“Meei 2–8. Te Otinako 35–40; Nakoaia Ibonga 1; 16; 19: ‘E Tabu Bwa Ana Bwai te Uea,’” Nakomai, Iriirai—Ibukiia Aomata n Tatabemaniia ao Utu: Te O Tetemanti 2022 (2021)
“Meei 2–8. Te Otinako 35–40; Nakoaia Ibonga 1; 16; 19,” Nakomai, Iriirai—Ibukiia Aomata n Tatabemaniia ao Utu: 2022
Meei 2–8
Te Otinako 35–40; Nakoaia Ibonga 1; 16; 19
“E Tabu bwa Ana Bwai Iehova”
Ngkai ko kamatebwai boki aika tabu, namakina raoi ana mwakuri te Tamnei iaon baike e tuangko bwa ko na riki n aiaron Tamara are i Karawa ao Iesu Kristo.
Korei Am Namakin
Kitanakin Aikubita—ngkai e bon kakawaki ao man kakai n aiarona ngkoa —e aki kakoroa raoi bukin ana kantaninga te Atua ibukiia natin Iteraera. Riki n rikiraken aroia n te aba ni berita bon tiaki raoi ana kantaninga te Atua ibukiia. Aikai bon tabeua mwaaneka are e tangiria te Uea ibukiia ana botanaomata: “Kam na Itiaki: bwa I itiaki ngai ae Iehova ae Atuami” (Nakoaia Ibonga 19:2). E kanga te Atua ni ukora karikaia Ana botaonnaomata bwa a na itiaki ngkai akea riki te bwai ae a ataia bwa tii te kabureaki inanon rooro ma rooro? E tua nakoia bwa a na karekea te tabo ae tabu bwa ana bwai te Uea—te tabaenako inanon te rereua. E anganiia berita aika tabu ao tuua ibukin kairan aia mwakuri ao, n tokin te tai, ni bitii nanoia. Ao ngkana a kabwaka man aia kekeiaki ni kaawakinii tuua aikanne, E tua nakoia bwa ana karaoa te anga karea n te man ae kabuokaki are e tei ibukin te mwakuri ni kamaiu ibukin aia bure. Ni kabane aikai a bon kaira aia iango, nanoia, ao maiuia nakon te Tia Kamaiu ao kabooan maiuia are E karaoia. Bon Ngaia te kawai ni koaua nakon te mimitong, ibukiia Iteraera ao ibukira. Ti a bane n tia n rinanon te karawawata n te bure, ao ti a tia naba ni kaoaki bwa tina rairinanora—ni kitana te bure ao ni irira Iesu Kristo, are e a tia ni berita, “Bwa I kona ni karaoiko bwa ko na tabu” (Reirei ao Berita aika Tabu 60:7).
Ni kakimototoan rongorongon te boki n Nakoaia Ibonga, taraa “Nakoaia Ibonga” inanon te Bible Dictionary.
Iango ibukin te Kamatebwai i bon Iroum ni Koroboki aika Tabu
Te Otinako 35–40; Nakoaia Ibonga 19
Te Uea e tangirai bwa n na Itiaki n ai Arona.
Te Otinako 25–31 e taua mwiin ana kaetieti te Uea nakoia Iteraera bwa a na kanga ni katea te tabaenako, ike taian otenanti aika a tabu a na buokiia n riki bwa aomata aika a itiaki. Te Otinako 35–40 e kabwarabwarai aron aia kekeiaki Iteraera n ongotaeka nakon kaetieti aikai. Ngkai ko wareka mwakoro 35–40, tarai baika te Uea e tuangiia Ana aomata bwa a na karin inanon te tabaenako, ao n iangoia bwa baikara bwaai aika a tei ibukina ao tera ae katauaki nakoim ibukin karikirakeam ae tabu. Iangoia raoi bwa a kanga bwaai aikai ni biti am iango nakon te Tia Kamaiu. Te taibora n aron aei e kona ni buokiko:
|
Tera te bwai ae ko ko kunea? |
Tera ae kona n tei ibukin aio? |
|---|---|
Tera te bwai ae ko ko kunea? Te aake n te berita ae tabu (Te Otinako 37:1–9; 40:20–21) | Tera ae kona n tei ibukin aio? Kaotin te Atua, Ana berita aika tabu ao ana tua |
Tera te bwai ae ko ko kunea? Te bao ni karea are kabuokaki iai te karea are boiarara (Te Otinako 40:26–27; taraa naba Te Otinako 30:1, 6–8) | Tera ae kona n tei ibukin aio? Tataro a roko iroun te Uea |
Tera te bwai ae ko ko kunea? Te bwae ke kain tein te taura (Te Otinako 37:17–24) | |
Tera te bwai ae ko ko kunea? Bao ni karea (Te Otinako 38:1–7; taraa naba Te Otinako 27:1; 29:10–14) | |
Tera te bwai ae ko ko kunea? Te taabu (betin) n ran (Te Otinako 30:17–21) | |
Ngkana ko a tia ni karaoi taian otenanti inanon te tembora, tera ae ko a tia n reiakinna ibukin te tabaenako man Te Otinako 35–40 ae kauringko ibukin baika ko rinanoi ikekei? (taraa naba “Iango aika Kona Katikui n Am Iango: Te Tabaenako ao te Karea”). Iangoia raoi bwa a kanga berita aika tabu ake n te tembora ni buokiko n riki n tabu n aiaron Tamara are i Karawa ao Iesu Kristo.
