“Lesson 175—Pagtatakda ng mga Mithiin: Pagiging Higit na Katulad ng Ama sa Langit at ni Jesucristo,” Manwal ng Titser ng Seminary para sa Doktrina at mga Tipan (2025)
“Pagtatakda ng mga Mithiin,”“ Manwal ng Titser ng Seminary para sa Doktrina at mga Tipan
Lesson 175: Para sa Lakas ng mga Kabataan: Paggawa ng mga Pagpili
Pagtatakda ng mga Mithiin
Pagiging Higit na Katulad ng Ama sa Langit at ni Jesucristo
Hangad ng Ama sa Langit na ang lahat ng Kanyang anak ay magkaroon ng buhay na walang hanggan (tingnan sa Moises 1:39). Maaari tayong umunlad sa ating mga pagsisikap upang maging katulad ng Diyos at makabalik sa Kanyang kinaroroonan sa pamamagitan ng pagtatakda ng mga personal na mithiin. Ang lesson na ito ay makatutulong sa mga estudyante na epektibong makapagtakda ng mga mithiin at makagawa ng mga plano habang hinahangad nilang maging higit na katulad ng Diyos sa tulong Niya.
Mga Posibleng Aktibidad sa Pag-aaral
Saan ka pupunta? Paano ka makararating doon?
Magpakita ng mapa ng mundo o mapa ng inyong lugar. Sabihin sa mga estudyante na magbahagi ng mga lugar na nabisita na nila o gusto nilang bisitahin. Bigyan ang mga estudyante ng dalawang minuto para gumawa ng plano na makatutulong sa isang tao na pumunta sa lugar na iyon. Maaaring kabilang sa plano ang mga bagay tulad ng angkop na paraan ng transportasyon, isang detalyadong ruta, at mga gastusin. Maaaring ibahagi ng mga estudyante ang kanilang plano sa isang kapartner.
-
Paano nauugnay ang paggawa ng plano sa paglalakbay sa ating mortal na buhay?
Ibinahagi ni Pangulong M. Russell Ballard ng Korum ng Labindalawang Apostol ang sumusunod:
Kapag alam ninyo kung saan kayo patungo at paano ninyo inaasahang makarating doon, magkakaroon kayo ng kahulugan, layunin, at tagumpay sa buhay.
Ang ilan ay nahihirapang makita ang pagkakaiba ng mithiin at ng plano hanggang sa matutuhan nila na ang mithiin ay isang destinasyon o patutunguhan, samantalang ang plano ay ang ruta kung paano kayo makakarating doon. (M. Russell Ballard, “Makabalik at Makatanggap,” Liahona, Mayo 2017, 62)
-
Ano ang mga layunin ng mga mithiin at plano?
Sabihin sa mga estudyante na pag-isipan ang kanilang mga personal na mithiin at plano sa pamamagitan ng pagninilay sa mga tanong na tulad ng sumusunod:
-
Gaano kadalas kang nagtatakda ng mga mithiin para sa iyong sarili at gumagawa ng mga plano para makamit ang mga ito?
-
Ano ang iyong mga naging tagumpay at paghihirap?
-
Saan mo ninanais na makarating sa tulong ng iyong mga mithiin at plano?
Sa buong lesson, hikayatin ang mga estudyante na humingi ng patnubay mula sa Espiritu Santo habang sila ay umuunlad at nagsisikap para maisakatuparan ang kanilang mga mithiin at plano.
Binigyan tayo ng Diyos ng halimbawa
Habang ipinapakita mo ang sumusunod na pahayag, maaari mong alisin ang pariralang “isakatuparan ang kawalang-kamatayan at buhay na walang hanggan ng tao [at ng babae]” at ang salitang “kaligtasan“ mula sa unang talata. Sabihin sa mga estudyante na punan ang mga patlang ng mithiin ng Diyos at ng pangalan ng Kanyang plano. Pagkatapos ay maaaring basahin ng mga estudyante ang Moises 1:39 o Alma 42:5 upang matukoy ang mga salitang ginamit ni Pangulong Ballard.
