Librarya
Kinabuhi sa Wala pa Dinhi sa Yuta

“Kinabuhi sa Wala pa Dinhi sa Yuta,” Hilisgotan ug mga Pangutana (2023)

uniberso

Giya sa Pagtuon sa Ebanghelyo

Kinabuhi sa Wala pa Dinhi sa Yuta

Atong kinabuhi uban sa Dios sa wala pa kita matawo

Sa laing punto, kasagaran sa mga tawo maghunahuna unsay mahitabo kon sila mamatay. Apan ikaw naghunahuna ba kabahin kon ikaw diha na sa wala pa ka natawo ug, kon mao, kinsa ka kaniadto?

Kita nasayod gikan sa mga kasulatan nga sa wala pa ta niining kalibotana, kita nagpuyo uban sa Dios ug nagsimba Kaniya isip atong Mahangtorong Amahan. Kita nakadawat usab og instruksiyon ug pagpangandam sa atong mortal nga kinabuhi ug mipili nga mosunod sa plano sa atong Amahan alang sa atong kaluwasan.

Kini nga plano sa kaluwasan naglakip sa atong pag-abot dinhi sa kalibotan. Isip tipik sa mortal nga kasinatian, kita makadawat og mortal nga mga lawas ug ang tabil motabon sa atong mga panumdoman sa atong kinabuhi sa wala pa dinhi sa yuta. Dinhi sa kalibotan kita kinahanglan nga mopalambo sa atong moral nga kabubut-on, o atong katakos sa pagpili. Didto sa usa ka Dako nga Konseho nga gipahigayon sa atong kinabuhi sa wala pa dinhi sa yuta, ang Langitnong Amahan mipili ni Jesukristo nga mobayad sa ganti sa atong mga sala ug mobuntog sa kamatayon, ug si Jesus andam nga midawat sa tahas. Kita nakat-on nga ang atong pag-uswag nga mahimong sama sa atong Langitnong Amahan nagkinahanglan nga mobutang sa atong hugot nga pagtuo diha ni Jesukristo ug mosunod sa mga sugo sa Dios.

Unsa ang Kinabuhi sa Wala pa Dinhi sa Yuta?

“Kinabuhi sa wala pa dinhi sa yuta” nagpasabot sa kinabuhi nga kita nagpuyo sa wala pa kita miabot sa kalibotan isip usa ka mortal nga mga binuhat. Sa kinabuhi sa wala pa dinhi sa yuta, ang tanan nga mga tawo nagpuyo uban sa Dios isip Iyang espiritu nga mga anak.

Kinatibuk-ang pagpasabot sa hilisgotan: Kinabuhi sa Wala pa Dinhi sa Yuta

May kalabotan nga mga giya sa pagtuon sa ebanghelyo: Plan of Salvation, Mortal Life, Spirit World, Jesus Christ, Children of God

Seksiyon 1

Ikaw Nagpuyo uban sa Dios sa wala pa Ka Matawo

babaye namalandong sa kinabuhi sa wala pa dinhi sa yuta

Sa wala pa kita matawo, kita adunay mga lawas sa espiritu ug nagpuyo uban sa Dios isip espiritu nga anak nga mga babaye ug espiritu nga anak nga mga lalaki sa usa ka langitnong mga ginikanan (tan-awas sa Moises 3:4–5). Didto kita “nakaila ug nagsimba sa Dios ingon nga [atong] Amahan sa Kahangtoran.”  Mao kini ang panahon sa pagkat-on ug pagpangandam, ug ang Dios nakaila kanato (tan-awa sa Jeremias 1:5) ug mitabang kanato sa pagpangandam sa atong kinabuhi dinhi sa kalibotan (tan-awa sa Doktrina ug mga Pakigsaad 138:56).

