Librarya
Mortalidad

“Mortalidad,” Mga Hilisgotan ug Mga Pangutana (2023)

Imahe
yuta

Giya sa Pagtuon sa Ebanghelyo

Mortalidad

Ang inyong rason sa pagkabinuhat

Kadaghanan sa panahon, ang kinabuhi bisi ug kita dili gayod makahunahuna mahitungod kon aduna bay bisan unsang talagsaong katuyoan niini. Kita naningkamot lang gyod nga makalatas ngadto sa laing adlaw. Ug gani adunay butang nga daw anaa sa atong kahiladman nga nangandoy nga masayod “Nganong ania ako dinhi?” o “Unsa ang katuyoan sa kinabuhi?”

Ang gipahiuli nga ebanghelyo ni Jesukristo namahayag uban ang kasiguroan nga ang inyong kinabuhi aduna gayod usa ka katuyoan, ug kamo mahimong makahibalo niini. Ibutang sa yano nga, kamo ania tungod kay ang inyong Amahan sa Langit mihatag kaninyo niana nga oportunidad, ug kamo malipayon nga midawat niini. Ang inyong katuyoan niining kinabuhi mao ang paglambo, pagkat-on mahitungod sa Dios, mamahimong mas sama Kaniya, ug usa ka adlaw makadawat sa kinabuhing dayon uban Kaniya. Ang inyong pagsabot niining mga kamatuoran mahimong adunay usa ka gamhanan nga impluwensiya kon unsaon ninyo sa pagtan-aw ang mga panalangin ug mga pagsulay, mga kasub-anan ug mga kalipay sa kinabuhi.

Unsa ang Mortal nga Kinabuhi?

Ang Mortal nga kinabuhi mao ang panahon tali sa pagkatawo ug kamatayon. Ang mga pagpili nga atong buhaton atol sa mortal nga kinabuhi—ilabina ang pagpili sa pagsunod ni Jesukristo—motino sa atong mahangtoron nga padulngan.

Kinatibuk-ang pagpasabot sa hilisgotan: Mortalidad

May kalabotan nga mga giya sa pagtuon sa ebanghelyo: Plano sa Kaluwasan, Kinabuhi sa Wala pa Dinhi sa Yuta, Pagsunod sa Ebanghelyo ni Jesukristo

Seksiyon 1

Usa ka Kahigayonan aron Madawat ang usa ka Pisikal nga Lawas

Imahe
inahan ug amahan nga naggunit og gamayng bata

Lisod hunahunaon ang kinabuhi nga wala atong mga lawas—daghan kaayo sa unsay atong nahibaloan ug nasinati moabot sa atong pisikal nga mga pagbati. Apan kamo labaw pa kaayo kay sa inyong lawas. Kamo adunay usa ka espiritu nga dugay nang buhi sa wala pa kamo natawo. Ang Dios, ang Amahan sa inyong espiritu, mihatag kaninyo niining pisikal nga lawas isip usa ka gasa aron sa pagtabang kaninyo nga masinati ang mortal nga kinabuhi ug molambo nga mamahimong mas sama Kaniya. Ang pagdawat og usa ka pisikal nga lawas ug pagsinati og mortal nga kinabuhi dinhi sa yuta mao ang usa ka importanteng bahin sa Iyang plano alang sa inyong mahangtoron nga kalipay.

Mga butang nga angay hunahunaon

  • Unsa ang gusto sa Dios nga atong masabtan mahitungod sa atong mga lawas? Pamalandongi kini samtang kamo magbasa sa Genesis 1:26–27; Moises 2:27; ug 1 Mga Taga-Corinto 6:19–20. Sa unsang paagi nga ang pagtan-aw sa Dios diha sa inyong pisikal nga lawas lahi gikan sa mga mensahe nga inyong makita ug madungog gikan sa kalibotan? Sa unsang paagi ang pagtan-aw sa inyong lawas sama sa Iyang pagtan-aw makaapekto sa mga pagpili nga inyong buhaton mahitungod sa inyong lawas?

  • Ikonsiderar ang pagtan-aw sa bidyo “God’s Greatest Creation” (2:51) o magbasa sa artikulo ni Presidente Russell M. Nelson “Ang Inyong Lawas: Us ka Talagsaong Gasa nga Angay Mahalon.” Isulat ang inyong mga gibati mahitungod sa gasa sa inyong lawas. Unsa ang inyong gibati nga nadasig nga buhaton aron sa pagpakita sa inyong gugma alang ni Jesukristo?

Kalihokan alang sa pagkat-on uban sa laing tawo

  • Alang sa Kalig-on sa mga Kabatan-onan: Usa ka Giya alang sa Paghimo og mga Pagpili adunay usa ka seksiyon ga giulohan og “Ang Inyong Lawas Sagrado” (mga pahina 22–29). Tingali mahimo ninyong basahon kini og dungan ug mohunong panagsa aron mangutana sama sa “Unsa ang gipasabot niini nganha kaninyo?” o “Sa unsang paagi kini nga mga baroganan makaimpluwensiya sa mga pagpapili nga atong buhaton mahitungod sa atong mga lawas?”

Pagkat-on pa og dugang

Seksiyon 2

Usa ka Panahon sa Pag-andam ug Pagmatuod sa Atong Kaugalingon

Kon kamo nakaadto sa eskwelahan, nan tingali nakahibalo na kamo kon usa ang magkuha og pasulit o eksam. Ang usa ka eksam maghatag kaninyo og usa ka kahigayonan aron makita ang unsay inyong nakat-onan aron kamo mouswag ngadto sa sunod nga grado o kurso ug makakat-on pa og dugang.

