Ариун сүмийн хишиг гэж юу вэ?
Өвөг дээдсийнхээ болон нас барсан бусад хүний өмнөөс ариун сүмийн ёслолуудыг хийх нь Бурханы бүх хүүхдэд авралыг боломжтой болгодог. Гэхдээ ариун сүмд гүйцэтгэдэг бөгөөд Бурханы оршихуйд буцаж очих замд байдаг мөн таны хувьд чухал хүлээн авах ёслол бас байдаг.
Украйны Киев ариун сүмийн селестиел өрөө
Баптисм, гишүүний баталгааны дараа та ариун сүмийн хишгийн ёслол хүлээн авах боломжтой. Хишиг гэдэг нь “бэлэг” гэсэн утгатай бөгөөд ариун сүмийн таны хишиг бол Бурханы хүлээн авахад бэлэн хүмүүст өгдөг мэдлэг, хүч чадлын онцгой бэлэг юм. Энэ бол Бурханы оршихуйд буцаж очиход шаардлагатай ёслол. Энэ ёслолын нэг хэсэгт авралын төлөвлөгөө, Есүс Христийн номлол ба Цагаатгал, хүүхдүүдээ гэсэн Тэнгэрлэг Эцэгийн хайр, таны тэнгэрлэг хувь тавилангийн тухай танд заадаг. Хишиг хүртэх үеэр таны хийдэг гэрээнүүд таныг Есүс Христтэй илүү адил болох тал дээр илүү төвлөрдөг.
Бэлтгэж байгаа насанд хүрсэн хүмүүс баптисм хүртсэнээсээ хойш нэг жилийн дараа ариун сүмийн хишгээ хүртэж болно. Танай бишоп эсвэл салбарын ерөнхийлөгч ариун сүмийн тухай илүү ихийг судлан, хишгээ хүртэхэд бэлтгэхэд тань туслах болно. Та бэлэн болсон үедээ энэхүү ёслолыг хүлээн авахад байлцах ариун сүмийн эрхийн бичигтэй гэр бүлийн гишүүд, найз нөхдөө урьж болно. Баптисмтай адил та хувийн хишгээ хүртсэнийхээ дараа нас барсан бусад хүний өмнөөс энэ ёслолыг хүлээн авч болно.