Panatilihin ang Komunikasyon

Natuklasan ng isang babae na matagal nang nagsisinungaling ang kanyang asawa tungkol sa paggamit nito ng pornograpiya, na humantong sa mas mabibigat na kasalanan. Habang hinaharap nilang mag-asawa ang mga problemang ito, nadama niya ang galit at ang sakit na mapagtaksilan. Nang manalangin siya para humingi ng tulong, hiniling niya ang sariling paggaling. Sa tulong ng Ama sa Langit at ng Tagapagligtas, naghanap siya ng mga paraan para matutuhan kung paano muling magtiwala at maghikayat ng matapat na pakikipag-uusap.