5

Ngāue: Fatongia ʻAkí

Fakalaulauloto:Ko e hā ʻokú ke ongoʻi ai ʻoku fie maʻu ai ʻe he Tamai Hēvaní ke tau takitaha fatongia ʻaki ʻa ʻetau moʻuí?

Mamata:“Sedrickʻs Journey” (ʻIkai ha foʻi vitiō? Lau ʻa e peesi hono hokó.)

Aleaʻi:ʻOku fakaʻaongaʻi fēfē ʻe Setiliki ʻene tauʻatāina ke filí pea fatongia ʻaki hono kahaʻú? Ko e hā ʻe hoko kia Setiliki kapau te ne tukuakiʻi ha taha kehe ʻi hono ngaahi faingataʻaʻiá?

Lau ʻa e:2 Nīfai 2:16, 26; Tokāteline mo e Ngaahi Fuakava 42:42 (ʻi he toʻomataʻú)

“Ko ia, naʻe tuku ʻe he ʻEiki ko e ʻOtuá ki he tangatá ʻa e tauʻatāina ke ne fili maʻana … [pea ʻoku tauʻatāina ʻa e tangatá mo e fefiné] ke fili maʻanautolu pē kae ʻikai fakamālohiʻi.”

2 Nīfai 2:16, 26

“ʻOua naʻa mou nofo noa; he ko ia ia ʻoku fakapikopikó ʻe ʻikai ke kai ʻe ia ʻa e mā pe tui ʻa e ngaahi kofu ʻo e tangata ngāué.”

Tokāteline mo e Ngaahi Fuakava 42:42

Akoako Fakahoko:Tafoki ki ha mēmipa ʻo e kulupú ʻoku ofi atu kiate koé. Mo lau fakataha ʻa e fakamatala ʻi lalo naʻe fai ʻe he Palōfita ko Siosefa Sāmitá. ʻOkú ne fakamatalaʻi hono tuʻunga fakatāutaha ʻi heʻene tupu haké. Aleaʻi ʻa e ngaahi fehuʻi ko ʻení:

• Ko e hā hono tūkunga fakaetuʻasinó?

• Ko e hā ʻokú ke ako fekauʻaki mo e moʻui fakafalala pē kiate kitá mei he ngaahi lea ʻa e Palōfitá?

• Ko e hā e ʻuhinga ʻa e Palōfitá ki he “ngāue taʻetukú”?

“Ko e meʻa ʻi he masivesiva ʻaupito ʻa e tuʻunga fakaemāmani ʻo ʻeku tamaí, naʻe pau ai ke mau ngāue ʻaki homau nimá, ʻo ngāue totongi fakaʻaho pea ʻi he ngaahi founga kehe, ʻo fakatatau ki he faingamālie naʻa mau maʻú. Ko e taimi ʻe niʻihi naʻa mau ʻi ʻapi, pea ko e taimi [ʻe] niʻihi naʻa mau ʻi he feituʻu mamaʻo mei ʻapi, pea naʻa mau lava ʻo maʻu ha ngaahi meʻa feʻunga ke tauhi ʻaki ʻa kimautolu ʻi he ngāue taʻetuku.”

Siosefa Sāmita—Hisitōlia 1:55

Akoako Fakahoko:Fakakaukau ki ha founga ke ke fatongia lahi ange ʻaki hoʻo moʻui fakafalala pē kiate koé. Hiki ha foʻi liliu ʻe ua pe tolu ʻokú ke fie fakahoko ki hoʻo angafaí pe tōʻonga fakakaukaú.

Tukupā:Tukupā ke ke fakahoko ʻa e ngaahi ngāue ko ʻení he lolotonga ʻo e uiké. Fakaʻilongaʻi ʻa e fanga kiʻi puhá ʻi he taimi kuó ke fakakakato ai e ngāué takitaha:

• Akoako ke fatongia ʻaki he ʻaho kotoa pē.

