“ʻOku Poupouʻi ʻe he Palani Pulé ʻa e Fakahinohino ʻa e Kau Palesitenisī Fakaʻēliá,” Ngaahi Fakahinohino ki he Palani Pule ʻo e ʻApisiasí (2022)
“ʻOku Poupouʻi ʻe he Palani Pulé ʻa e Fakahinohino ʻa e Kau Palesitenisī Fakaʻēliá,” Ngaahi Fakahinohino ki he Palani Pule ʻo e ʻApisiasí
ʻOku Poupouʻi ʻe he Palani Pulé ʻa e Fakahinohino ʻa e Kau Palesitenisī Fakaʻēliá
ʻOku tokoni ʻa e fakahinohino ʻa e Kau Palesitenisī Fakaʻēliá ke nofotaha e ngāue ʻa e kau taki lakanga fakataulaʻeikí ki hono fakamālohia ʻo e ngaahi fāmilí, kāingalotú, mo e ngaahi ʻiunití. ʻOkú ne fakamatalaʻi ha ngaahi meʻa pau ʻoku ngāue fakataha ai ʻa e kau takí ʻi ha founga maau ke langa ʻa e puleʻanga ʻo e ʻOtuá ʻi māmani.
ʻOku poupouʻi ʻe he palani pule taimi lōloa ʻo e ʻapisiasí ʻa e fakahinohino ʻa e Kau Palesitenisī Fakaʻēliá ke fakamālohia ʻa e ngaahi fāmilí, kāingalotú, mo e ngaahi ʻiunití ʻaki hano fokotuʻu ha ngaahi ʻapisiasi ʻi ha founga faingofua mo maʻamaʻa ʻo fakaʻaongaʻi fakapotopoto ʻa e ngaahi maʻuʻanga tokoní, mo fakakaukauʻi e kaunga ʻa e ngaahi tuʻutuʻuni ʻo e ʻapisiasí ki hono fakamālohia ʻa e kāingalotu ʻo e Siasí, mo ʻi ai ha feituʻu ʻoku taau mo e ngaahi tūkunga fakalotofonuá. ʻOku fakamamafaʻi ʻeni ʻi he Tohi Tu‘utuʻuni Fakakātoá ʻo fakahinohino ai:
ʻOku fokotuʻu ʻe he Siasí ʻa e ngaahi ʻapisiasí koeʻuhí ke lava ʻe kinautolu kotoa ʻoku hū aí ʻo:
Fakahoko mo fakafoʻou e ngaahi fuakavá ʻo fakafou ʻi he ngaahi ouau toputapú (vakai, Tokāteline mo e Ngaahi Fuakava 20:75; 59:9–12).
Fakataha fakakātoa (vakai, 3 Nīfai 18:22–23).
Lotu mo moihū fakatahi (vakai, Mōsaia 18:25; Molonai 6:9).
Feakoʻaki mo fetauhiʻaki (vakai, Molonai 6:4–5).
Kau ʻi he ngaahi fakaʻaongaʻi kehe kuo fakangofuá ʻo hangē ko hono fakamatalaʻi ʻi he vahe ko ʻení.
Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 35.1, ChurchofJesusChrist.org
“Koeʻuhí ke fakamālohia ʻa e Siasí, ʻoku teuteu ʻe he ngaahi ʻēliá ha ngaahi palani pule taimi lōloa kimuʻa pea toki fai ha tuʻutuʻuni ke tānaki pe toe fokotuʻutuʻu ha feituʻu ki ha ʻapisiasi. … ʻOku kau ʻi he ngaahi meʻa mahuʻinga ʻo e ngaahi palani ko ʻení, ʻa hono fakaʻaongaʻi ʻo e fale lolotongá, fakafuofuaʻi ha tupu tokolahi, tuʻuʻanga ʻo e ngaahi falé, liliu ki he ngataʻanga ʻo e ʻiunití, pea mo e fakapotopoto e fakamolé. ʻOku fakakaukauʻi e ngaahi fiemaʻu mo e palani ʻo e ʻapisiasí ʻi he lēvolo ʻo e ʻēliá mo e fakataha alēlea fakafekauʻak” (“Ngaahi Tefitoʻi Moʻoni mo e Fakahinohino ki Hono Maʻu ʻo ha ʻApisiasí” [ʻoatu fakataha mo e tohi ʻa e Kau Pīsopeliki Pulé, 5 Sune 2015], 2–3).