7.

Fakahoko ʻo e Palani Fakataʻu ki he ʻApisiasí

ʻOku maʻu ʻe he DTA mo ʻene kau ngāué ha fakangofua fakapaʻanga ki ha faʻahinga ngāue fakaʻapisiasi mei he ngaahi palani pulé, ʻi haʻanau fakakau kinautolu ʻi he palani fakataʻu ki he ʻapisiasí. Ke fai ʻení, ʻoku nau poupouʻi ʻa e ngaahi fakaʻutoʻuta ki he kahaʻú mo e ngaahi fiemaʻu ki he ʻapisiasí, ʻa ia naʻe fakamatalaʻi ʻi he palani pulé pea fakakau ʻi ai mo e ngaahi fakamolé ʻi he palani fakataʻú.

ʻOku fakahū atu ʻa e palani fakataʻu ʻo e ʻapisiasí, ki he Palesitenisī Fakaʻēliá pea ʻoku toki vakaiʻi leva ia ʻe he Kau Pīsopeliki Pulé.

ʻOku ʻomi ʻa e ngofua aofangatukú mei he Kōmiti Patisetí mo e Fakafuofuá pea mo e Fakataha Alēlea ki hono Fakaʻaongaʻi ʻo e Ngaahi Vahehongofulú.

ʻOku kamataʻi mo fakakakato ʻa e ngaahi ngāue ko ʻení ʻe he kau ngāue ʻa e DTA. ʻOku nau fetuʻutaki mo e kau taki lakanga fakataulaʻeikí ʻo ka fie maʻu, ke fakahā kiate kinautolu ʻa e tuʻunga ʻoku ʻi ai ʻa e ngaahi ngāue ki he ʻapisiasí ʻi he palaní.