Byenveni

Gid pou paran sa a pral ede w aprann fason pou w ede pitit ou yo aprann nan lekòl ak nan fwaye a.

Timoun aprann nan men paran yo ak enstriktè yo. You aprann atravè travay, ak jwèt ak nan kesyon yo poze tou. Fanmi enpòtan anpil epi yo ede timoun yo aprann. Lè fanmi sipòte timoun nan aprann, timoun yo santi yo kontan ak byen nan po yo. Yo vle aprann plis tou.

Pale avèk fanmi w sou sa w aprann pandan w ap li manyèl sa a. Priye pou w jwenn èd nan men Pè Selès la. Menmsi w pa t fè anpil etid, ou ka toujou ede pitit ou aprann. Senyè a ap ede oumenm avèk pitit ou yo aprann ansanm pandan n ap travay, jwe, pale yonn ak lòt, ak li.

Kijan pou Itilize Manyèl sa a

Paran yo ka etidye manyèl sa a ansanm, avèk pitit yo, oubyen avèk lòt paran. Dirijan Legliz yo ka envite paran yo pou yo rankontre epi diskite sou sijè ki nan manyèl sa a. Frè ak sè sèvis pastoral yo ka pale sou sijè yo ki nan manyèl sa a tou avèk fanmi y ap sèvi yo.

Kòman pou Etidye Chak Sijè

Suiv etap sa yo pandan w ap etidye chak sijè nan manyèl sa a:

1. Envite lòt moun pou yo etidye sijè a avèk ou, oubyen etidye sijè a poukont ou.

2. Panse epi pale sou kesyon yo.

3. Li epi fè aktivite yo.

4. Panse wpi Priye sou bagay ou aprann yo.

5. Pale sou sa w aprann yo avèk fanmi ou.