Ketlan Tempol, i kam long Jon McNaughton

27 Septemba–3 Oktoba

Doktrin mo Ol Kavenan 109–110

“Hem I Haos blong Yu, Wan Ples blong Tabu Fasin blong Yu”

Blong gat ol eksperiens long saed blong spirit taem yu stap stadi long Doktrin mo Ol Kavenan 109–10 wetem ol pikinini long klas blong yu, faswan, lukaot blong gat ol eksperiens long saed blong spirit taem yu stadi long ol skripja ia yuwan.

Raetemdaon Ol Filing mo Tingting blong Yu

Invaetem Ol Pikinini blong Serem Wanem Oli Gat

Soem ol pikja we oli save helpem ol pikinini blong oli tingbaot mo serem wan samting we oli bin lanem abaot ol prinsipol o ol taem ia we oli tokbaot insaed long Doktrin mo Ol Kavenan 109–110. O, eksampol: yu save soem pikja we i stap long aotlaen blong wik ia we i stap long Kam Folem Mi—Blong Wanwan Man, Woman mo Famli.

Tijim Doktrin: Ol Smol Pikinini

Doktrin mo Ol Kavenan 109:12–13; 110:1–7

Tempol hem i haos blong Lod.

Tingting hevi long wei we bae yu helpem ol pikinini blong oli filim blong gat respek long haos blong Lod mo blong luk fored from dei ia we oli save go insaed long “wan ples blong tabu fasin blong [Hem]” (Doktrin mo Ol Kavenan 109:13).

Samfala Aktiviti we Yu Save Mekem

• Askem ol pikinini blong talem long yu wan samting we oli lavem abaot hom blong olgeta. Soem ol pikinini wan pikja blong Ketlan Tempol, mo yusum Doktrin mo Ol Kavenan 109:12–13; 110:1–7 blong talem long olgeta abaot dei we oli bin dediketem tempol ia mo i bin kam haos blong Lod (luk tu long “Japta 39: Oli Bin Dediketem Ketlan Tempol,” Doktrin mo Ol Kavenan Stori, 151). Blong soem se tempol i haos blong Lod, ridim hemia aot long dedikesen prea we Josef Smit i bin givim: “hem i haos blong yu, Papa, wan ples blong tabu fasin blong yu, Papa” (Doktrin mo Ol Kavenan 109:13). Askem ol pikinini blong serem wan samting we oli laekem abaot tempol.

• Givim long wanwan pikinini wan pikja blong wan tempol, o invaetem olgeta blong droem wan. Sing wetem ol pikinini wan singsing abaot tempol, olsem “I Love to See the TempleChildren’s Songbook,95). Invaetem ol pikinini blong holem pikja blong olgeta antap evri taem oli singsing long toktok ia “tempol.” Poenemaot long olgeta ol nara toktok insaed long singsing ia we i stap tijim yumi wan samting impoten abaot tempol. Talem long ol pikinini olsem wanem yu stap filim abaot tempol mo olsem wanem yu save se hem i haos blong Lod.

Doktrin mo Ol Kavenan 110

Oli nidim ol prishud ki blong mekem wok blong God insaed long Jos tedei.

Ketlan Tempol i impoten insaed long histri blong Jos. Jisas Kraes i bin soemaot Hemwan long ples ia, wetem ol profet blong bifo. Ol profet oli bin givim ol prishud ki long Jisas Kraes; i nid blong gat ol ki ia blong mekem ol lata-dei wok blong God.

Samfala Aktiviti we Yu Save Mekem

• Yusum aktiviti pej blong wik ia, o “Japta 40: Visen Insaed long Ketlan Tempol” (Ol Doktrin mo Kavenan Stori, 155–57) blong talem long ol pikinini abaot olgeta man we oli kam long heven we oli bin visitim tempol. Serem ol sentens we oli kam long Doktrin mo Ol Kavenan 110 we i helpem yu mo ol pikinini blong andastanem se ol taem ia we oli bin hapen, oli tabu.

• Soem sam ki long ol pikinini, mo tokbaot wanem nao ol ki oli stap mekem. Letem ol pikinini oli kam, wan afta wan, mo holem ki mo priten se oli stap openem wan doa we i lok. Taem oli mekem hemia, eksplenem se Josef Smit i bin kasem ol prishud ki insaed long Ketlan Tempol. Ol ki ia, oli openem doa blong paoa mo ol blesing blong mekem se yumi save mekem wok blong God insaed long Jos blong Hem, olsem blong serem gospel mo mekem wok blong tempol.

• Blong helpem ol pikinini blong oli andastanem ol ki we Elaeja i bin givim long Josef Smit, tugeta singsing wan singsing abaot Elaeja o famli histri olsem “Truth from Elijah” (Children’s Songbook, 90–91). Talem long olgeta abaot wan eksperiens we i bin help blong tanem hat blong yu long ol bubu blong yu. Askem ol pikinini blong serem wan samting we oli save abaot wan bubuman o bubuwoman, o ol nara bubu.

Stap Tijim Doktrin: Ol Bigfala Pikinini

Doktrin mo Ol Kavenan 109; 110:1–10

Tempol hem i haos blong Lod.

?Olsem wanem bae yu serem, wetem ol pikinini, lav ia we yu gat long haos blong Lod? Tingting long olsem wanem bae yu givim insperesen long olgeta blong akseptem jalenj blong Elda Quentin L. Cook “blong weaples yumi stap long hem, wanwan long yumi i mas luk yumiwan we i stap insaed long tempol” (“See Yourself in the Temple,” Ensign o Liahona, May 2016, 98).