Mga butang nga angay hunahunaon

  • Ang mga kamatuoran nga gitudlo diha sa “Ang Pamilya: Usa ka Pamahayag ngadto sa Kalibotan” makatabang kanato nga makasabot sa unsang paagi ang atong kinabuhi sa wala pa dinhi sa yuta mohaom sa plano sa Langitnong Amahan alang sa atong kalipay. Basaha ang unang tulo ka parapo sa pamahayag, nga tagaan og espesyal nga pagtagad ang mga pakisayran ngadto sa atong kinabuhi sa wala pa dinhi sa yuta. Sa unsang paagi makatabang ang imong pagsabot ngadto sa atong kinabuhi sa wala pa dinhi sa yuta kon ikaw mag-atubang og mga hagit? Ngano kaha nga ang Dios mipadayag niini nga kamatuoran kabahin sa kinabuhi sa wala pa dinhi sa yuta?

  • Kita wala kaayoy kasayoran kabahin sa atong kinabuhi sa wala pa dinhi sa yuta. Bisan paman, kita nasayod nga “daghan, … midawat sa ilang unang leksiyon didto sa kalibotan sa mga espiritu ug naandam sa pag-anhi sa tukma nga panahon sa Ginoo” (Doktrina ug mga Pakigsaad 138:56). Sa pagkonsedirar unsay imong nasayran kabahin sa plano sa kaluwasan sa Dios ug kahimayaan ug ang ebanghelyo ni Jesukristo, unsa kaha nga mga leksiyon ang atong makat-onan atol niini nga panahon? Tun-i ang Doktrina ug mga Pakigsaad 138:53–57, nga tagaan og espesyal nga pagtagad ang (bersikulo 56). Kon ikaw adunay imong patriyarkal nga panalangin, ang pagbasa niini usab makatabang. Sa unsang paagi nga ang pagkasayod nga ikaw andam alang sa imong mortal nga kinabuhi naghatag nimo og kompiyansa atol sa lisod nga mga panahon?

Mga kalihokan alang sa pagkat-on kauban sa uban

  • Si Presidente Russell M. Nelson mipahinumdom sa mga miyembro sa Simbahan, “Kinsa kamo? Una ug labing importante, kamo anak sa Dios.” Dapita ang tanan sa pagpakigbahin ngano nga ang ilang pagkatawo isip mga anak sa Dios importante alang kanila. Dayon basaha ang Mga Hebreohanon 12:9; Doktrina ug mga Pakigsaad 76:24; Mga Buhat 17:29; ug Mga Taga-Roma 8:16 nga magdungan. Unsa nga mga panabot ang imong nakuha gikan niini nga mga kasulatan? Unsa ang imong nakat-onan gikan niining mga kasulatan mahitungod sa unsay kahulogan sa pagkahimong anak sa Dios? Ipakigbahin ang inyong mga ideya ngadto sa grupo.

  • Paghunahuna og mga istorya sa uban nga ilang nasulti nganha kanimo kabahin sa imong pagkabata. Bisan tuod wala naka makahinumdom isip usa ka masuso o bata, unsa ang nahitabo kanimo kaniadto mahimong makaapekto nimo sa tibuok nimong kinabuhi. Dapita ang grupo sa pagpakigbahin sa pipila ka mga ehemplo. Sama lang nga kita dili makahinumdom sa atong pagkabata, kita dili usab makahinumdom sa atong kinabuhi sa wala pa dinhi sa yuta. Sa unsang paagi kining kamatuoran makaapekto sa paagi sa atong paghunahuna mahitungod sa atong kinabuhi sa wala pa dinhi sa yuta?

