“Reapi kei rau na Yamata,” iTalanoa eso mai na Veiyalayalati Makawa (2022)
“Reapi kei rau na Yamata,” iTalanoa eso mai na Veiyalayalati Makawa
Reapi kei rau na Yamata
Na digidigi ka vakabula e dua na matavuvale
E dua na marama na yacana o Reapi a vakaitikotiko mai Jeriko ni bera ni qai vakadrukai mai vei ira na Isireli. A rogoca o koya ni Turaga a tawasea na Wasa Damudamu vei ira na Isireli. E kila o Reapi ni Turaga ena vukei ira na Isireli me ra valuta na nona koro. Era daucaka ca na tamata era tiko e Jeriko.
Na parofita o Josua a liutaka na mataivalu ni Isireli. A tala e rua na yamata ki Jeriko. Ia erau sa laurai na yamata vuni, ka sa talai ira yani na nona sotia na tui Jeriko me ra vesuki rau.
Erau lako mai na yamata ki na vale nei Reapi. A vakadonuya o Reapi me vukei rau na yamata, ka vunitaki rau ena doka ni nona vale.
Era a vakasaqaqara na tamata ni tui ena vale nei Reapi ia era sega ni kunei rau rawa na yamata. Ni rau sa biubiu, a kerei rau na yamata vuni o Reapi me rau taqomaka na nona matavuvale ni na mai valuti Jeriko na nodrau mataivalu. Erau a yalataka na yamata vei Reapi ni na taqomaki na nona matavuvale. Qai kolotaka o Reapi e dua na dali mai na nona katubaleka me rau vakayagataka na yamata me rau dro kina.
Erau a lesu tale na yamata vua na parofita o Josua ka tukuna ki na mataivalu ni Isireli me kakua ni vakamavoataki e dua ena vale nei Reapi. E muri, ni ra valuti Jeriko na Isireli, era a maroroya na nodrau yalayala vei Reapi. Na yaloqaqa nei Reapi a vakabula kina na nona matavuvale. E ratou a tomani ira na tamata ni Turaga na nona matavuvale.