“Sa Aoao mai Iesu e uiga i le Alofa o le Tama Faalelagi,” Tala o le Feagaiga Fou mo Tamaiti Faitau, 2018

“Sa Aoao mai Iesu e uiga i le Alofa o le Tama Faalelagi”

Tala o le Feagaiga Fou mo Tamaiti Faitau

Sa Aoao mai Iesu e uiga i le Alofa o le Tama Faalelagi

saunia e Kim Webb Reid

Ata na tusia e Apryl Stott

Mai le Luka 15

Ata

O Iesu o loo aoaoina tagata

I se tasi aso, na potopoto ai tagata e faalogo ia Iesu o aoao atu. Na Ia ta’u atu ni tala se tolu.

Ata

leoleo mamoe ma mamoe

I le tala muamua, na tuua ai e le leoleo mamoe lana lafu mo se mamoe e tasi na leiloa. Ina ua ia mauaina, sa ia amoina mai i le fale i ona tauau. Sa matuai fiafia lava o Ia.

Ata

o le fafine o loo uuina se tupe siliva

I leisi tala, o se fafine na leiloa se tasi o ana tupe siliva. Sa ia tutuina se moliga’o, salu le fola o le fale, ma saili mo lana tupe siliva. Ina ua ia mauaina, sa ia fiafia faatasi ma ana uo.

Ata

atalii ma le tamā

I le tala mulimuli, o se atalii na aluese mai le aiga. Na ia faia ni filifiliga leaga ma faama’uma’u uma ana tupe. Na ia filifili e fo’i i le aiga ma ta’u i lona tamā ua ia salamo. Ina ua vaai atu le tamā i lona atalii o sau, sa ia tamoe atu ma fusi mai o ia.

Na faamatala e Iesu nei tala e faaali atu ai le alofa tele o le Tama Faalelagi i tagata taitoatasi. E fiafia tele o Ia pe a tatou salamo.

Ata

o le tamā ma le afafine

Pe a ou faia se mea sese, e mafai ona ou fai atu ua ou salamo ma tatalo i le Tama Faalelagi. E fiafia le Tama Faalelagi pe a ou salamo, faapea foi ma a’u!

Maimoa i Tala o le Feagaiga Fou i le lds.org/children/scripture-stories.