“Sinusuportahan Tayo ng Diyos,” Tulong para sa mga Asawa (2021)
“Sinusuportahan Tayo ng Diyos,” Tulong para sa mga Asawa
Sinusuportahan Tayo ng Diyos
Ang kabatiran na sinusuportahan tayo ng Diyos sa ating mga paghihirap ay isa sa mga alituntunin ng pagpapagaling para sa mga mahal sa buhay ng mga taong may mga nakapipinsalang pag-uugali.
Sinusuportahan tayo ng Diyos: “Kapag ibinaling natin ang ating puso’t isipan sa Diyos, madarama natin ang Kanyang presensya at gabay.”1
Ang Panginoon ay nagbibigay ng kapanatagan, patnubay, at lakas sa tuwina, kahit hindi natin ito natatanto. Dumarating ang banayad at magiliw na mga katibayan ng pag-ibig at pagsuporta ng Diyos sa iba’t ibang paraan; halimbawa, maaaring dumating ang mga ito sa tulong ng iba o sa mga lesson, mensahe, o himno na tuwirang nangungusap sa atin. Sa ibang mga pagkakataon, isang ideya o pahiwatig ang makatutulong para magkaroon tayo ng higit na pag-unawa at direksyon at makadama ng ibayong pagmamahal.