E Alofa Iesu ia te A’u

saunia e Kim Webb Reid

Ata na tusia e Apryl Stott

Ata

lalolagi

Ao lei faia le lalolagi, na tatou nonofo uma i le lagi ma o tatou Matua Faalelagi ma lo tatou Uso [po o Tuagane] matua, o Iesu. Sa tatou fiafia, ma sa matua alofa le tasi i le isi.

Ata

Tama Faalelagi ma Iesu Keriso

I se tasi aso na tau mai e le Tama Faalelagi ia i tatou o le a Ia faia se lalolagi mo i tatou e nonofo ai. Sa Ia silafia o le a tatou le tausia Ana poloaiga i nisi taimi ao tatou i ai i le lalolagi. O le a tatou manaomia se Faaola e fesoasoani ia i tatou ina ia toe foi atu ai ia te Ia. Na filifilia Iesu e le Tama Faalelagi e avea ma o tatou Faaola.

Ata

O Iesu o loo fesoasoani i tagata

Ina ua afio mai Iesu i le lalolagi, na Ia faaali mai ia i tatou le ala sa’o e ola ai. Sa ia fesoasoani i tagata. Ma sa Ia aoao i latou ia alofa le tasi i le isi.

Ata

O Iesu i le Togalaau o Ketesemane

Sa puapuagatia Iesu i le faatoaga o Ketesemane ma luga o le satauro. Sa Ia faia lenei mea ina ia mafai ai ona tatou salamo ma ina ia mafai ai ona tatou toe feola pe a mavae ona tatou feoti.

Ata

o le tamā o loo faitau i le afafine

Ina ua ou aoao e uiga ia Iesu, na ou lagona Lona alofa mo a’u.

Maimoa i Tala o le Feagaiga Fou i le lds.org/children/scripture-stories.