“Taniela kei Iratou na Nona iTokani,” iTalanoa ni Veiyalayalati Makawa (2022)
“Taniela kei Iratou na Nona iTokani,” iTalanoa ni Veiyalayalati Makawa
Taniela 1
Taniela kei Iratou na Nona iTokani
Sega ni via kania na kakana ni tui
Sa vakamalumalumutaki Jerusalemi na matanitu ko Papiloni. Era taura e so na cauravou vuku ka kaukauwa duadua mai na nodra matavuvale e Jerusalemi ka kauti ira lesu ki Papiloni me ra laki qarava na tui.
O Taniela kei iratou na nona itokani e so vei ira na cauravou oqo. Era sa digitaki me ra veiqaravi ena lomanibai ni tui ka yaco me nona tamata vuku.
Sa qai solia na tui vei Taniela kei ira na nona itokani na kakana kei na waini. Ia era a sega ni via kania na kakana ni tui se gunuva na waini. E veisaqasaqa oya kei na ivakaro ni Kalou.
A ka oqo sa rere kina na dauveiqaravi ni tui baleta nona bula. E qaravi Taniela kei ira na nona itokani, ka nanuma ni kevaka era cata na kakana ni tui, era na malumalumu sobu vei ira na cauravou tale eso. Ena qai cudru na tui ka biuta na dauveiqaravi me vakamatei.
Ia a nuitaka ga na Kalou o Taniela ka vinakata me talairawarawa ki na Nona ivakaro. A kerea o Taniela vua na nona tamata me solia na wai kei na sorenikau me 10 na siga ka qai vakatauvatana na nodratou bula kei ira na vo ni cauravou. Ea vakadonuya na dauveiqaravi.
Ni oti e 10 na siga, eratou a bulabula cake o Taniela kei na nona itokani mai vei ira na vo ni cauravou. Eratou a muria o Taniela kei na nona itokani na ivakaro ni Kalou, ka sa solia vei iratou na Kalou me ratou tamata vuku duadua ena lomanibai ni tui.