Librarya
Pagkatawo ni Jesukristo

“Pagkatawo ni Jesukristo,” Mga Baroganan sa Ebanghelyo (2023)

Imahe
ang pagkatawo ni Jesus

Giya sa Pagtuon sa Ebanghelyo

Pagkatawo ni Jesukristo

“Alang kanato ang usa ka bata natawo, alang kanato ang usa ka anak nga lalaki gihatag”

Ang pagsaulog sa pagkatawo ni Jesus matag panahon sa Pasko nagpahinumdom kanato unsa gayod kaimportante ang sugilanon sa Natibidad. Samtang kita wala kaayoy nahibaloan sa mga sitwasyon sa pagkatawo ni Jesus, kita nasayod sa mga milagroso nga mga timailhan ug mga katingalahan nga gihatag ug ang mga tawo nga misaksi nga ang Anak sa Dios naabot na sa kalibotan. Ang imong pagpasalamat ug gugma alang ni Jesukristo molambo samtang ikaw maninguha nga magkat-on kabahin niining sagrado nga panghitabo.

Nganong ang Pagkatawo ni Jesukristo Mahinungdanon Man Kaayo?

Sigun sa gipanagna sa karaang mga propeta, si Jesukristo natawo sa tungatungang panahon didto sa Betlehem, duol sa Jerusalem. Si Jesus mao ang Bugtong Anak sa Langitnong Amahan. Ang Iyang inahan mao si Maria, kinsa kaslonon ni Jose. Mga milagroso nga mga timailhan ug mga katingalahan miduyog sa Iyang pagkatawo, nagsaksi nga ang dugay nang gipanagna nga Mesiyas miabot na sa kalibotan aron sa pagluwas sa mga anak sa Dios ug mahimong posible ang kinabuhing dayon.

Kinatibuk-ang pagpasabot sa hilisgotan: Pagkatawo ni Jesukristo

May kalabotan nga mga giya sa pagtuon sa ebanghelyo: Premortal Life, Jesus Christ, Mortal Ministry of Jesus Christ

Seksiyon 1

Ang pagkat-on mahitugod sa pagkatawo ni Jesukristo pinaagi sa Karaang mga Pagpanagna

Imahe
Sinulat ni Isaias diha sa linukot nga panit nga basahon

Matag propeta sugod sa panahon ni Adan nagpamatuod ni Jesukristo ug nagpaabot uban sa dakong kahinam sa panahon kon ang Mesiyas moabot ug mohimo sa kaluwasan ug mohimong posible sa kinabuhing dayon sa tanang katawhan. “Si Enoch nakakita sa adlaw sa pag-anhi sa Anak sa Tawo, gani diha sa unod, ug ang iyang kalag nagmaya” (Moises 7:47). Si Isaias nanagna “Kay alang kanato ang usa ka bata matawo, alang kanato ang usa ka anak nga lalaki gihatag” (Isaias 9:6). Si Nephi nakakita ni Maria diha sa panan-awon ug ang pagkatawo sa gisaad nga Mesiyas (tan-awa sa 1 Nephi 11:13–23). Si Abinadi nagpamatuod, “Ang Dios sa iyang kaugalingon manaog taliwala sa mga katawhan, ug motubos sa iyang mga katawhan” (Mosiah 15:1). Kon ikaw magtuon sa mga panagna ug mga pagtulun-an mahitungod sa Iyang pagkatawo, ikaw magsugod sa pagkakita kon unsa kamahinungdanon kana alang sa Dios nga Amahan sa pagpadala sa Iyang Anak si Jesukristo sa kalibotan.

Mga butang nga angay hunahunaon

  • Ang mga propeta nagpamatuod niana nga dagkong mga timailhan ug katingalahan nga sinyales sa pagkatawo ni Jesukristo diha sa katawhan sa Basahon ni Mormon. Basaha ang Helaman 14:1-9 ug 3 Nephi 1:4-22. Nganong daghang mga tawo ang modumili sa pagtuo sa mensahe sa mga propeta? Unsa ang imong ebidensiya nga si Jesukristo buhi karon ug nga nagtabang uban sa gugma sa tanang mga anak sa Dios?

Kalihokan alang sa pagkat-on uban sa laing tawo

  • Tan-awa ang bidyo nga “Why We Need a Savior” (2:15). Dungan nga hisgotan ang mahitungod sa pangutana nga “Unsa kaha ang kinabuhi kon wala ang Manluluwas?” Puwede usab ninyo nga hisgotan ngano nga ang mensahe sa pagkatawo ni Jesus kinahanglang magpadayon sa paghatag og dakong kalipay ug kalinaw sa kalibotan.

Pagkat-on pa og dugang

Seksiyon 2

Ang mga Saksi Nagpamatuod Nga ang Manluluwas Natawo Na

Imahe
Maria nagkugos sa masusong Jesukristo

Tungod kay ang pagkatawo ni Jesukristo usa sa labing importante nga panghitabo sa kasaysayan, ang Dios nag-andam og daghang saksi nga mopamatuod niini, sa wala pa ug pagkahuman kini mahitabo. Ang pipila niini nga mga saksi mao ang anghel Gabriel (Lucas 1:26–33), Maria (Lucas 1:46–49), Igtagsa ni Maria si Elisabeth (Lucas 1:41–45), ang mga magbalantay sa karnero (Lucas 2:16–17), Simeon (Lucas 2:25–33), Anna (Lucas 2:36–38), ug ang mga Maggo gikan sa silangan (Mateo 2:1–2, 9–11). 

