“2: Helpem Ol Pikinini blong Yu blong Lanem Samting,” Helpem Ol Pikinini blong Yu blong Gat Sakses long Skul: Gaedbuk blong Papa mo Mama (2021)
“2: Helpem Ol Pikinini blong Yu blong Lanem Samting,” Helpem Ol Pikinini blong Yu blong Gat Sakses long Skul: Gaedbuk blong Papa mo Mama
2
Helpem Ol Pikinini blong Yu blong Lanem Samting
Ol Kwestin blong Tokbaot
-
Lukluk ol pikja ia. ?Wanem nao yu luk?
-
?Olsem wanem nao ol mama oli stap tijim ol pikinini blong olgeta long ol pikja ia?
-
?Wanem i wan samting, we yu stap mekem blong tijim ol pikinini blong yu?
Lanem Samting
Papa mo mama i kea long ol pikinini blong olgeta long plante wei. Yu blesem ol pikinini blong yu evri dei, taem yu stap helpem olgeta blong lanem samting. Taem ol pikinini oli lanem samting, oli filim gud abaot olgetawan mo wantem blong lanem moa
Ol narafala man oli save helpem ol pikinini blong yu blong lanem samting, be papa mo mama, tufala i ol fas mo nambawan tija blong ol pikinini. Yu save helpem ol pikinini blong yu blong oli save se oli stap kam moa olsem Papa blong yumi long Heven mo Pikinini blong Hem Jisas Kraes, taem oli stap lan.
Ol pikinini blong yu oli stap luk wanem yu stap mekem. Taem oli luk se yu tekem taem blong lanem samting, bae oli save se edukesen i impoten. I gat plante wei we yu save gohed blong lanem:
-
Stadi ol skripja.
-
Ridim ol buk.
-
Toktok wetem ol pipol abaot ol nius raon long yu mo long wol.
-
Kasem moa trening blong mekem wok blong yu i kam moa gud.
-
Kasem moa edukesen long skul.
-
Lanem ol niufala skil.
Tingting mo Prea.
Tingting long wanem yu bin lanem. Raetemdaon eni tingting we yu gat o ol aedia we i kam tru long Tabu Spirit. ?Wanem nao yu ting se Lod i wantem yu blong mekem? ?Olsem wanem yu save stap olsem wan eksampol long ol pikinini blong yu blong stap gogohed blong lanem samting?
Aktiviti
?Olsem wanem nao yu save helpem wanwan memba blong famli blog oli lanem samting? Askem ol memba blong famli blong yu abaot wanem oli wantem blong lanem samting, mo olsem wanem yu save helpem olgeta. Raetem ol ansa blong olgeta andanit ia.
|
Ol Memba blong Famli |
?Wanem Nao Oli Wantem blong Lanem? |
?Olsem Wanem Nao Yu Save Helpem Olgeta? |
|---|---|---|
Ol Memba blong Famli Eksampol Derek (boe) | ?Wanem Nao Oli Wantem blong Lanem? -Pasem eksam blong mekem se hem i save go long sekendri skul -Lanem Inglis gud moa | ?Olsem Wanem Nao Yu Save Helpem Olgeta? -Lanem ol deit blong eksam -Luklukbak long skulwok long hom -Toktok Inglis long hom blong mifala |
Ol Memba blong Famli
| ?Wanem Nao Oli Wantem blong Lanem?
| ?Olsem Wanem Nao Yu Save Helpem Olgeta?
|
Ol Memba blong Famli
| ?Wanem Nao Oli Wantem blong Lanem?
| ?Olsem Wanem Nao Yu Save Helpem Olgeta?
|
Toktok wetem Famli blong Yu
Toktok wetem famli blong yu abaot wanem yu bin lanem. Toktok raon long ol kwestin andanit ia. Askem ol memba blong famli blong yu blong oli serem ol tingting blong olgeta mo lisin long wanwan long yufala.
-
?Olsem wanem nao, blong stap lanem samting, i helpem yumi blong kam moa olsem Papa blong yumi long Heven?
-
?Olsem wanem nao yumi save helpem evri memba blong famli blong oli lanem samting mo gohed long edukesen blong olgeta?