rāpae’au i te fare tāpe’ara’a nō Carthage

Fare tāpe’ara’a nō Carthage

22–28 nō Novema

Te Parau Ha’api’ira’a ʼe te mau Parau Fafau 135–136

« ’Ua tā’ati ’oia i tāna misiōni ’e tāna mau ’ohipa i tōna iho toto »

’A fa’aineine ai ’outou nō te ha’api’i i Te Parau Ha’api’ira’a ’e te mau Parau Fafau 135–36, e ’imi i te mau parau tumu ’o tei fa’auru i tō ’outou orara’a. ’A feruri e nāhea te mau mana’o i roto i teie arata’i i te tauturu i te mau tamari’i ’ia ha’api’i mai ’e ’ia fa’a’ohipa i teie mau parau tumu.

Pāpa’i i te mau mana’o e tae mai

ītona fa’a’itera’a

Tītau i te mana’o

E ani i te mau tamari’i ’ia fa’a’ite mai i te hō’ē mea tā rātou e ha’amana’o ra tei ha’api’ihia mai i teie matahiti nō ni’a ia Iosepha Semita ’e te mea tāna i fa’aoti. E fa’a’ite i te mau hōho’a nō roto mai i te Mai, pe’e mai—nō te ta’ata hō’ē ’e te ’utuāfare nō teie matahiti ’aore rā, nō roto mai i te mau ’api ’ohipara’a nā mua atu nō te tauturu ia rātou.

ītona ha’api’ira’a

Ha’api’i i te ha’api’ira’a tumu : Te mau tamari’i ’āpī a’e

Te Parau Ha’api’ira’a ’e te mau Parau Fafau 135:1–2

’Ua hōro’a Iosepha Semita ’e ’o Hyrum Smith i tō rāua ora nō te ’evanelia a Iesu Mesia.

E nehenehe te ’ā’amu nō te pohe maratiri o Iosepha ’e o Hyrum Smith e tauturu i te mau tamari’i ’ia fāri’i i te māuruuru nō te mau ’itera’a pāpū ’e te mau tusia a teie mau ta’ata rahi.

Mau ’ohipara’a e nehenehe e rave

• Fa’a’ohipa i te « Pene 57 : ’Ua tāparahi-pohe-hia te peropheta » (Te mau ’ā’amu o te Parau Ha’api’ira’a ’e te mau Parau Fafau, 201–5) nō te fa’a’ite i te mau tamari’i nō ni’a e nāhea te peropheta Iosepha Semita ’e tōna taea’e ’o Hyrum Smith i te pohera’a. ’Aore rā, e vaiiho i te hō’ē o te mau tamari’i ’ia fa’ati’a mai i te ’ā’amu. ’A fa’a’ite i tō ’outou ’itera’a pāpū ē e peropheta mau o Iosepha Semita ’e ’ua hōro’a ’oia i tōna ora nō te Fatu ’e tāna ’evanelia.

• E fa’a’ite i te mau tamari’i i te tahi mau pereota o te ’īrava nō roto mai i te Buka a Moromona tā Hyrum Smith i tai’o nā mua a’e ’oia ’a haere atu ai i te fare tāpe’ara’a nō Carthage, tei pāpa’ihia i roto i Te Parau Ha’api’ira’a ’e te mau Parau Fafau 135:5. E ’āparau e mea nāhea teie ’īrava i te tāmāhanahana ia Hyrum. E fa’a’ite i te mau pāpa’ira’a mo’a ’o tē hōpoi mai ia ’outou te tāmāhanahana i te mau taime pe’ape’a ’aore rā ’ia ’oto ’outou.

Te Parau Ha’api’ira’a ’e te mau Parau Fafau 135:3

E peropheta ’o Iosepha Semita nā te Atua.

I te roara’a o te matahiti, ’ua ha’api’i mai te mau tamari’i e aha tā te Fatu i heheu mai nā roto mai i te peropheta Iosepha Semita. E nehenehe ’outou e tauturu ia rātou ’ia ha’amana’o ’e ’ia māuruuru e nāhea te ’ohipa a Iosepha i te ha’amaita’i i tō rātou orara’a.

