“Na Faaali Mai e Iesu ia i Tatou le Ala,” Uo, Aokuso 2023, 4–5.
Na Faaali Mai e Iesu ia i Tatou le Ala
O Ata na tusia e Dan Burr
O Iesu Keriso o le Alo o le Tama Faalelagi. Na afio mai o Ia i le lalolagi e faaali mai ia i tatou le ala e mafai ai ona tatou toe foi atu ai i le Tama Faalelagi i se aso. Sa papatisoina Iesu. Sa Ia aoao mai e tatau foi ona papatisoina i tatou.
Na faaali mai e Iesu ia i tatou le ala e ola ai. Sa Ia alofa ma fesoasoani i tagata uma. E finagalo o Ia tatou te mulimuli atu ia te Ia.
Sa lagona e Iesu o tatou tiga uma ma puapuagatia mo a tatou agasala. Ona Ia maliu lea mo i tatou. E ta’ua lea mea o le Togiola a Iesu Keriso. Sa toetu o Ia. O lona uiga o loo soifua o Ia i le asō! Ona o Iesu, o le a tatou toe ola uma ai pe a mavae le oti.
Na faia e Iesu nei mea uma mo i tatou aua e alofa o Ia ia i tatou. Ona o Ia, ua mafai ai ona tatou nonofo i le lagi ma o tatou aiga i se aso.
E mafai ona tatou mulimuli ia Iesu e ala i le papatisoina. E mafai foi ona tatou mulimuli ia te Ia i aso uma pe a tatou alolofa ma fesoasoani i isi ma tausi Ana poloaiga.