Sa Papatisoina Iesu

saunia e Kim Webb Reid

Ata na tusia e Apryl Stott

Mai le Mataio 3:13–17; Mareko 1:9–11; Luka 3:21–22; Ioane 1:29–34

Ata

Ioane le Papatiso o loo aoao atu tagata

O Ioane le Papatiso o se perofeta maoae. Sa ia aoao tagata ia salamo ma papatisoina i latou.

Ata

O Ioane le Papatiso o loo papatisoina tagata

I se tasi aso sa papatiso ai e Ioane tagata i le Vaitafe o Ioritana. Na afio mai Iesu ma fai atu ia Ioane e papatiso ia te Ia. Na iloa e Ioane o Iesu sa leai se agasala. Aisea na manao ai Iesu e papatiso?

Ata

Iesu

Sa fetalai atu Iesu e tatau ona ia usitai i poloaiga uma. O le papatisoina o se poloaiga.

Ata

O Ioane le Papatiso o loo papatisoina Iesu

Ina ua uma ona papatiso e Ioane ia Iesu, na oo mai se lupe e faaali atu sa i ai le Agaga Paia iina. Sa oo mai le siufofoga o le Tama Faalelagi mai le lagi, ua faapea mai, “O lou Atalii pele lena, ua ou fiafia lava ia te ia” (Mataio 3:17).

Ata

tamā ma le afafine o loo ofuina ofu papatiso

E mafai ona tatou usiusitai i poloaiga ma filifili e papatiso, faapei o Iesu. Ona mafai lea ona faamauina i tatou ma maua foi le meaalofa o le Agaga Paia.

Maimoa i Tala o le Feagaiga Fou i le lds.org/children/scripture-stories.