Ang kinabuhi, sa laing paagi, nahisama sa usa ka eksam o usa ka pasulit. Ang atong mga kasinatian—ug ang atong mga tubag niadtong mga kasinatian—naghatag kanato og kahigayonan sa pagpakita “kon [kita] mobuhat ba sa tanan nga mga butang … [nga] isugo” (Abraham 3:25). Apan dili sama sa kadaghanan nga mga pasulit, ang pasulit sa kinabuhi dili lang usa ka panahon sa pagtimbang-timbang; kini usa usab ka proseso sa pagkahimo. Tungod sa Pag-ula ni Jesukristo, kamo makakoriher sa mga sayop pinaagi sa paghinulsol ug sa hinay-hinay mamahimong sama sa Dios. Kon atong igahin ang atong panahon dinhi sa yuta sa pagdangop ngadto ni Kristo ug modawat sa Iyang ebanghelyo, Siya makagamit sa atong mga kasinatian sa mortalidad—lakip ang kasakit, mga kasinatian nga kamahayan—aron moandam kanato alang sa kahangtoran (tan-awa sa Mga Taga-Roma 8:28).

Mga butang nga angay hunahunaon

  • Kon adunay usa ka tawo mangutana kaninyo “Unsa ang katuyoan sa kinabuhi?” unsa ang inyong isulti? Ikonsiderar kon sa unsang paagi kini nga tudling sa kasulatan lagmit mohatag sa inyong tubag: Alma 12:24; 34:31–37; Doktrina ug mga Pakigsaad 84:43–48. Unsaon ninyo “sa pag-andam sa pagsugat sa Dios”?

  • Si Presidente Russell M. Nelson miingon, “Kini nga kinabuhi mao gayod ang panahon nga kamo mohukom unsang matang sa kinabuhi ang inyong gustong puy-an hangtod sa kahangtoran.” Pangutan-a ang inyong kaugalingon, “Unsang matang sa kinabuhi nga akong gustong puy-an hangtod sa kahangtoran? Unsa nga mga pagpili ang akong himoon nga mogiya ngadto niana nga tumong? Adunay bay bisan unsa nga mga pag-usab nga akong gikinahanglan nga himoon? Unsaon nako sa pag-access sa gahom sa Manluluwas aron sa pagtabang kanako nga mohimo niadtong mga kausaban?”

Kalihokan alang sa pagkat-on uban sa laing tawo

  • Diha sa bidyo nga “The Challenge to Become,” si Presidente Dallin H. Oaks mipakigbahin og usa ka sambingay sa usa ka adunahan nga amahan. Kini nga sambingay makaaghat og panaghisgotan mahitungod sa katuyoan sa atong Langitnong Amahan alang kanato dinhi sa mortal nga kinabuhi. Mahimo kamo nga maghisgot mahitungod sa mga paagi nga ang mga ginikanan lagmit makatabang sa ilang mga anak nga maandam alang sa ilang kaugmaon. Sa unsang paagi ang Langitnong Amahan nag-andam kaninyo alang sa umaabot nga mahangtoron nga mga panalangin nga gusto Niyang ihatag kaninyo? Tingali inyong ipakigbahin sa usag usa ang pipila ka mga kasinatian ug mga pagpili nga nakatabang kaninyo nga maandam alang sa kinabuhing dayon.

Pagkat-on pa og dugang

Seksiyon 3

Usa ka Paagi sa Pagsinati og Hingpit nga Kalipay diha ni Jesukristo

Imahe
Jesukristo

Si propeta Lehi misumada sa katuyoan sa kinabuhi sa usa ka mubo nga kapahayag: “ang mga tawo naingon; nga unta sila makabaton og hingpit nga kalipay” (2 Nephi 2:25). Apan bisan gani si Lehi dili sayon ang kinabuhi. Siya adunay tanang matang sa kabalaka ug kasubo—siya kinahanglan mopahawa sa iyang panimalay aron sa pagluwas sa iyang kinabuhi, ug ang duha sa iyang mga anak nga lalaki mirebelde batok kaniya. Sa paghulagway ni Lehi sa katuyoan sa kinabuhi, si Presidente Nelson miingon: “Hunahunaa! Sa tanang mga pulong nga mahimo unta niyang gamiton sa paghulagway sa matang ug katuyoan sa atong kinabuhi dinhi sa mortalidad, iyang gipili ang mga pulong hingpit nga kalipay!” Bisan pa man sa tanang pagsulay ug lisod nga trabaho ang malambigit sa mortal nga kinabuhi, dili gayod nato kalimtan kon unsa gayod ang gusto sa atong Amahan, nga sa kataposan, atong madawat ang hingpit nga kalipay nga anaa Kaniya.

Mga butang nga angay hunahunaon

  • Atol sa mga panahon nga dili mabati ang piho nga kamalipayon—ug kitang tanan makabaton niini—usa ka kasulatan sama sa Mga Hebreo 4:14–16 makatabang. Unsa ang inyong nakat-onan mahitungod sa Manluluwas gikan niini nga mga bersikulo? Unsa ang mopasarang Kaniya aron makatanyag og “tabang sa panahon sa panginahanglan”?

Kalihokan alang sa pagkat-on uban sa laing tawo

  • Mag-uban sa pagsuhid kon unsa ang gitudlo ni Presidente Nelson mahitungod kon unsaon sa pagkaplag og kalipay diha sa “Hingpit nga Kalipay ug Espirituhanon nga Pagsugakod.” Tingali inyong ikapakigbahin sa usag usa kon giunsa ninyo sa pagkaplag og hingpit nga kalipay diha ni Kristo, bisan atol sa malisod nga mga panahon.

Pagkat-on pa og dugang

Iprinta