fāmili ʻoku malimali

Vakai Fakalūkufua ki he Palani Pulé

ʻOku tataki ʻe he Kau Palesitenisī Fakaʻēliá ʻa e ngaahi ngāue ki he palani pule ʻi he ʻēliá. ʻOku fakahoko ʻa e ngaahi ngāué ni ʻi ha fakataha alēlea fakafekauʻaki pe lēvolo fakavahaʻa-siteikí. ʻOku vahe ʻe he Kau Palesitenisī Fakaʻēliá ha Fitungofulu Fakaʻēlia ke ne tokangaʻi e faʻu ʻo ha palani pule, pea poupou ki ai e talēkita ki he ngaahi meʻa fakatuʻasinó (DTA) mo ʻene kau ngāué.

ʻOku feʻunga taha pē ke fai ʻa e palani pulé ʻi he fakataha alēlea fakafekauʻakí pe lēvolo fakavahaʻa-siteikí, ʻi he ngaahi feituʻu ʻoku vave ai e tupu ʻa e Siasí, feituʻu ʻe faingamālie ke fakaʻaongaʻi lahi ai ha ʻapisiasi, pe feituʻu ʻoku tokolahi ai ʻa e kau mēmipá.

ʻE ngāue fakataha ʻa e Fitungofulu Fakaʻēliá mo e DTA mo ʻene kau ngāué pea mo e kau taki lakanga fakataulaʻeiki fakalotofonuá, ke faʻu mo fakahoko ha palani pule taimi lōloa (nounou tahá ko e taʻu ʻe 5).

kau tangata ʻoku tangutu ʻi ha fakataha

ʻOku nau fakahoko ʻeni ʻaki ʻenau muimui ki he ngaahi sitepu ko ʻení:

1. ʻOku fakahoko ʻe he Fitungofulu Fakaʻēliá ha fakataha alēlea fakafekauʻaki pe fakataha fakavahaʻa-siteiki ke aleaʻi ʻa e tokāteliné, ngaahi tefitoʻi moʻoní, fakahinohinó, pea mo e ngaahi sitetisitika fakasiteikí.

2. ʻOku ngāue ʻa e DTA mo ʻene kau ngāué pea mo e kau palesiteni fakasiteikí ke fakafuofuaʻi ʻa e tupu tokolahí mo ʻiloʻi ʻa e ngaahi tuʻu ki he kahaʻú.

3. ʻOku feinga ʻa e kau palesiteni fakasiteikí ke ʻiloʻi ha ngaahi liliu ki he fakangatangatá ʻa ia ʻoku fie maʻu ki hono fakamālohia ʻo e ngaahi fāmilí, kāingalotú, mo e ngaahi ʻiunití.

4. ʻOku fakahā ʻe he kau ngāue ʻa e DTA ha ngaahi fakaleleiʻi ʻo e ʻapisiasí ʻa ia te ne lava ʻo poupouʻi ʻa e ngaahi palani ʻa e lakanga fakataulaʻeikí.

5. ʻOku ngāue fakataha ʻa e Fitungofulu Fakaʻēliá, kau palesiteni fakasiteikí, mo e DTA pea mo e kau ngāué ke aofangatuku ʻa e palani pulé. ʻOku ʻave ʻe he DTA mo e Fitungofulu Fakaʻēliá ʻa e palani pulé ki he Kau Palesitenisī Fakaʻēliá ke fakangofua ʻe he ʻēliá.

   ʻI hono fakangofua ʻe he Kau Palesitenisī Fakaʻēliá, ʻoku fakahū ʻe he DTA ʻa e palani pulé ki he Potungāue ki he Ngaahi ʻApisiasí ke toe vakaiʻi mo fakangofua.

6. ʻOku fakahū ʻe he kau palesiteni fakasiteikí ʻa e ngaahi feliliuaki ʻoku fie maʻu ki he fakangatangatá.

7. ʻOku teuteu ʻe he kau ngāue ʻa e DTA ʻa e ngaahi ngāue ke fakakau ʻi he palani fakataʻu ʻo e ʻapisiasí.

8. ʻOku fakatonutonu maʻu pē ʻa e palaní ʻe he Fitungofulu Fakaʻēliá, kau palesiteni fakasiteikí, mo e DTA mo ʻene kau ngāué, ʻo ka fie maʻu.