“2: Tokoniʻi Hoʻo Fānaú ke Nau Ako,” Tokoniʻi Hoʻo Fānaú ke Lavameʻa ʻi he Akó: Fakahinohino ki he Mātuʻá (2021)
“2: Tokoniʻi Hoʻo Fānaú ke Nau Ako,” Tokoniʻi Hoʻo Fānaú ke Lavameʻa ʻi he Akó: Fakahinohino ki he Mātuʻá
2
Tokoniʻi Hoʻo Fānaú ke Nau Ako
Ngaahi Fehuʻi ke Talanoaʻí
-
Vakai ki he ngaahi fakatātā ko ʻení. Ko e hā ʻokú ke sio ki aí?
-
ʻOku akoʻi fēfē ʻe he ngaahi faʻeé ʻenau fānaú ʻi he ngaahi fakatātā ko ʻení?
-
Ko e hā ha meʻa ʻe taha ʻokú ke fai ke akoʻi ai hoʻo fānaú?
Ako
ʻOku tokangaʻi ʻe he mātuʻá ʻenau fānaú ʻi ha ngaahi founga lahi. ʻOkú ke tāpuakiʻi hoʻo fānaú ʻi he ʻaho kotoa pē ʻaki hono tokoniʻi kinautolu ke nau akó. ʻI he taimi ʻoku ako ai ʻa e fānaú, ʻoku nau ongoʻi lelei fekauʻaki mo kinautolu pea ʻoku nau fie ako lahi ange.
ʻE lava ke tokoni e kakai kehé ki hoʻo fānaú ke nau ako, ka ko e ngaahi mātuʻá ʻa e kau fuofua faiako mo e [kau faiako] lelei taha ʻa e fānaú. Te ke lava ʻo tokoniʻi hoʻo fānaú ke nau ʻiloʻi ʻoku nau hoko ʻo tatau ange mo ʻetau Tamai Hēvaní mo Hono ʻAlo ko Sīsū Kalaisí, ʻi heʻenau akó.
ʻOku sio hoʻo fānaú ki he meʻa ʻokú ke faí. Ko e taimi te nau sio ai ʻokú ke tuku ha taimi ke akó, te nau ʻiloʻi leva ʻoku mahuʻinga ʻa e akó. ʻOku lahi ha ngaahi founga te ke lava ai ʻo hokohoko atu e akó.
-
Ako ʻa e ngaahi folofolá.
-
Lau ʻa e ngaahi tohí.
-
Talanoa mo e kakaí fekauʻaki mo e ngaahi ongoongo ʻoku hoko ʻi hoʻo ʻātakaí pea ʻi he māmaní.
-
Maʻu ha ako lahi ange ke fakahoko lelei ange hoʻo ngāué.
-
Maʻu ha ako fakaʻatamai lahi ange.
-
Ako ha ngaahi pōtoʻi ngāue foʻou.
Fakakaukau mo Lotu
Fakakaukau ki he meʻa kuó ke akó. Hiki ha faʻahinga fakakaukau pē ʻokú ke maʻu pe fakakaukau ʻoku haʻu mei he Laumālie Māʻoniʻoní. ʻOkú ke pehē ko e hā ʻoku finangalo ʻe he ʻEikí ke ke fakahokó? Te ke lava fēfē ʻo tā ha sīpinga ki hoʻo fānaú ʻaki e hokohoko atu hoʻo akó?
ʻEkitivitī
Te ke tokoniʻi fēfē ʻa e mēmipa takitaha ho fāmilí ke nau ako? ʻEke ki he kau mēmipa hoʻo fāmilí ʻa e meʻa ʻoku nau fie akó mo e founga te ke lava ai ʻo tokoniʻi kinautolú. Hiki ʻenau ngaahi talí ʻi lalo.
|
Kau Mēmipa ʻo e Fāmilí |
Ko e Hā e Meʻa ʻOku Nau Fie Akó? |
Te Ke Tokoniʻi Fēfē Kinautolú? |
|---|---|---|
Kau Mēmipa ʻo e Fāmilí Sīpinga Teuleki (foha) | Ko e Hā e Meʻa ʻOku Nau Fie Akó? -Lava he siví ka ne lava ʻo ʻalu ki he ako māʻolungá -Ako lelei ange ʻa e lea faka-Pilitāniá | Te Ke Tokoniʻi Fēfē Kinautolú? -ʻIlo e ngaahi ʻaho ʻo e siví -Toe vakaiʻi e ngāue fakaakó ʻi ʻapi -Lea faka-Pilitānia ʻi hotau ʻapí |
Kau Mēmipa ʻo e Fāmilí
| Ko e Hā e Meʻa ʻOku Nau Fie Akó?
| Te Ke Tokoniʻi Fēfē Kinautolú?
|
Kau Mēmipa ʻo e Fāmilí
| Ko e Hā e Meʻa ʻOku Nau Fie Akó?
| Te Ke Tokoniʻi Fēfē Kinautolú?
|
Talanoa mo Ho Fāmilí
Talanoa mo ho fāmilí fekauʻaki mo e meʻa kuó ke akó. Aleaʻi ʻa e ngaahi fehuʻi ʻi laló. Kole ki he kau mēmipa ho fāmilí ke nau fevahevaheʻaki ʻenau ngaahi fakakaukaú pea nau fefanongoʻaki.
-
ʻOku tokoniʻi fēfē kitautolu ʻe he akó ke tau hoko ʻo tatau ange mo ʻetau Tamai Hēvaní?
-
Te tau tokoniʻi fēfē ʻa e kau mēmipa kotoa ʻo e fāmilí ke nau ako mo hokohoko atu ʻi heʻenau akó?