Tala o le Feagaiga Fou mo Tamaiti Faitau

Ou Te Fia Mulimuli ia Iesu

saunia e Kim Webb Reid

Ata na tusia e Apryl Stott

Mai le Luka 5:1–11

I se tasi o aso na oso ai Iesu i luga o le vaa. Sa fai atu o Ia i tagata faifaiva e tuu atu le vaa i le vai. Sa tu o Ia i luga o le vaa ma aoao le motu o tagata i luga o le matāfaga.

Ona fetalai atu lea o Iesu i se tagata faifaiva e igoa ia Peteru e tuu ana upega i lalo i le vai. Na fai mai Peteru na te lei maua ni i’a i le aso atoa, ae o le a ia toe taumafai. O le taimi la lea, na lava i’a na maua e Peteru e faatumu ai vaa e lua!

Na fetalai atu Iesu i tagata faifaiva e tuu a latou vaa ae mulimuli mai ia te Ia. Na Ia manao ia i latou e avea ma Ona soo.

Na faalologo le au soo a Iesu ao Ia aoao e uiga i le Tama Faalelagi. Na latou matamata ia Iesu o faamaloloina tagata mama’i ma faaali atu le alofa i isi. Ina ua mavae le maliu o Iesu, na faia e le au soo mea na latou vaaia o faia e Iesu. Sa latou aoao, faamalolo, ma alolofa atu.

E mafai ona ou aoao atu e uiga ia Iesu e ala i mea ou te tautala ai ma mea e faia. E mafai ona ou faamalolo i lagona tiga o tagata i le agalelei atu. E mafai ona ou fesoasoani e tausi tagata o ē o loo mama’i pe o loo matitiva. O le a ou faaali atu le alofa, e pei o Iesu.

Maimoa i Tala o le Feagaiga Fou i le lds.org/children/scripture-stories.

Itulau e Valivali

O Le Mulimuli ia Iesu Ou Te Maua ai le Fiafia

Kiliki i luga o le ata e sii mai ai.

Ata na tusia e Apryl Stott