Mau ’ohipara’a e nehenehe e rave

• E fa’a’ite i te mau tao’a e fa’ahōho’a ra i te ’ohipa a te peropheta Iosepha Semita, mai te Buka a Moromona, Te Parau Ha’api’ira’a ’e te mau Parau Fafau, ’aore rā te hō’ē hōho’a nō te mau misiōnare ’aore rā, te hō’ē hiero. Ma te fa’a’ohipa i te mau pereota nō roto mai i Te Parau Ha’api’ira’a ’e te mau Parau Fafau 135:3, ’a fa’a’ite i te mau tamari’i i te tahi mau mea tā te Fatu i rave nā roto ia Iosepha Semita nō tō tātou fa’aorara’a. E ani i te mau tamari’i ’ia mā’iti i te hō’ē o teie mau mea ’e ’ia fa’a’ite mai nō te aha rātou e māuruuru ai nō te reira.

• ’A fa’aū noa ai te mau tamari’i i te ’api ’ohipara’a nō teie hepetoma, e hīmene ’aore rā e ha’uti i te mau hīmene nō ni’a ia Iosepha Semita, mai te « ’Auē te ta’ata i parau ia Iehova » (Te mau Hīmene, no.°16). E fa’a’ite i tō ’outou mau ’āehuehu nō ni’a i te peropheta.

  Iosepha Semita

  Te peropheta marite, nā Del Parson

Te Parau Ha’api’ira’a ’e te mau Parau Fafau 136

’Ua hōro‘a mai te Atua ia tātou i te mau fa’auera’a nō te tauturu ia tātou.

’Ua fa’aruru te feiā mo’a i te mau tāmatara’a e rave rahi i roto i te mau matahiti i muri a’e i te pohera’a ’o Iosepha Semita. Nāhea te parau a’o tā te Fatu i hōro’a i te feiā mo’a i te tauturu i te mau tamari’i tā ’outou e ha’api’i ra ?

Mau ’ohipara’a e nehenehe e rave

• Fa’a’ite i te mau tamari’i te tahi o te mau tāmatara’a tā te feiā mo’a i fa’aruru ’a fa’aru’e ai rātou ia Nauvoo ’e i te ’āmuira’a atu i roto i Winter Quarters (hi’o te mau pene 60 ’e 62 i roto i Te mau ’ā’amu o te Parau Ha’api’ira’a ’e te mau Parau Fafau, 211–16, 222–24). E tu’u i te hō’ē hōho’a nō te hiero nō Nauvoo i te hō’ē pae o te piha, ’e e hāmani i te hō’ē tāfare iti i te tahi atu pae—penei a’e i te hō’ē ’ahu ta’oto ’e te tahi mau pārahira’a ’aore rā i te hō’ē ’iri ’amura’a mā’a. E ani i te mau tamari’i ’ia ’āmui mai i pīha’i iho i te hōho’a, ’e e parau ia rātou ē, hō’ē matahiti ’e te ’āfa i muri mai i te pohera’a ’o Iosepha Semita, ’ua fa’ahepohia te feiā mo’a ’ia fa’aru’e ia Nauvoo. E ani i te mau tamari’i ’ia fa’aātea ia rātou i te hiero ’e ’ia ha’aputuputu i roto i te tāfare nō te fa’ahōho’a i te tere i Winter Quarters.