• Akoʻi ʻa e tefitoʻi moʻoni ko ʻení ki ho fāmilí.

• Hokohoko atu hono akoako fakahoko e tefitoʻi moʻoni fakavaʻe kimuʻá.

Ko e fokotuʻutuʻu ʻa e ʻOtuá ki he moʻui matelié ni ke ngāue taʻetuku. … ʻOku tau fakatupulaki mo hokohoko atu e moʻuí ʻi he ngāué. … ʻOku fakatupulaki mo fakamāsilaʻi ʻe he ngāué [ʻa] e ʻulungāngá, fakatupu e matamata-leleí, pea ko e meʻangāue ia ki heʻetau fengāueʻaki mo e niʻihi kehé pea mo e ʻOtuá. ʻOku fonu e moʻui fakatapuí he ngāué, hokohoko ngāué, … mo ʻikai fakahoungaʻi, ka ʻoku fakatupulaki, … hiki hake, [mo] holi ki ha meʻa māʻolunga ange.”

D. Todd Christofferson, “Fakakaukauloto ki ha Moʻui Kuo Fakatapui,” Ensign pe Liahona, Nōvema 2010, 17

Sedrick’s Journey

Kapau ʻoku ʻikai ke mou lava ʻo mamata ʻi he foʻi vitioó, lau ʻa e fakamatala ko ʻení.

SETILIKI: Ko hoku hingoá ko Setiliki Kamipesapue. ʻOku ou nofo ʻi he Lepupelika Fakatemokalati ʻo Kongokoó. Ko ha mēmipa au ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní?

Ko ha faifekau fakakolo au ʻi he kolo ko Kipusangá. ʻOku fie maʻu ke u teuteu ke ʻalu ʻo ngāue fakafaifekau. Koeʻuhí ke lava ʻo ʻalu ʻo ngāue fakafaifekau, ʻoku ou fie maʻu ha paasipooti, ʻa ia ʻoku paʻanga ʻAmelika ʻe 250.

Ke maʻu ha paʻanga, ʻoku ou fakatau siaine mai mo ʻeku tangataʻeikí. ʻOku ʻi ai ha ngaahi kolo iiki ʻoku lahi ʻenau siainé: Ko Tisapopo, Lusuku, mo Kamanitā.

ʻOku meimei maile ʻe 9 ʻa Tisapopo mei heni. ʻOku maile ʻe 18 ki Lusuku. ʻOku maile ʻe 18 mei Kamanitā foki. ʻOkú ma ō ki ai ʻo fakatau siaine, pea ʻomai ia ki heni ke fakatau atu.

ʻOkú ma ʻalu pasikalá ki he fanga kiʻi koló. Te ma lava ʻo fakauta ha kau siaine ʻe fā pe ono.

Ko e taimi ʻoku ou ʻalu pasikala aí, ʻe lava pē ke houa ʻe taha mo e konga ʻa e ʻalu ki aí, kapau ʻoku ngāue lelei ʻa e pasikalá pea ivi lahi. Ko e taimi ʻoku hoʻatā mālie ai ʻoku vevela ʻaupito e laʻaá, ʻoku ou ʻaka māmālie koeʻuhí koe ʻafú mo e laʻaá.

Te u lava ʻo fefokifokiʻaki tuʻo ua ʻi he ʻaho kapau te u ʻā hengihengia ʻaupito. Ko ha founga lelei ia ke tokoni ʻi hono totongi ʻeku paasipōtí.

ʻOku ou maʻu ʻeni ha paʻanga, tātānaki pē, ko ia ʻoku ou fakahū ai ha paʻanga ki heʻeku fakamole fakaakó pea mo ʻeku ngāue fakafaifekaú. Pea ko e taimi ní, hili ʻeni ha taʻu ʻe fā ʻo ʻeku ngāué, kuó u maʻu ha paʻanga feʻunga ki heʻeku paasipōtí, pea fakahū mo ha paʻanga ʻe 70.