Pagkat-on pa og dugang

  • Dieter F. Uchtdorf, “Ang Inyong Talagsaong Biyahe sa Pagpauli,” Liahona, Mayo 2013, 125–29

  • Neal A. Maxwell, “Premortality, a Glorious Reality,” Ensign, Nov. 1985, 15–18

  • “Chapter 6: Our Premortal Life,” Doctrines of the Gospel Student Manual (2010), 13–15

Seksiyon 2

Si Jesukristo Gipili Nang Daan didto sa Kinabuhi sa Wala Pa Dinhi sa Yuta nga Mahimo Natong Manluluwas

Si Jesukristo gipili isip atong Manluluwas

Didto sa kinabuhi sa wala pa dinhi sa yuta, ang Langitnong Amahan nagpatawag og Dakong Konseho aron ipresenta ang Iyang plano sa atong mahangturon nga pag-uswag. Atong nahibaloan nga kita moabot dinhi sa yuta, diin kita makagamit sa atong moral nga pagpili ug mahimong mas sama sa Dios (tan-awa sa Abraham 3:23–26). Ang Langitnong Amahan mipili ni Jesukristo nga mahimong Manluluwas ug Manunubos sa kalibotan, ug Siya andam nga midawat sa mao nga tahas (tan-awa sa 1 Pedro 1:19–20). Isip atong Manluluwas, Siya mihimong posible alang kanato nga makabalik sa presensya sa Dios pinaagi sa pagbuntog sa kamatayon ug sala.

Bisan paman, si Lucifer (Satanas) nagtinguha nga mapukan ang kabubut-on nga gihatag sa Dios sa Iyang mga anak (tan-awa sa Moises 4:1–3). Siya usab gusto nga modawat sa himaya sa Dios (tan-awa sa Isaias 14:12–15; Doktrina ug mga Pakigsaad 76:25–29). Kini ang hinungdan sa dakong pagkabahinbahin sa mga anak sa Dios (tan-awa sa Abraham 3:27–28; Pinadayag 12:7). Kadtong misunod kang Lucifer gisalikway sa langit uban kaniya (tan-awa sa Pinadayag 12:8–9; Doktrina ug mga Pakigsaad 29:36–37). Ang tanan nga midawat kang Jesukristo isip Manluluwas nakahimo sa pag-uswag ug nakadawat sa usa ka pisikal nga lawas sa yuta.

Ang Dios mihatag kanato sa gasa sa moral nga kabubut-on. Basaha ang 2 Nephi 2:27–29, hatagi og pagtagad ang gidalang papel sa kabubut-on sa atong kinabuhi. Nganong ang gasa sa kabubut-on usa ka importante nga bahin sa plano sa Langitnong Amahan ug sa atong mortal nga kasinatian? Unsa ang gitudlo kanimo kabahin sa kaimportante sa kabubut-on sa pagsalikway ni Lucifer ug sa iyang mga sumusunod?

Si Jesukristo gi-orden nang daan nga mahimo natong Manluluwas. Unsa ang gipasabot sa titulo nga “Manluluwas”? Basaha ang Juan 3:17; Mga Buhat 2:21; Helaman 14:15; ug Moises 1:6. Unsa ang imong nakat-onan gikan niini nga mga bersikulo mahitungod sa tahas ni Jesukristo?

Kalihokan alang sa pagkat-on uban sa laing tawo

Atol sa atong kinabuhi sa wala pa dinhi sa yuta, nakaila kita sa Dios ug ni Jesukristo. Sa mortalidad, wala kitay nahinumdoman niini nga panahon ug kinahanglang “[m]agkinabuhi man pinaagi sa pagtuo, dili pinaagi sa atong makita” (2 Mga Taga-Corinto 5:7). Kon ikaw nagtudlo og mas gagmay nga mga bata, mahimo nimo silang dapiton sa paglakaw sa lawak nga naay tabon ang mga mata aron makatabang nila nga makasabot unsa ang kahulogan niini. Isip usa ka grupo, tun-i ang pipila ka mga kasulatan nga nakalista sa ubos “Hugot nga Pagtuo” diha sa Giya ngadto sa mga Kasulatan. Dayon hisgoti ang papel sa hugot nga pagtuo diha ni Jesukristo sa atong panaw balik ngadto sa atong langitnong panimalay.

Pagkat-on pa og dugang

Ubang mga Kapanguhaan kabahin sa Kinabuhi sa Wala pa Dinhi sa Yuta