• ’A fa’ata’a ē, ’ua hōro’a te Fatu i te hō’ē heheura’a ia Brigham Young, ’o te ’itehia i roto i Te Parau Ha’api’ira’a ’e te mau Parau Fafau 136, nō te tauturu i te feiā mo’a i roto i tō rātou tere i te ’Āfa’a nō Roto Miti. E tai’o i te tahi mau pereota nō roto mai i te tuha’a 136 tei roto te a’o o tā te mau tamari’i ’āpī a’e e nehenehe e māramarama, ’e e ani ia rātou ’ia ha’uti mai ’aore rā ’ia pāpa’i hōho’a i te mea tā te Fatu i ani i te feiā mo’a ’ia rave ’a rātere ai rātou. ’Ei hi’ora’a, e nehenehe te mau tamari’i e pāpa’i hōho’a ia rātou iho e fa’aho’i ra i te hō’ē mea tā rātou i rave nā te hō’ē hoa, ’aore rā, e nehenehe rātou e hīmene mai i te hō’ē hīmene Paraimere ’a ’ori ai rātou fa’a’ati i te hō’ē fa’ahōho’ara’a rurura’a pae auahi (hi’o te mau ’īrava 25, 28).

ītona ha’api’ira’a

Ha’api’i i te ha’api’ira’a tumu : Te mau tamari’i pa’ari

Te Parau Ha’api’ira’a ’e te mau Parau Fafau 135

’Ua hōro’a Iosepha Semita ’e ’o Hyruma Smith i tō rāua ora nō te ’evanelia a Iesu Mesia.

E nehenehe te fa’aro’ora’a nō ni’a i te mau tusia a Iosepha Semita ’e a Hyrum Smith e ha’apūai i te fa’aro’o o te mau tamari’i ’e tō rātou hina’aro ’ia tāpe’a noa i tō rātou ’itera’a pāpū.

Mau ’ohipara’a e nehenehe e rave

• E ani i te mau tamari’i ’ia fa’a’ite mai e aha tā rātou i ’ite e nāhea Iosepha ’e ’o Hyrum Smith i te tāparahi-pohe-ra’a-hia. Mai te mea e hina’aro rātou i te tauturu, e fa’ahi’o ia rātou i Te Parau Ha’api’ira’a ’e te mau Parau Fafau 135:1 ’aore rā i te « Pene 57 : ’Ua tāparahi-pohe-hia te peropheta » (Te mau ’ā’amu o te Parau Ha’api’ira’a ’e te mau Parau Fafau, 201–5). E ani i te mau tamari’i ’ia feruri ē, tē ora ra rātou i Nauvoo i te taime ’a pohe ai te peropheta. E ani ia rātou ’ia fa’a’ite mai e aha tā rātou i fāri’i. ’A fa’a’ite atu i tō ’outou ’itera’a pāpū nō ni’a ia Iosepha Semita, ’e e ani i te mau tamari’i ’ia nā reira ato’a.

• E pia i te mau hōho’a o te mau peropheta (hi’o te Buka hōho’a o te ’evanelia, nos. 14, 18, 67). E aha te tahi mau mea tā te Atua i ani i te mau peropheta ’ia rave ? E fa’ata’a ē, ’ua fafau mai te Fatu e ha’amaita’ihia tāna mau peropheta nō te mau tusia tā rātou e rave i roto i tāna ’ohipa (hi’o Mataio 10:39).

Te Parau Ha’api’ira’a ’e te mau Parau Fafau 135:3

E peropheta ’o Iosepha Semita nā te Atua.

Mai te mau peropheta ato’a, ’ua fa’a’ite pāpū ’o Iosepha Semita nō Iesu Mesia ’e ’ua ha’api’i ia tātou nāhea ’ia haere mai iāna ra. E tauturu i te mau tamari’i ’ia ’ite e nāhea tō Iosepha Semita fa’aotira’a i tāna misiōni.

Mau ’ohipara’a e nehenehe e rave

• Tai’o ’āmui i Te Parau Ha’api’ira’a ’e te mau Parau Fafau 135:3, ’e e ani i te mau tamari’i ’ia ’ite mai e aha tā Iosepha Semita i fa’aoti. Pāpa’i i ni’a i te tāpūra ’ere’ere e aha tā rātou i ’ite mai. E ani i te mau tamari’i ’ia mā’iti i te hō’ē o teie mau mea ’e ’ia fa’a’ite mai nō te aha rātou e māuruuru ai nō te reira.

