tafaʻaki ki tuʻa ʻi he falelotu ʻo e siasí

4.

ʻIloʻi ʻa e Uesia ‘i he Ngaahi ʻApisiasí

Ke poupou ki he ngaahi ngāue ʻa e lakanga fakataulaʻeikí ke fakamālohia ʻa e kau mēmipá mo langa hake ʻa e Siasí, ʻe vakaiʻi ʻe he kau ngāue ʻa e DTA ʻa e maʻulotú mo e fakafuofua ki he kahaʻu ʻo e ʻiunití, mo feinga ke ʻiloʻi ha ngaahi founga ke fakaleleiʻi ʻaki ʻa e ʻapisiasí ʻa ia ʻe feau ʻaki ʻa e ngaahi fiemaʻu ʻi he taimi lōloá. Hangē ko hono fakamatalaʻi ʻi he “Ngaahi Tefitoʻi Moʻoni mo e Fakahinohino ki hono Fokotuʻu ha ʻApisiasí,” ʻoku fakaʻaongaʻi ʻa e ngaahi tefitoʻi moʻoni ʻo e palani pulé ki he ngaahi tūkunga kotoa pē ʻoku fie maʻu ki ai ha feituʻu fakatahaʻanga, ʻo tatau ai pē pe ko ha fakataha alēlea fakafekauʻaki, ko ha ngaahi kulupu fakasiteiki, pe ngaahi siteiki fakataautaha.

ʻOku kau ʻi he ngaahi tefitoʻi moʻoni ko ʻeni ʻo e palani pulé hono:

• Faʻu ha ngaahi fakafuofua totonu ʻo e ʻiunití ki he kahaʻú.

• Fokotuʻu ha ngaahi ʻapisiasi ʻi he ngaahi feituʻu ʻe lava ke fakaʻaongaʻi ai ʻe ha kāingalotu tokolahí, ʻi he taimí ni pea ʻi he kahaʻú.

• Kapau ʻe malava, ʻoku fakaʻaongaʻi ʻa e ngaahi ʻapisiasí ki he ngaahi tuʻunga ne fakataumuʻa ki ai hono langá.

• Fakaʻaongaʻi ʻa e fili lelei taha ʻoku feau totonu ai ʻa e ngaahi fiemaʻu ʻo e ʻapisiasi foʻoú.

ʻOku totonu ke fakakaukau ʻa e kau taki lakanga fakataulaʻeikí ki he ngaahi meʻá ni ʻi he taimi ʻoku nau fakapapauʻi ai pe ko e uooti ʻe fiha ʻoku ʻi ha falelotu:

• ‘Oku totonu ke kamata ʻa e ngaahi taimi-tepile ʻo e fakataha ʻi he Sāpaté ʻi ha taimi fakapotopoto pea ʻosi ʻi he hoʻataá ke lava kotoa ʻa e ngaahi fāmilí ʻo ako ʻa e ongoongoleleí ʻi ʻapi.

• ʻOku nofo ʻa e kāingalotú ‘i loto ʻi ha taimi fononga ʻoku feʻunga ki he ʻapisiasí.

• ʻOku totonu ke siʻisiʻi mo totongi maʻamaʻa ʻa e ngaahi liliu ki he falelotú, ʻo kapau ‘oku fie maʻu.

ʻOku fai ʻe he DTA mo e kau ngāué ha ngaahi fokotuʻu fekauʻaki mo e ngaahi fili ki hono ʻoatu ha ngaahi feituʻu feʻunga mo totonu ki he lotú. ʻE ala kau ʻi heni ʻa e ngaahi ʻapí, ngaahi kelekele lisí, pe ngaahi ʻapisiasí kuo langá. ʻOku feinga ʻa e kau ngāue ʻa e DTA ke ʻilo ha ngaahi founga ki hono fakaʻaongaʻi lahi taha ʻo e ngaahi maʻuʻanga tokoni ʻa e Siasí, ʻo ʻikai ke kau ai ʻa e ngaahi ngataʻanga ʻo e siteikí.

ʻI he malumalu ʻo e fakahinohino ʻa e Fitungofulu Fakaʻēliá, ʻoku ʻoatu ʻe he DTA mo ʻene kau ngāué ha ngaahi fokotuʻu ki he ʻapisiasí ki he kau taki lakanga fakataulaʻeikí, pea ngāue fakataha mo kinautolu ke fakaleleiʻi ha ngaahi meʻa ʻoku fai ki ai ha hohaʻa, mo faʻu ha fokotuʻu aofangatuku ki he ʻapisiasí ke fakakau ʻi he palani pulé.