell M. Nelson mitudlo: “Nahibalo kita nga ang atong panahon diha sa templo importante kaayo sa atong kaluwasan ug kahimayaan ug ngadto sa atong mga pamilya. … Ang mga pagpang-atake sa kaaway paspas kaayo, sa gikusgon ug sa matang. Ang atong panginahanglan nga maanaa sa templo kanunay wala pa sukad nga mas labaw nga gikinahanglan” (“Ang Mahimong Labing Dalaygon nga Santos sa Ulahing mga Adlaw,” Liahona, Nob. 2018, 114). Sa unsa nga paagi nga ang templo nakatabang kanimo sa pagsagubang sa “mga pagpang-atake sa kaaway”? Unsa ang imong gibati nga himoon sa pagsunod sa tambag ni Presidente Nelson?

Tan-awa usab sa “Why Latter-day Saints Build Temples,” temples.ChurchofJesusChrist.org.

Doktrina ug mga Pakigsaad 124:45–55

Ang Ginoo mopanalangin sa mga tawo nga maningkamot sa pagsunod sa Iyang mga sugo.

Ang mga Santos gisugo sa pagtukod og templo sa Lalawigan sa Jackson apan “napugngan sa ilang mga kaaway” (Doktrina ug mga Pakigsaad 124:51). Sa mga bersikulo 49–55 nga adunay gipaniguro nga mensahe alang sa mga tawo kinsa gusto nga mosunod sa mga sugo sa Dios apan napugngan sa pagbuhat sa ingon tungod sa pamilya o ubang mga kahimtang. Unsa nga tambag ang imong nakita dinhi niini nga mga bersikulo nga makatabang sa usa ka tawo sa ingon nga sitwasyon?

Doktrina ug mga Pakigsaad 124:91–92

Ang Ginoo makagiya kanako pinaagi sa akong patriyarkal nga mga panalangin.

Sa wala madugay human sa kamatayon sa amahan sa Propeta, si Joseph Smith Sr., ang Ginoo mitawag ni Hyrum Smith ngadto sa calling nga gihuptan sa iyang amahan—ang Patriyarka sa Simbahan. Mabasa nimo kini diha sa Doktrina ug mga Pakigsaad 20:77, 79.

Aron makat-on og dugang mahitungod sa kasaysayan sa mga patriyarka ug sa patriyarkal nga mga panalangin, iklik dinhi.

Unsaon nimo sa paghulagway ang patriyarkal nga panalangin ngadto sa usa ka tawo nga wala gayod makadungog niini? Unsay imong isulti aron maawhag ang usa ka tawo nga modawat niini? Pangita og mga tubag niini nga mga pangutana diha sa mensahe ni Elder Randall K. Bennett“Ang Inyong Patriyarkal nga Panalangin—Dinasig nga Direksiyon gikan sa Langitnong Amahan” (Liahona, Mayo 2023, 42–43) o sa Mga Hilisgotan ug mga Pangutana, “Patriyarkal nga mga Panalangin” (Librarya sa Ebanghelyo).

Base sa unsay imong natun-an ug nasinati, ikonsiderar unsaon nimo sa pagkompleto niini nga kapahayag: “Ang patriyarkal nga panalangin sama sa .” Ngano nga gusto sa Langitnong Amahan nga ang Iyang mga anak modawat og patriyarkal nga panalangin?

Kon wala pa ikaw makadawat sa imong patriyarkal nga panalangin, unsa ang imong mahimo sa pag-andam aron makadawat og usa? Kon ikaw nakadawat og patriyarkal nga panalangin, unsaon nimo sa pagpakita sa Dios nga imong gibahandi kini nga gasa?

Tan-awa usab sa Kazuhiko Yamashita, “Kanus-a Ka Angay nga Makadawat og Patriyarkal nga Panalangin,” Liahona, Mayo 2023, 88–90; Kinatibuk-ang Tamdanan nga Basahon, 18.17, Librarya sa Ebanghelyo.

Pagtudlo nga naggikan sa kasingkasing. Ang pagtudlo mas labing makahuloganon kon kini naglakip sa personal nga mga kasinatian ug pagpamatuod. Pananglitan, kon ikaw nakadawat og patriyarkal nga panalangin, rebyoha kini samtang ikaw mag-andam sa pagtudlo mahitungod niining espesyal nga mga panalangin. Nganong mapasalamaton ka sa imong panalangin? Unsaon man nimo pagdasig ang uban sa pagpangandam nga modawat sa ilaha o sa pagtuon sa patriyarkal nga panalangin kanunay?