Patuloy na nagturo si Pangulong Ballard:
Binigyan na tayo ng Diyos, ang ating Ama sa Langit, ng perpektong halimbawa ng pagtatakda at pagpaplano ng mithiin. Ang Kanyang mithiin ay “isakatuparan ang kawalang-kamatayan at buhay na walang hanggan ng kalalakihan [at kababaihan]” [Moises 1:39], at ang plano ng kaligtasan ang Kanyang paraan para makamtan ito. …
… Naniniwala ako na ang mahalagang susi sa kaligayahan ay ang matuto kung paano magtakda ng sarili nating mga mithiin at plano ayon sa balangkas ng walang-hanggang plano ng ating Ama sa Langit. (M. Russell Ballard, “Makabalik at Makatanggap,” Liahona, Mayo 2017, 63)
-
Ano ang natutuhan mo mula sa pahayag na ito tungkol sa sarili mong mga mithiin at plano?
Ang isang katotohanang matutukoy ng mga estudyante ay makadarama tayo ng kaligayahan sa pamamagitan ng pagsisikap na makamit ang mga personal na mithiing tutulong sa atin na masunod ang plano ng Diyos. Tulungan ang mga estudyante na maunawaang ginawang posible ng Diyos sa pamamagitan ng Tagapagligtas na tayo ay mabuhay magpakailanman, o magtamo ng imortalidad. Hangad din Niya na maging katulad Niya tayo at ni Jesucristo at makabalik upang makapiling Sila, o magtamo ng buhay na walang hanggan. Ginagawang posible ng plano ng kaligtasan ng Diyos ang mga pagpapalang ito.
-
Sa iyong palagay, bakit makadarama tayo ng kaligayahan kapag tinutulungan tayo ng ating mga mithiing sundin ang plano ng Diyos? (tingnan sa 2 Nephi 2:25; Mosias 2:41).
Basahin ang Lucas 2:52, at alamin ang mga paraan kung paano lumago ang Tagapagligtas noong kabataan Niya habang sinusunod Niya ang plano ng Kanyang Ama.
-
Bakit maaaring nagdudulot ng karagdagang kasiyahan ang pagsunod sa halimbawa ng paglago ng Tagapagligtas sa mga aspektong ito?
Isang huwaran sa pag-unlad
Ipakita sa mga estudyante ang Pansariling Pag-unlad: Gabay na Aklat para sa mga Kabataan. Maaari mong anyayahan ang isang estudyante na ibahagi kung paano ito magagamit upang makatulong sa paggawa ng mga mithiin at pagtatatag ng mga plano. Kung kinakailangan, ipaliwanag na inaanyayahan tayong tularan ang halimbawa ni Jesucristo sa pamamagitan ng paglikha ng mga mithiin sa bawat isa sa mga sumusunod na aspekto: espirituwal, panlipunan, intelektuwal, at pisikal.
Upang maihanda ang mga estudyante na isakatuparan ang sarili nilang mga mithiin, maaari mong balikan ang bahaging “Isang Huwaran sa Pag-unlad“ sa Gabay na Aklat para sa mga Kabataan ([2019], 7–15) o ibigay ang handout na may pamagat na “Isang Huwaran sa Pag-unlad.” Hatiin ang mga estudyante sa mga grupo na may tig-aapat na miyembro, at iba’t ibang bahagi ng pattern ang pag-aaralan ng bawat estudyante. Pagkatapos ay maaari nilang ipaliwanag sa kanilang grupo ang natutuhan nila.
Maaari mo ring panoorin ang “Video: Goal Setting Process“ (3:42), na makikita sa ChurchofJesusChrist.org.
