ʻEkitivitī Fakaʻosí

Laka Atu ʻo Tokoni

Fakakaukauloto:Fakatatau ki he ngaahi potufolofola mo e kupuʻi lea ʻi toʻomataʻú, ʻoku founga fēfē hano hanga ʻe heʻetau foaki ʻetau moʻuí ke tokoniʻi ʻa e niʻihi kehé ʻo fakahaofi kitautolu?

“He ko ia ʻe kalofaki ʻene moʻuí, ʻe mole ia: pea ko ia ʻe mole ʻene moʻuí koeʻuhí ko aú, te ne maʻu ia.”

Mātiu 16:25

“ʻO ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá.”

Mōsaia 2:17

“Ko e taumuʻa ʻo e moʻui fakapotopoto fakatuʻasino mo fakalaumālié, ke tau tuʻu ʻi ha tuʻunga māʻolunga ange ke tau lava ke tokoni ki he niʻihi kehe [ʻoku fie maʻu tokoní].”

Robert D. Hales,“ʻIloʻi Kitautolu: Ko e Sākalamēnití, Temipalé mo e Feilaulau ʻi he Tokoní,” Ensign pe Liahona, Mē 2012, 36

Lau ʻa e:Kuó ke fakakakato ʻeni ʻa eKo Hoku Fakavaʻé, ʻoku mau fakaafeʻi koe ke ke toe fakakaukauʻi ʻa e faleʻi ʻi he tefitoʻi moʻoni 7. Naʻe pehē ʻe Palesiteni ʻUkitofa:

ʻOku hanga ʻe he ngaahi ngāue taʻe-siokitá mo e fakatapuí ʻo fakafoʻou hotau laumālié, toʻo atu e malamalaʻi ʻakaú mei hotau mata fakalaumālié, pea mo fakaava mai e ngaahi matapā ʻo e langí. ʻI heʻetau hoko ko ia ko e tali ki he lotu ʻa ha tahá, ʻoku tau faʻa maʻu foki ai e tali ki he lotu ʻatautolú.”

Dieter F. Uchtdorf, “Ko e Tatali ʻi he Hala ki Tāmasikusí,” Ensign pe Liahona, Mē 2011, 76.

Aleaʻi:ʻE lava fēfē ʻe he tokoni ki he niʻihi kehé ʻo fakaava e “ngaahi matapā ʻo e langí” ʻi hoʻo moʻuí?

Akoako Fakahoko:Faʻufaʻu ha palani mo hoʻomou kulupú pe fāmilí ke fai ha taha ʻo e ngaahi meʻa ko ʻení:

1. Fakahoko ha ngāue tokoni ʻi homou koló. Te mou ala tokoniʻi ʻa e kau mahaki ʻi ha falemahaki, ʻave ha meʻakai ki ha fale ʻo e fānau paeá, pe fili ha ʻekitivitī kehe.

2. ʻAʻahi ki he senitā hisitōlia fakafāmili ofi taha ʻo e Siasí mo ho fāmilí. Teuteuʻi hoʻomou hisitōlia fakafāmilí ʻo fakaʻaongaʻi ʻa e kiʻi tohi Ko Hoku Fāmilí: Ko e Ngaahi Talanoa ʻOkú ne Fakatahaʻi Kimautolú. Hili ia pea mou ō ki he temipalé ʻo fakahoko ʻa e ngaahi ouau toputapú maʻá e kau mēmipa ʻo e fāmilí kuo nau ʻosi pekiá.

3. Ngāue taʻetotongi ʻi ha senitā ki he moʻui fakafalala pē kiate kitá pe hoko ko ha taki ʻi ha kulupu. Taki fakatāutaha ha taha ʻi hono hala ki he moʻui fakafalala pē kiate iá.