Ko Hono Kamataʻí

Fakalaulauloto:Ko e hā ʻoku finangalo ai e Tamai Hēvaní ke u moʻui fakafalala pē kiate aú? ʻOku founga fēfē ʻetau hoko ʻo tatau mo Ia ʻi he taimi ʻoku tau moʻui fakafalala ai pē kiate kitautolú, ?

Lau:Lau fakataha mo e kulupú ʻa e tohi mei he Kau Palesitenisī ʻUluakí (ʻi he peesi 2) mo e lea ʻa Palesiteni Monisoni (ʻi he toʻomataʻú).

Ko e “moʻui fakafalala pē kiate kitá ko … ha ʻelemēniti mahuʻinga ia ʻi hotau tuʻunga lelei fakalaumālié mo e fakatuʻasinó foki. … ʻHe ʻikai ke lava ʻo maʻu ʻa e fakamoʻuí ʻi ha toe tefitoʻi moʻoni kehe.’”

Thomas S. Monson,“Guiding Principles of Personal and Family Welfare,” Ensign, Sept. 1986, 3

Aleaʻi:Ko e hā ʻa e ngaahi talaʻofa ʻi he ngaahi pōpoaki ko ʻení? Ko e hā ho fatongiá?

Lau ʻa e:Lau ʻa e Tokāteline mo e Ngaahi Fuakava 29:34 (ʻi he toʻomataʻú).

“ʻOku fakalaumālie kiate au ʻa e ngaahi meʻa kotoa pē, pea ʻoku teʻeki ʻi ai ha taimi te u ʻoatu ai kiate kimoutolu ha fono ʻa ia ʻoku fakamatelie.”

TOKĀTELINE mo e Ngaahi Fuakava 29:34

Aleaʻi:Ko e hā ʻokú ke ako mei he Tokāteline mo e Ngaahi Fuakava 29:34 fekauʻaki mo e ʻalu ʻo akó, maʻu ha ngāué, pe kamata ha pisinisí? Ko e hā ʻoku fuʻu mahuʻinga ai ke mahino ʻa e foʻi moʻoni ko ʻení?

Lau ʻa e:Ko e Ko Hoku Fakavaʻé ko ha konga mahuʻinga ia ʻo e ngaahi fakataha fakakulupu ʻo e moʻui fakafalala pē kiate kitá. ʻE lava ke maʻu ʻe he kau mēmipa ʻo e kulupú ʻoku kau ʻi he ngaahi fakatahá mo tauhi ʻenau ngaahi tukupaá ke maʻu ʻa e tohi fakamoʻoni mei He LDS Business College. ʻAlu ki he peesi 29 ke toe fakamanatu ʻa e ngaahi fie maʻu ki he maʻu ʻo ha tohi fakamoʻoní.

Te tau talanoa ʻi he tefitoʻi moʻoni fika 12 ʻo e Ko Hoku Fakavaʻé, ki he mahuʻinga ʻo e ngaahi ouau ʻo e temipalé ʻi heʻenau fekauʻaki mo e moʻui fakafalala pē kiate kitá. Te tau lava ʻo teuteu mo hotau ngaahi fāmilí he taimí ni ki he lēsoni ko iá. Tau kamata ā ʻetau hisitōlia fakafāmilí ʻaki hono fakaʻaongaʻi ʻa e kiʻi tohi Ko Hoku Fāmilí: Ko e Ngaahi Talanoa ʻOkú ne Fakatahaʻi Kimautolú. Te tau fakamālohia ʻa e ngaahi tafaʻaki kotoa pē ʻo ʻetau moʻuí ʻi heʻetau tauhi ʻetau ngaahi fuakavá mo tokoni ke ʻomi ʻa e ngaahi tāpuakí ki heʻetau ngaahi kuí.

Tokoni ʻa e Taki e Kulupú

Falala ki he ngaahi fakamatalá.

Muimui ʻi he fokotuʻutuʻú.

Fakaʻaongaʻi lelei ʻa e taimí.