“2. Tupulaki ʻo e Ngāué mo ʻIloʻi ʻa e Ngaahi Tuʻunga Angamahení,” Ngaahi Fakahinohino ki he Palani Pule ʻo e ʻApisiasí (2022)
“Tupulaki ʻo e Ngāué mo ʻIloʻi ʻa e Ngaahi Tuʻunga Angamahení,” Ngaahi Fakahinohino ki he Palani Pule ʻo e ʻApisiasí
2.
Tupulaki ʻo e Ngāué mo ʻIloʻi ʻa e Ngaahi Tuʻunga Angamahení
ʻOku ngāue vāofi ʻa e DTA mo ʻene kau ngāué pea mo e kau taki lakanga fakataulaʻeikí, ke ʻoatu ʻa e sitetisitiká mo fai ha fakafuofua ki he mēmipasipi ʻi he kahaʻú mo e ngaahi fakakātoa ʻo e maʻulotú. ʻE lava ke tokoni ‘a e kau taki lakanga fakataulaʻeikí ke fakaleleiʻi ʻa e tuʻunga totonu ʻo e ngaahi fakafuofuá, ʻaki hano ʻoatu ha fakamatala fakaikiiki fekauʻaki mo ʻenau palani fakasiasí mo e ngaahi ngāue mo e fakamatala ʻaonga ʻoku maʻu fakalotofonua peé.
ʻOku lelei ange ʻa e palani pulé ʻi he taimi ʻoku ngāue fakataha ai ʻa e tokotaha kotoa ke tonu ange ʻa e fakafuofuá, pea mo e taimi ʻoku mahino ai mei he kau taki lakanga fakataulaʻeikí ʻa e lahi ʻo e ngaahi uōtí, koló, mo e ngaahi siteiki ʻe faʻu pe ʻikai toe hoko atu ʻi he vahaʻa ʻo e taʻu ʻe nima ʻo e palaní.