Na Faamagalo Atu Iesu

saunia e Kim Webb Reid

Ata na tusia e Apryl Stott

Mai le Mataio 18:21–22; Luka 7:37–48; Luka 11:1–4; Luka 23:34

Ata

O Iesu o loo aoaoina tagata

Na aoaoina e Iesu Ona soo ia faamagalo atu. Sa Ia ta’u atu ia i latou o le a faamagaloina e le Tama Faalelagi a latou agasala pe afai latou te faamagalo atu i isi.

Ata

O Iesu o loo talanoa atu ia Peteru

Na fesili atu Peteru i se tasi taimi ia Iesu pe faafia ona ia faamagalo atu i se tasi na ia faia se mea sese. “Seia atu fitu ea?” Le taumate a Peteru.

“Fitugafulu ni fitu,” na fetalai atu ai Iesu.

Ata

o se fafine o loo mulumuluina vae o Iesu

Na faamagalo e Iesu tagata na lagona le faanoanoa ona o a latou agasala. Ina ua Ia faamagalo atu i se tasi o fafine, sa ia lagonaina le matuai faafetai lava o lea na ia mulumuluina ai Ona aao i ona loimata.

Ata

O Iesu i luga o le satauro

Sa faamagalo foi e Iesu tagata o e na le iloa sa latou faia se mea sese. Sa Ia aioi atu i le Tama Faalelagi ia faamagalo i alii sa faasatauroina o Ia. Latou te lei iloa o loo latou faatigāina le Alo o le Atua.

Ata

tamaitiiti o loo faamamaina se mesi

E faamagalo e Iesu tagata ona e alofa o Ia ia te i latou. E mafai ona ou taumafai e avea faapei o Iesu e ala i le faamagalo atu foi o isi!

Maimoa i Tala o le Feagaiga Fou i le lds.org/children/scripture-stories.