Sa Papatisoina Iesu

Mataio 3:13-17

Ata na tusia e Apryl Stott

Ua e vaai ea i se tagata ua papatisoina? Pe a papatisoina i tatou, ua tatou mulimuli i faataitaiga a Iesu.

Sa fetalai atu Iesu i Lona tausoga o Ioane e papatiso ia te Ia. Na iai ia Ioane le pule o le perisitua e papatiso ai i tagata.

Na fesili Ioane ia Iesu pe aisea ua Ia finagalo ai ina ia papatisoina. Na fetalai Iesu ua Ia finagalo e usiusitai i le poloaiga a le Tama Faalelagi.

Na papatiso e Ioane ia Iesu Keriso. Na laua lagonaina le Agaga Paia. Sa latou faalogoina le leo o le Tama Faalelagi o molimau mai, “O lo’u Atalii pele lena, ou te fiafia ia te ia, ia outou faalogo ia te ia.”

E iai se aso o le a ou filifili e papatisoina ai, e faapei ona faia e Iesu. E mafai ona ou saunia mo le papatisoga e ala i le taumafai e faapei o Iesu i aso uma.