3.

ʻIloʻi ʻo e Ngaahi Liliu ki he Ngataʻanga ʻoku Fie Maʻú

ʻI hono fakafenāpasi mo e fakahinohino ʻa e Kau Palesitenisī Fakaʻēliá, kuo ʻiloʻi mo kamata fakahoko ʻe ha ngaahi siteiki ʻa e ngaahi ngāue ke fakamālohia ʻa e kau takí, kāingalotú mo e ngaahi ʻiunití. ʻI hono fakahoko ʻo e palani pulé, ʻe toe lava ai ke fakakaukauʻi ʻe he kau palesiteni fakasiteikí ke fokotuʻu ha ngaahi liliu ki he ngaahi ngataʻangá ke fakamālohia ʻa e kāingalotu ʻo e Siasí. Ko e palani pulé ko ha faingamālie lelei ia ke aleaʻi mo fakakaukauʻi ʻa e ngaahi liliu ʻe lava ʻo ʻaonga ki ha ngaahi siteiki lahi, ʻi ha founga ne ʻikai mei malava kapau naʻe ngāue pē ki ai ha siteiki ʻe taha.

Ko e taimi ʻoku fakakaukauʻi ai ʻe he kau takí ha ngaahi liliu ki he ngaahi ngataʻangá, ʻoku totonu ke tukutaha ʻenau tokangá ki hono fakamālohia ʻo e kau mēmipa ʻo e Siasí kae ʻikai ki hono fakaʻaongaʻi lelei pē ʻo ha ʻapisiasi. ʻOku maʻu ʻi he vahe 6, Fakahū ʻo e Ngaahi Liliu ki he ʻIunití mo e Ngaahi Ngataʻangá ha ngaahi meʻa mahuʻinga ke toe vakaiʻi ʻi hono fakakaukauʻi ʻo e ngaahi liliu ki he ngataʻangá.