Tala o le Feagaiga Fou mo Tamaiti Faitau

Malaga Faafaifeautalai a Paulo

Saunia e Marissa Widdison

Ata na tusia e Apryl Stott

Ina ua mavae le toetu o Iesu, sa malaga le Aposetolo o Paulo i atunuu eseese e aoao tagata e uiga ia Iesu. Sa leai ni taavale po o ni vaalele i lena taimi, o lea na tele ina savali ai o ia! O nisi taimi na ia malaga ai i vaa.

Sa aoao e Paulo tagata i falelotu ma fale o aiga. Sa ia aoaoina tagata i luga o mauga papa ma alatele i aai.

E toatele tagata sa le fiafia i mea na aoao atu e Paulo. O nisi taimi na lafoina ai Paulo i le falepuipui. O nisi taimi na maʻi ai Paulo.

Ae i nei mea faigata uma, sa i ai ia Paulo le faatuatua. Na ia faapea mai, “E mafai ona ou faia mea uma e ala ia Keriso.” Sa ia iloa o le a fesoasoani Iesu ia te ia ia malosi.

E mafai foi e Iesu Keriso ona fesoasoani ia ou malosi. E alofa o Ia ia te au, ma ou te alofa ia te Ia!

Itulau e Valivali

E Mafai e Iesu Ona Fesoasoani Ia Te Au e Fai Mea Faigata

Ata na tusia e Apryl Stott