“1. Akoʻi ʻo e Tokāteliné, Ngaahi Tefitoʻi Moʻoní, mo e Ngaahi Fakahinohinó,” Ngaahi Fakahinohino ki he Palani Pule ʻo e ʻApisiasí (2022)
“Akoʻi ʻo e Tokāteliné, Ngaahi Tefitoʻi Moʻoní, mo e Ngaahi Fakahinohinó,” Ngaahi Fakahinohino ki he Palani Pule ʻo e ʻApisiasí
1.
Akoʻi ʻo e Tokāteliné, Ngaahi Tefitoʻi Moʻoní, mo e Ngaahi Fakahinohinó
ʻI ha fakataha alēlea fakafekauʻaki mo e kau palesiteni fakasiteiki ne vahe ki aí, ʻoku toe vakaiʻi ʻe he Fitungofulu Fakaʻēliá ʻa e fakahinohino mei he Kau Palesitenisī Fakaʻēliá. ʻOkú ne akoʻi foki ʻa e tokāteline ʻoku kaunga ki aí mo e “Ngaahi Tefitoʻi Moʻoni mo e Ngaahi Fakahinohino ki hono Fokotuʻu ʻo e Ngaahi Falelotú.” ʻOku totonu ke aleaʻi ʻa e ngaahi tefitoʻi moʻoni fakavaʻe ʻo e moʻui fakafalala pē kiate kitá, tokonaki maʻá e niʻihi kehé, pea mo e fakaʻutoʻuta fakapotopotó ʻi he taumuʻa ke fakamālohia ʻo e kāingalotú mo e founga ke tau fakaʻaongaʻi lelei ange ai ʻa e ngaahi ʻapisiasí.
ʻI he teuteu ki he fakataha ko ʻení, ʻe ʻomi ʻe he DTA mo ʻene kau ngāué ʻa e fakamatala ke tokoni ʻi hono fakamahino ki he kau taki lakanga fakataulaʻeikí ʻa e tūkunga lolotongá mo e founga feliuliuaki ʻa e ngaahi ʻiunití ʻo fakatatau mo e hisitōlia ʻo e tupulakí.
ʻE lava ke fili ʻa e Fitungofulu Fakaʻēliá ke fakahoko ha toe ngaahi fakataha kehe ʻo ka fie maʻu, ke nau faʻu ʻa e palaní. Ko e ngaahi fakataha ko ʻení ko ha ngaahi faingamālie lelei ia ke fealeaʻaki fakataha ai fekauʻaki mo e ngaahi ngāue ʻoku fie maʻú, ke faʻu mo fakahoko ha palani lelei.
ʻOku akoʻi foki ʻe he Fitungofulu Fakaʻēliá ʻa e tokāteliné, ngaahi tefitoʻi moʻoní, mo e ngaahi fakahinohinó ki he kau palesiteni fakasiteiki ʻoku ʻikai ke nau kau ʻi he palani pulé. ʻOku kei fakaʻaongaʻi pē ʻa e ngaahi tefitoʻi moʻoni ʻo e palani pulé ʻi hono fakakaukauʻi ʻa e ngaahi fiemaʻu ʻo e ʻapisiasí ʻi he ngaahi siteikí ni.