“5. Maʻu ʻa e Fakangofua ki he Palani Pulé,” Ngaahi Fakahinohino ki he Palani Pule ʻo e ʻApisiasí (2022)
“Maʻu ʻa e Fakangofua ki he Palani Pulé,” Ngaahi Fakahinohino ki he Palani Pule ʻo e ʻApisiasí
5.
Maʻu ʻa e Fakangofua ki he Palani Pulé
ʻOku ngāue fakataha ʻa e Fitungofulu Fakaʻēliá, kau palesiteni fakasiteikí, mo e DTA mo ʻene kau ngāué ki hono aofangatuku ʻa e palani pulé. ʻOku kau ʻi he palani pule aofangatukú ha ongo tefitoʻi ʻelemēniti ʻe ua (hangē ko ia ʻoku hā atu ʻi he ʻīmisi hono 2):
-
Ngaahi liliu ki he ngataʻanga ʻo e ʻiunití ne fokotuʻu ʻe he kau taki lakanga fakataulaʻeikí, kapau ʻoku ʻi ai
-
Ngaahi fokotuʻu ki he ʻapisiasí, kapau ʻoku ʻi ai
ʻOku fokotuʻutuʻu ʻe he DTA mo ʻene kau ngāué ʻa e aofangatuku ʻo e palani pulé, kau ai ʻa e ngaahi tohi fakamatala fakapepá, pea vahevahe ia mo e kau mēmipa ʻo e fakataha alēlea fakafekauʻakí pe kōmiti fakavahaʻasiteikí.
ʻOku totonu ke kau ʻi he palani aofangatukú ʻa e ngaahi liliu naʻe fokotuʻu ki ha taʻu ʻe nima pea ʻoku totonu ke poupouʻi ia ʻe he kau taki lakanga fakataulaʻeikí kotoa.
-
ʻOku totonu ke fakangofua ʻa e ngaahi palani pule ki he ʻapisiasí ʻe he Kau Palesitenisī Fakaʻēliá mo e Potungāue ki he Ngaahi Falelotú.
-
ʻOku fakahoko ʻa e palani pulé ʻe he DTA mo e Fitungofulu Fakaʻēliá ʻi ha feituʻu ʻe malava ke fakangofua ʻe he Kau Palesitenisī Fakaʻēliá. Kapau ʻoku fie maʻu ha ngaahi liliu ki he palani ʻa e kau takí, ʻe ngāue ʻa e Fitungofulu Fakaʻēliá mo e kau palesiteni fakasiteikí pea mo e kau ngāue ʻa e DTA.
-
ʻI hono fakangofua ʻe he Kau Palesitenisī Fakaʻēliá, ʻoku ʻave ʻe he DTA ʻa e palani pulé ki he Potungāue ʻo e Ngaahi ʻApisiasí ʻi he ngaahi ʻuluʻi ʻōfisi ʻo e Siasí ke toe vakaiʻi mo fakangofua.
-
Hili hano maʻu ʻa e fakangofuá, ʻe fakahoko leva ʻe he kau palesiteni fakasiteikí mo e timi ʻa e DTA ʻa e palaní ʻo fakatatau mo e taimi-tēpile fakataʻu nimá.
Sīpinga ʻo e Palani Pulé
ʻĪmisi 1
ʻOku angamaheni ke hā heni ha mape ʻo e ngaahi ʻiuniti ʻoku taumuʻa ki ai ʻa e palani pulé.
ʻĪmisi 2