2

Ede Pitit Ou yo Aprann

Kesyon pou diskite

1. Gade foto sa yo. Kisa ou wè?

2. Kijan manman yo ap anseye pitit yo nan foto sa yo?

3. Èske gen yon bagay ou anseye pitit ou yo?

Aprann

Paran pran swen pitit yo nan plizyè fason. Ou beni pitit ou yo chak jou nan ede yo aprann. Lè timoun yo aprann, yo santi yo byen nan po yo epi yo vle aprann plis.

Lòt moun ka ede pitit ou yo aprann, men paran yo se premye ak meyè pwofesè timoun yo. Ou ka ede pitit ou yo konnen ke yo vin pi plis tankou Papa nou ki nan syèl la ak pitit gason L la, Jezikri, lè y ap aprann.

Pitit ou yo ap gade sa w fè. Lè yo wè ke w kreye tan pou w aprann, y ap konnen ke edikasyon enpòtan. Gen plizyè fason ou ka kontinye aprann:

• Etidye ekriti yo.

• Li liv.

• Pale avèk moun sou sa k ap pase bò kote w ak nan mond lan.

• Pran plis fòmasyon pou fè travay ou pi byen.

• Pran plis edikasyon ofisyèl.

• Aprann nouvo talan.

Panse epi Priye

Panse sou sa w aprann yo. Ekri tout ide w genyen oswa ide ki soti nan Sentespri a. Kisa w panse Senyè a vle w fè? Kijan w ka tabli yon egzanp pou pitit ou yo nan kontinye aprann?

Aktivite

Kijan w ka ede chak manm nan fanmi w aprann? Mande manm fanmi w yo kisa yo vle aprann ak kijan w ka ede yo. Ekri respons yo pi ba la a.

Manm Fanmi yo	Kisa yo vle aprann?	Kijan w ka ede yo?
Manm Fanmi yo Egzanp Derek (pitit gason)	Kisa yo vle aprann? -Pase egzamen pou l ka ale nan lekòl segondè -Aprann Anglè pi byen	Kijan w ka ede yo? -Aprann dat egzamen yo -Repase devwa lekòl yo lakay -Pale Anglè nan fwaye nou
Manm Fanmi yo	Kisa yo vle aprann?	Kijan w ka ede yo?
Manm Fanmi yo	Kisa yo vle aprann?	Kijan w ka ede yo?

Pale Avèk Fanmi Ou

Pale avèk fanmi w sou sa w aprann. Diskite sou kesyon ki pi ba la yo. Mande manm fanmi w yo pou yo pataje ide yo epi pou youn koute lòt.

• Kijan aprann ede nou vin pi plis tankou Papa nou ki nan Syèl la?

• Kijan nou ka ede tout manm fanmi yo aprann ak kontinye avèk edikasyon yo?