“Taniela kei na Qara ni Laione,” iTalanoa ni Veiyalayalati Makawa (2022)
“Taniela kei na Qara ni Laione,” iTalanoa ni Veiyalayalati Makawa
Taniela 6
Taniela kei na Qara ni Laione
Na yaloqaqa ni dua na turaga me masu
Sa yaco me liutaki Papiloni o Taraiase. Ea lomani Taniela okoya ka vinakata me iliuliu ni matanitu taucoko. Eso na tamata vuku ni tui era a vuvu.
Era kila na tamata vuku ni o Taniela e dau masu vua na Kalou, era qai lawakitaka na tui me cakava e dua na lawa vou. Ke dua e masu vua na Kalou ena viritaki ki na dua na qara ni laione.
Ea digitaka ga o Taniela me masu vua na Kalou. O ira na tamata vuku ni tui ni ra raica ni masu tiko o Taniela era tukuna vua na tui ni sa voroka tiko na lawa. Sa qai kila na tui ni ra sa lawakitaki koya na nona tamata vuku. A tovolea me kunea e dua na sala me vakabulai Taniela kina, ia na tui me muria ga na nona lawa.
Ea viritaki o Taniela ki na qara ni laione. Ea yadra tikoga na tui ena bogi taucoko, ka lolo me rawa ni taqomaki o Taniela.
Ena mataka lailai ka tarava, ea cici yani na tui ki na qara ni laione. Ea kacivi Taniela me raica se sa bula tiko. A kaci lesu mai o Taniela! Ea tukuna vua na tui ni a tala mai na Kalou e dua na agilosi me sogota na gusudra na laione. Era a sega ni vakamavoataki koya na laione.
Ea marau na tui ni sa taqomaki o Taniela. Ea totogitaki ira na tamata vuku era lawakitaki koya, ka tinia na lawa. Ea vakavulica na nona matanitu me baleta na kaukauwa kei na vinaka ni Kalou.