• E fa’aitoito i te mau tamari’i ’ia feruri tāta’ihō’ē i te hō’ē hoa ’aore rā, hō’ē ta’ata tei herehia e ’aita i ’ite rahi nō ni’a ia Iosepha Semita. E aha tā rātou e parau mai te mea e ui mai taua ta’ata ra ē, « nō te aha e mea faufa’a roa o Iosepha Semita nō ’outou ? » E ani i te mau tamari’i ’ia fa’a’ite mai e aha tā rātou e parau i teie ta’ata.

Te Parau Ha’api’ira’a ’e te mau Parau Fafau 136:4, 10–11, 18–30

E nehenehe te Fatu e ha’amaita’i mai iā’u ’ia ’aro ana’e au.

I muri a’e i tō Iosepha Semita tāparahi-pohe-ra’a-hia, ’ua ti’avaruhia te feiā mo’a i Nauvoo. ’Ua arata’i ’o Brigham Young ia rātou i Winter Quarters, i reira ’ua fa’aineine rātou nō te hō’ē tere maoro i te ’Āfa’a nō Roto Miti.

Mau ’ohipara’a e nehenehe e rave

• E ha’apoto i te mau ’itera’a rau o te feiā mo’a i muri mai i te pohera’a te peropheta Iosepha Semita (hi’o mau pene 58, 60, ’e 62 i roto Te mau ’ā’amu o te Parau Ha’api’ira’a ’e te mau Parau Fafau, i te mau ’api 206–8, 211–16, 222–24). E ani i te mau tamari’i ’ia feruri e aha tā rātou e fāri’i mai te mea e tītauhia rātou ’ia fa’aru’e i tō rātou fare ’e ’ia ’imi i te hō’ē vāhi ’āpī nō te ora i roto i te medebara. E fa’ata’a ē, i roto i Te Parau Ha’api’ira’a ’e te mau Parau Fafau 136, ’ua hōro’a te Fatu i te mau a’o nō te tauturu i te feiā mo’a i roto i tō rātou tere. ’A hōro’a i te tamari’i tāta’itahi te tahi mau ’īrava nō roto mai i teie heheura’a, mai te mau ’īrava 4, 10–11, 18–30, ’e e ani i te mau tamari’i ’ia ’ite tāta’ihō’ē mai te tahi mea ’o tē tauturu ia rātou i tō rātou mau pe’ape’a ’aore rā, mau mata’u.

• Tauturu i te mau tamari’i ’ia feruri i te mau tāmatara’a tā te mau ta’ata e fa’aruru nei i teie mahana. E ani ia rātou ’ia ’ite mai i te hō’ē mea i roto i te tuha’a 136 ’o tā rātou e nehenehe e fa’a’ite mai nō te fa’aitoito i te hō’ē ta’ata ’o tē haere ra nā roto i te hō’ē tāmatara’a. E nehenehe ato’a te mau tamari’i e ’ite mai i te mau poro’i fa’aitoito i roto i te « Haere mai e te feiā mo’a » (Te mau hīmene, no. 18), hō’ē hīmene tā te feiā mo’a i hīmene i roto i tō rātou tere.

ītona ’apora’a mai

Fa’aitoito i te ’apora’a mai i te fare

E ani i te mau tamari’i ’ia fa’a’ite i tō rātou ’utuāfare ’aore rā, i te hō’ē hoa nō te aha rātou i māuruuru ai i te peropheta Iosepha Semita.

Ha’amaita’iraʼa i tā tātou ha’api’ira’a

E mea ha’uti te mau tamari’i. I te tahi taime e feruri paha ’outou ē, ’ua riro te ha’uti a te mau tamari’i ’ei ha’afifira’a nō te ha’api’ira’a mai. Terā rā, e nehenehe ’outou e turu atu i ni’a i tō rātou nātura ha’uti nā roto i te anira’a ia rātou ’ia pāpa’i, ’ia hīmene, ’aore rā ’ia fa’a’ohipa i te hō’ē parau tumu o te ’evanelia (hi’o te Ha’api’ira’a mai tā te Fa’aora, 25–26).

’api ’ohipara’a : E peropheta ’o Iosepha Semita nā te Atua