Mga butang nga angay hunahunaon 

  • Basaha ang 2020 nga mensahe sa Pasko ni Presidente Russell M. Nelson, “Balaang mga Gasa,” nga mangita sa pipila ka makahuloganong mga simbolo nga may kalabotan sa pagkatawo ni Jesukristo. Unsa ang matudlo niini nga mga simbolo kanimo kabahin sa mortal nga misyon ni Jesukristo?

Kalihokan alang sa pagkat-on uban sa laing tawo

  • Dungan nga magtan-aw sa The Christ Child (17:56). Dayon hisgoti ang pangutana nga “Unsa ang atong gibati mahitungod sa pagkatawo ni Jesukristo kon atong ikonsidera ang tahas nianang mahinungdanon nga hitabo sa plano sa Dios alang sa atong kaluwasan?” Kon ikaw nagkat-on uban sa mga bata, dapita sila sa pagdrowing sa ilang paborito nga eksena sa salida. Awhaga sila sa pagpakigbahin sa ilang hunahuna mahitungod sa pagkatawo ni Jesukristo.

Pagkat-on pa og dugang

Seksiyon 3

Ang Pagtuon sa Pagkatawo ni Jesus Makapaduol Kanato ngadto Kaniya

Si Presidente Ezra Taft Benson mipasabot: “Ang mga pagpamatuod sa gitakda nga mga saksi wala nagbilin og pangutana mahitungod sa amahan ni Jesukristo. Ang Dios mao ang Amahan sa Iyang yutan-ong lawas, ug si Maria, nga usa ka mortal nga babaye, mao ang Iyang inahan. … Dili Siya anak ni Jose, ni Siya anak sa Espiritu Santo. Siya ang Anak sa Mahangtorong Amahan!”

Si Jesukristo gitawag nga Bugtong Anak tungod kay Siya lamang ang Anak sa Amahan nga natawo sa unod (tan-awa sa 1 Nephi 11:13–22). Siya gipadala dinhi aron mobuhat sa kabubut-on sa Iyang Amahan—aron moluwas sa mga sala sa tanang katawhan (tan-awa sa Juan 3:16–17).

Mga butang nga angay hunahunaon 

  • Ang plano sa Dios nga luwason ang Iyang mga anak nagkinahanglan og “walay kinutoban ug walay kataposan nga sakripisyo” nga walay hayop o tawo nga makatuman. Kinahanglan ang Sakripisyo sa Anak sa Dios. (Tan-awa sa Alma 34:9–14.) Unsa ang atong nasayran mahitungod sa kinaiyahan sa pagkatawo ni Jesukristo nga naghimong posible alang Kaniya nga mabuhat ang “walay kinutoban ug walay kataposan nga sakripisyo” nga gikinahanglan sa plano sa Dios? Wala gipadayag sa Langitnong Amahan ang proseso sa unsang paagi nga si Jesus nahimong Iyang Bugtong Anak sa yuta; ato lang nasayran unsa ang gipakigbahin diha sa kasulatan—sama pananglit, sa Mateo 1:18–25; Lucas 1:26–35; Mosiah 15:1–3; ug Alma 7:9–10.

  • Sa iyang pakigpulong nga “Ang Makapahingangha ug Tinuod nga Istorya sa Pasko,” si Presidente Gordon B. Hinckley miingon: “Wala unta ang Pasko kon wala pa ang Pasko sa Pagkabanhaw. Ang masuso nga si Jesus sa Betlehem mahisama ra unta sa laing batang masuso kon wala pa ang matubsanon nga Kristo sa Getsemani ug sa Kalbaryo, ug ang madaogon nga kamatuoran sa Pagkabanhaw. … Ako manghinaot nga matag usa kaninyo mogahin og usa ka panahon, tingali usa lang ka oras, igahin sa hilom nga pagpamalandong ug hinuktokan sa hilom ang kanindot ug ang kaharianon niini, ang Anak sa Dios.” Ngano nga importante nga magkauban ang panghitabo sa Betlehem uban didto sa Getsemani ug Kalbaryo?

Kalihokan alang sa pagkat-on uban sa laing tawo 

  • Daghang mga kultura ang nagsaulog sa pagkatawo ni Kristo uban sa tradisyon sa paghatag ug mga gasa. Rebyoha ang pipila ka dayag nga mga gasa sa pakigpulong ni Presidente Russell M. Nelson nga “Upat ka Gasa nga Gitanyag ni Jesukristo Kaninyo.” Ipangutana, “Unsa ang pipila ka mga gasa gikan ni Jesukristo nga nakapausab sa imong kinabuhi?”

Pagkat-on pa og dugang 

Ubang mga kapanguhaan mahitungod sa Pagkatawo ni Jesukristo

Mubo nga mga Sulat

  1. Russell M. Nelson, “Balaanong mga Gasa” (Debosyonal sa Pasko sa Unang Kapangulohan, Dis. 6, 2020), Librarya sa Ebanghelyo.

  2. Ezra Taft Benson, “Five Marks of the Divinity of Jesus Christ,” Ensign, Dec. 2001, 10–11.

  3. Gordon B. Hinckley, “Ang Makapahingangha ug Tinuod nga Istorya sa Pasko,” Liahona, Dis. 2000, 5.

  4. Russell M. Nelson, “Upat ka Gasa nga Gitanyag ni Jesukristo Kaninyo” (Debosyonal sa Pasko sa Unang Kapangulohan Dis. 2, 2018), Librarya sa Ebanghelyo.

Iprinta