Eng, menam n taabo aika tabu e aki karikiira bwa ti na tabu. Nakoaia Ibonga 19 e kabwarabwarai tua ao kaetieti ake e anga te Uea bwa e na buokiia kaain Iteraera n rikirake ni mimitong. Tera ae ko karekea inanon kaetieti aikai are e na buokiiko bwa kona rangi n tabu riki? Tera te bwai ae ko namakinna bwa ko na karaoia ni maiuakin riki reirei aikai?
Taraa naba Carol F. McConkie, “The Beauty of Holiness,” Liahona, Meei 2017, 9–12; “The Tabernacle” (witeo), ChurchofJesusChrist.org; Bible dictionary, “Holiness”; temples.ChurchofJesusChrist.org.
E tuangai te Uea bwa n na karaoi au angabwai ma nanou ni koaua.
Inanon te ririki imwiin kitanakin Aikubita, te irekereke imarenaia Natin Iteraera ma Iehova a kona n taekinaki bwa e aki tiku n arona n taai nako. Ma, ngkana ko wareka Te Otinako 35:4–36:7, ataia bwa a kanga aia kaeka kaain I-Iteraera nakon te babaire ibukin katean te tabaenako. Tera ae ko reiakinna mai irouia kaain I-Iteraera ae na kona ni buokiko ni karaoa am mwakuri n ibuobuoki nakon te Uea?
Beretitenti Bonnie L. Oscarson e reirei: “A riai membwa n tatabemaniia n ataia bwa a rangi ni kainnanoaki. Iai te bwai ae kakawaki irouia Aomata n tatabemaniia ae a na anga ao iai aia tarena aika onoti ao aia konabwai n reita nako te mwakuri ae kakawaki aei” (“Young Women in the Work,” Liahona, Meei 2018, 37). Ngkai ko wareka Te Otinako 36:1–4, iangoia bwa tera are e a tia te Uea ni “karikiko” nako iai. Iangoia bwa ko na titirakina Tamara are i Karawa bwa tera ae na anganiko bwa ko aonga n ibuobuoki n Ana mwakuri.
Natin Iteraera a anga karea ibukin te tabaenako ma “nanoia ni kan anga” (Te Otinako 35:5). Te kamataata n te tamnei iroun Corbert Gauthier, © Lifeway Collection/licensed from goodsalt.com
Rinanon Ana Mwakuri ni Kamaiu Iesu Kristo, a kona ni kabwaraaki au bure.
Angiin ana boki Nakoaia Ibonga kanga a taraa ni kamimi nakoira—anga karea n te man ae kabuokaki, te mwakuri ni irekereke ma te rara ao te ran, ao tuua ibukin kabwarabwaraan taraan wakin nako te maiu. Ma mwakuri ao tuua aikai a na bon riai ibukin reiakinan taian tua aika a kinaaki—rairannano, tabu, ao Ana Mwakuri ni Kamaiu te Tia Kamaiu. Ni kakaei tuua aikai ngkana ko wareka Nakoaia Ibonga 1:1–9; 16, iangoi titiraki n aron aikai: Tera ae I kona n reiakinna man karea aikai ibukin Iesu Kristo ao Ana angakarea ni kamaiu? I kanga ngai n riki kanga aiaroia naake a karaoa te angakarea aikai? Ko na bae n iangoa rinanoan “Iango aika Kona Katikui n Am Iango: Te Tabaenako ao te Karea” inanon te bwai ni mwakuri aio ao “Angakarea” ni Kairi nakon Koroboki aika Tabu (scriptures.ChurchofJesusChrist.org).
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Te Otinako 36:1–7.Inanon Te Otinako 36:1–7, tera ae ti reiakinna man aron ana kaeka Iteraera nakon te tua ibukin katean te tabaenako? N te utu, ko kona n iangoi kawai ake e a tia te Uea ni kaoira bwa ti na waaki inanon Ana mwakuri. Ti na kanga n ira aia banna ni katooto kaain Iteraera?
-
Te Otinako 40.Ngkai kam wareka Te Otinako 40 ni ikotaki, ko kona ni kaoia kaain te utu bwa a na katea baia ni katoa tai ngkana a ongo te taeka n aron “are e tua te Uea.” Tera ae ti reiakinna man te mwakoro aei ibukin taekan te ongotaeka nakon te Uea?
-
Te Otinako 40:1–34.Ngkai ko wareka taekan katean te tabaenako inanon Te Otinako 40, kam kona ni bootaki ni mwakuri ni kinai mwakorokoron te tabaenako aika a kakaokoro, man kabonganakin te tamnei are e raona te kabwarabwara aio. N reita te marooro aio ma te nebonebo n te tembora n taai aikai, kam kona ni kaai n rinanoa “Why Latter-day Saints Build Temples” (temples.ChurchofJesusChrist.org) or watch the video “Temples” (ChurchofJesusChrist.org).
-
Nakoaia Ibonga 19.Membwa n te utu a kona ni kunei kiibu n te mwakoro aio ae a na buokiia n namakinna bwa “a itiaki” (Nakoaia Ibonga 19:2) ao tibwauaia ma te utu.
Ibukin iango aika a mwaiti riki ibukin reireinakiia ataei, taraa te kamataata n te wiiki aei inanon Nakomai, Iriirai—Ibukin te Moanrinan.
Te anene ae katauaki: “More Holiness Give Me,” Boki n Anene, no. 131.
Kanakoraoan Am Kamatebwai
Kakaea Iesu Kristo. Koroboki aika tabu, riki te O Tetemanti, a kakoaua Iesu Kristo. Ngkai ko wareka te O Tetemanti, iangoi kanikina, aomata, ao bwaai aika riki aika kona n reireiniko taekan te Tia Kamaiu.
Te Tabaenako are Ngkoa, iroun Bradley Clark