Mga Tawo, Mga Dapit, Mga Panghitabo

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 124:15, 20

Si Jesukristo nahigugma sa kaligdong.

Aron sa pagtabang sa imong mga anak nga mahinumdom unsay ilang nakat-onan gikan sa Doktrina ug mga Pakigsaad 124:15, 20, mahimong tabangan nimo sila nga magdrowing ug maggunting og papel nga mga kasingkasing. Diha sa kasingkasing, mahimong motabang ikaw kanila sa pagsulat og hugpong sa mga pulong gikan niini nga mga bersikulo . Usa ka kanta sama sa “Barugan ang Kamatuoran” (Songbook sa mga Bata, 81) makatabang sa pagpalig-on sa mga pulong sa Ginoo.
Human mobasa pagdungan sa Doktrina ug mga Pakigsaad 124:15, 20, tingali makatabang ka sa imong mga anak sa pagsusi unsa ang kahulogan nga magpuyo uban ang kaligdong sa pahina 31 sa Alang sa Kalig-on sa mga Kabatan-onan: Usa ka Giya sa Paghimo og mga Pagpili. Unsa ang piho nga gisulti sa Ginoo mahitungod ni George Miller diha sa bersikulo 20 “tungod sa kaligdong sa kasingkasing ni [George]”? Mahimo usab nimong ipakigbahin ang mga ehemplo sa usa ka bata nga nagpakita og kaligdong gikan sa kaugalingon nimong kasinatian o gikan sa Higala nga magasin. Dapita ang imong mga anak sa paghimo og tumong sa pagpakita og kaligdong niining semanaha ug sa pagsulti kanimo unsa ang ilang gibati sa dihang ilang gihimo.

Doktrina ug mga Pakigsaad 124:28–29, 39

Si Jesus nagsugo sa Iyang katawhan sa pagtukod og mga templo.

Ang imong mga anak mahimong malingaw nga magtan-aw sa mga litrato sa mga templo, lakip sa karaang nga templo ug sa templo nga duol sa ilang gipuy-an (tan-awa sa ChurchofJesusChrist.org/temples/list). Mahimo nimong gamiton kini nga mga litrato ug ang Doktrina ug mga Pakigsaad 124:39 aron ipasabot nga si Jesukristo misugo kanunay sa Iyang katawhan sa pagtukod og mga templo—sa karaan nga mga panahon ug sa atong panahon (tan-awa usab ang pahina sa kalihokan niining semanaha).
Kon ikaw nagpuyo nga duol ra kaayo sa usa ka templo, ikonsiderar ang pagdala sa imong mga anak didto ug matinahorong maglakaw sa mga nataran sa templo. Dapita sila sa pagpangita sa mga pulong nga “Pagkabalaan ngadto sa Ginoo—Ang Balay sa Ginoo” sa gawas sa templo. Pakigsulti sa imong mga anak mahitungod kon unsa ang gipasabot niini nga mga pulong.
Ikonsiderar ang paggamit sa mga ideya sa “Pagpabunyag ug Pagpakompirma alang sa mga Katigulangan” sa apendiks A aron sa pagtabang sa imong mga anak nga magpaabot sa adlaw nga sila makahimo na sa pagsulod sa templo (tan-awa usab sa “Ang Templo ug ang Plano sa Kalipay” sa apendiks B).

Solomon’s Temple [Templo ni Salomon], ni Sam Lawlor

Doktrina ug mga Pakigsaad 124:91–92

Ang Ginoo mopanalangin kanako pinaagi sa patriyarkal nga panalangin.

Samtang inyong basahon pagdungan ang Doktrina ug mga Pakigsaad 124:91–92, tabangi ang imong mga anak nga makakita unsa ang gitawag sa Ginoo nga buhaton ni Hyrum Smith. Hisgoti unsa ang patriyarkal nga panalangin: usa ka espesyal nga panalangin diin ang Ginoo nagtudlo kanato mahitungod sa atong mga kaugalingon ug unsa ang Iyang gusto nga atong buhaton ug mamahimo. Ikonsiderar ang paggamit sa seksiyon “Pagdawat og Patriyarkal nga Panalangin” sa apendiks A aron matabangan ang imong mga bata pag-andam nga modawat og patriyarkal nga panalangin.

Alang sa dugang nga mga ideya, tan-awa ang isyu karong bulana sa Higala nga magasin.

dibuho sa Templo sa Nauvoo — The Nauvoo Temple [Ang Templo sa Nauvoo], ni George D. Durrant