Samfala Aktiviti we Yu Save Mekem

• Jusum ol ves long seksen 109 o 110 we yu filim se i haelaetem ol blesing blong tempol (sam oli stap long aotlaen blong wik ia we i stap long Kam Folem Mi—Blong Wanwan Man, Woman mo Famli). Raetem ol blesing ia long wan lis antap long bod, mo invaetem ol pikinini blong luklukgud insaed long ol ves ia blong faenem ol blesing ia. ?Olsem wanem bae yumi save eksplenem long wan from wanem tempol hem i impoten tumas long yumi?

• Askem ol pikinini blong oli rid saelen long Doktrin mo Ol Kavenan 110:1–10, mo invaetem olgeta blong serem wan samting we oli lanem abaot Jisas Kraes o tempol, aot long ol ves ia. Invaetem ol pikinini blong droem wan pikja blong olgetawan mo Sevya insaed long tempol.

• Askem ol pikinini blong traem tingting se wan fren i stap traem blong faenem haos blong olgeta. ?Olsem wanem nao yumi save helpem ol fren blong yumi blong save se wijwan haos nao i blong yumi? ?Olsem wanem nao yumi save se tempol i haos blong Lod? Ridim Doktrin mo Ol Kavenan 109:12–13 wetem ol pikinini, mo talem long olgeta olsem wanem yu save se tempol hem i haos blong Lod. Soem ol pikja blong ol tempol, mo letem ol pikinini oli serem filing blong olgeta abaot haos blong Lod.

• Wetem ol pikinini, singsing long “Spirit Olsem Faea” (STSP, pej 28), mo talem long olgeta we oli bin singsing long singsing ia long dedikesen blong Ketlan Tempol—mo long ol dedikesen blong tempol tedei. ?From wanem hemia i wan gud singsing blong dedikesen blong Ketlan Tempol?

  

  Insaed long Ketlan Tempol wanwan en i gat ol pulpit i stap long hem blong ol prishud lida oli yusum.

Doktrin mo Ol Kavenan 110:11–16

Oli nidim ol prishud ki blong mekem wok blong God insaed long Jos tedei.

Elda Gary E. Stevenson i bin talem: “Evri pikinini blong Papa long Heven i bin lok aotsaed mo no save kasem ol odinens we i sevem man, blong gospel blong Jisas Kraes—kasem taem we [Moses, Elaeas, mo Elaeja] oli putumbak evri samting ia” (“Wea Nao Ol Ki mo Atoriti blong Prishud?” Ensign o churchofjesuschrist.org/general-conference/2016/04?lang=bis, Mei 2016).

Samfala Aktiviti we Yu Save Mekem

• Invaetem ol pikinini blong luklukgud insaed long Doktrin mo Ol Kavenan 110:11–16 blong faenem ol nem blong trifala profet blong bifo we oli bin kamkamaot long Ketlan Tempol. Afta, helpem olgeta blong faenem ol toktok insaed long ol ves ia we oli tokbaot wanem we wanwan profet i bin “givim” long Josef Smit mo Oliva Kaodri. Yu save faenem wan ditel stori we i save help long “Japta 40: Visen Insaed long Ketlan Tempol” (Ol Doktrin mo Kavenan Stori, 155–57).

• Serem stori ia tu abaot ol prishud ki we Presiden Russel M. Nelson i talem: “Insaed long poket blong yu, maet i gat wan ki blong haos o trak. Ol prishud ki, oli no save holem long han mo oli no save luk. Oli ‘onem’ atoriti blong prishud” (“Personal Priesthood Responsibility,” Ensign o Liahona, Nov. 2003, 45–46). Blong soem hamas ol prishud ki oli impoten, toktok raon, wetem ol pikinini, ol problem blong stap lusum ki blong haos o blong trak. ?Olsem wanem nao hemia i semmak long problem blong lusum ol prishud ki? Helpem ol pikinini blong oli andastanem huia i holem ol prishud ki tedei mo olsem wanem oli stap yusum ol ki ia blong openem doa blong ol blesing we God i gat blong evri pikinini blong Hem (luk long “Ol Ki blong Prishud,” Stap Tru long Fet, 148–153).

• Blong eksplenem moa abaot ol kit we oli bin putumbak insaed long Ketlan Tempol, soem vidio ia:“By the Hand of Elijah the Prophet” (ChurchofJesusChrist.org). Toktok raon long wanem yumi save tekpat long hem long wok ia we ol ki blong Elaeja oli mekem i posibol. O, soem vidio ia: “Gatherers in the Kingdom” (ChurchofJesusChrist.org) mo tokbaot olsem wanem yumi save help blong pulum tugeta ol pikinini blong Papa long Heven blong oli gobak long Hem.

Stap Leftemap Tingting blong Lanem Samting long Hom

Invaetem ol pikinini blong yusum aktiviti pej blong wik ia, o wan pikja we oli bin droem long taem blong klas blong oli tijim wan samting we oli bin lanem tedei i go long famli blong olgeta, abaot ol tempol o ol ki blong Prishud.

Stap Kam Antap long Fasin blong Yumi blong Stap Tij

Krietem wan ples we i gat lav mo i kwaet. “Eksampol blong yu i gat paoa blong lidim ol fasin blong ol pikinini. … Wetem ol toktok mo ol aksen blong yufala, soem olgeta we yu lavem gospel mo we yu kea abaot fasin we oli stap gro long saed blong spirit” (Teaching in the Savior’s Way, 15).