Tala o le Feagaiga Fou mo Tamaiti Faitau

A’o Avea Iesu ma se Tamaitiiti

saunia e Kim Webb Reid

Ata na tusia e Apryl Stott

Mai le Luka 2:41–52

A’o avea Iesu ma se tamaitiiti, sa nonofo faatasi o Ia ma Maria, Iosefa ma Ona uso ma tuafafine. Sa Ia aoao mai i Lona aiga ma Lona Tama Faalelagi ia atamai ma malosi.

O tausaga uma lava, na malaga atu ai Iesu ma Lona aiga i se malaga umi i Ierusalema. Sa latou i ai iina e faamanatu se aso fiafia na ta’ua o le Paseka.

I se tasi tausaga, ina ua oo i le taimi e toe foi ai i le aiga, sa manatu Maria ma Iosefa ua malaga atu Iesu faatasi ma ana uo. Ina ua mavae se aso, na la’ua matauina ai ua le iloa o Ia. O fea na i ai Iesu?

Sa toe foi faanatinati atu Maria ma Iosefa i le aai e sue Iesu. Sa la mauaina o Ia i le malumalu. Sa Ia aoaoina ni alii e uiga i tusitusiga paia ma tali a latou fesili. Na tetei ia alii ona sa atamai tele o Ia.

Fai mai Iesu, sa nofo o ia i le malumalu e auauna atu i Lona Tama Faalelagi. E mafai ona tatou aoao e uiga i tusitusiga paia ma ta’u atu i isi e uiga ia Iesu. Ma o le a faapea foi ona tatou auauna atu i le Tama Faalelagi!

Maimoa i Tala o le Feagaiga Fou i le lds.org/children/scripture-stories.

Itulau e Valivali

E Mafai Ona Ou Faaali Atu le Alofa mo Isi

Kiliki i luga o le ata e sii mai ai.

Ata na tusia e Apryl Stott