Tala o le Feagaiga Fou mo Tamaiti Faitau

Sa Faamaloloina e Iesu Tagata

saunia e Kim Webb Reid

Ata na tusia e Apryl Stott

Mai le Mareko 5:22–43

I se tasi aso na talosagaina ai e se tagata e igoa ia Iairo Iesu e afio mai i lona fale. Na ma’i lona afafine ma manaomia ai se faamanuiaga.

A o agai atu Iesu i le fale o Iairo, o se fafine na ma’i mo le 12 tausaga sa vaai atu ia Iesu. Sa talitonu o ia e mafai e Iesu ona faamalolo ia te ia. Sa ia aapa atu ma pai atu i le faatausiusiuga o le ofu o Iesu.

Sa faamaloloina le tamaitai! Na fetalai atu Iesu ua faamaloloina o ia ona o lona faatuatua.

Ona oo mai lea o se tagata ma se tala matautia. Ua oti le afafine o Iairo. Pe sa tuai ea ona faamanuiaina o ia e Iesu?

Na fetalai atu Iesu ia Iairo e aua le fefe ae ia talitonu. Ina ua taunuu atu Iesu i le fale o Iairo, sa Ia fetalai atu i le afafine o Iairo e tulai i luga. Na pupula ona mata. Ua toe ola o ia! Sa ofo ona matua.

E mafai foi ona tatou maua le faatuatua ia Iesu. O loo i ai pea Lona mana faamalolo i le lalolagi i le asō, ma e mafai ona tatou talosaga atu mo se faamanuiaga faaleperisitua i soo se taimi lava tatou te manaomia ai.

Maimoa i Tala o le Feagaiga Fou i le lds.org/children/scripture-stories.

Itulau e Valivali

Ou Te Alofa i Lo’u Aiga

Kiliki i luga o le ata e sii mai ai.

Ata na tusia e Apryl Stott