Isang Huwaran sa Pag-unlad
|
Tuklasin ang iyong mga pangangailangan, kaloob, at talento. Subukang itanong ang mga tulad ng: Ano ang nararamdaman kong dapat kong pag-aralan o baguhin sa buhay ko? Anong mga talento o kasanayan ang gusto kong taglayin? Anong mga espirituwal na gawi ang kailangan kong matutuhan o pagbutihin? Paano ko matutupad ang mga tipang ginawa ko noong bininyagan ako? Sino ang maaari kong paglingkuran? “Pag-aralan ito sa iyong isipan; pagkatapos … itanong mo sa akin kung ito ay tama” (Doktrina at mga Tipan 9:8). |
Planuhin na mas umunlad. Subukang itanong ang mga tulad ng:
“Ang mga salita ni Cristo ang magsasabi sa inyo ng lahat ng bagay na dapat ninyong gawin” (2 Nephi 32:3). |
|
Pagnilayan ang natutuhan mo. Subukang itanong ang mga tulad ng:
“Landas ng iyong mga paa ay iyong tuwirin,” (Mga Kawikaan 4:26). |
Kumilos para umunlad sa pananampalataya. Kung hindi ka makausad, subukang itanong ang mga tulad nito:
“Katotohanang sinasabi ko, [ikaw] ay nararapat na maging sabik sa paggawa ng mabuting bagay, at gumawa ng maraming bagay sa [iyong] sariling kalooban.” (Doktrina at mga Tipan 58:27). |
-
Anong mga tanong ang sa palagay mo ay makatutulong habang isinasakatuparan mo ang iyong mga mithiin at plano? Bakit?
-
Paano makatutulong sa iyo ang huwarang ito sa iyong mga pagsisikap na maging higit na katulad ng Ama sa Langit at ni Jesucristo?
-
Paano ka matutulungan ng Ama sa Langit at ni Jesucristo sa iyong mga pagsisikap?
Alamin, planuhin, isagawa, at pagnilayan
Bigyan ng oras ang mga estudyante na maisakatuparan ang kanilang mga personal na mithiin. Ipakita ang mga sumusunod na tagubilin:
Piliin ang heading na pinakanaglalarawan sa iyo, at kumpletuhin ang isa o mahigit pa sa mga kaukulang tagubilin. Humingi ng tulong sa Espiritu Santo at gamitin ang “Isang Huwaran sa Pag-unlad” (matatagpuan sa Gabay na Aklat para sa mga Kabataan o sa handout).
-
Hindi ako nakagawa ng mga partikular na mithiin o plano.
-
a. Alamin kung ano ang kailangan mong baguhin sa isa o mahigit pa sa mga sumusunod na aspekto: espirituwal, panlipunan, intelektuwal, pisikal.
b. Gumawa ng mga plano na makatutulong sa iyo na makamit ang mga mithiing ito.
c. Itala ang iyong mga mithiin at plano sa iyong Gabay na Aklat para sa mga Kabataan o study journal.
-
May mga mithiin at plano akong isinasakatuparan.
-
a. Kung naaangkop, gumugol ng oras sa klase upang isagawa ang iyong mga plano at mithiin.
b. Pagnilayan ang natutuhan at progresong nagawa mo nang kumilos ka ayon sa iyong mga mithiin at plano.
c. Itala ang iyong mga naiisip at iakma ang iyong mga mithiin o plano kung kinakailangan sa iyong Gabay na Aklat para sa mga Kabataan o study journal.
Pagkatapos ng sapat na oras, anyayahan ang ilang estudyante na magbahagi ng mga mithiing nagawa nila o mga tagumpay at hamon na naranasan nila habang pinagsisikapan nilang maisakatuparan ang kanilang mga mithiin.
Anyayahan ang mga estudyante na kumilos ayon sa kanilang mga personal na mithiin. Ipaliwanag na ang pagsasakatuparan ng mga mithiin ay pagpapakita ng pananampalataya. Magpatotoo na alam ni Jesucristo ang ating mga kalakasan at kahinaan. Tutulungan Niya tayong magtagumpay kapag bumaling tayo sa Kanya.