“Jekope kei Iso,” iTalanoa ni Veiyalayalati Makawa (2022)
“Jekope kei Iso,” iTalanoa ni Veiyalayalati Makawa
Nai Vakatekivu 25–27
Jekope kei Iso
Rua na veitacini tagane kei na dua na itutu ni ulumatua
O Aisake kei Repeka e drua nodrau gonetagane, o Jekope kei Iso. O Iso e dauvakasasa maqosa. O Jekope e bulataka e dua na bula rawarawa ka muria na Turaga.
Ea sucu taumada o Iso. E dau ciqoma na ulumatua na veivakalougatataki ni ulumatua mai vei tamana. Na itutu ni ulumatua e kena ibalebale ni na liutaka na matavuvale ka levu cake na nona vanua kei na manumanu me vukea na qaravi ni matavuvale. Ia o Iso e dau kauwaitaki koya vakalevu cake mai na nona matavuvale, ka dau talaidredre vei rau na nona itubutubu kei na Turaga.
Nai Vakatekivu 25:25, 32; 26:34–35
Ena dua na siga ea lesu mai o Iso ena vakasasa. Ea viakana sara ka vakamasuti Jekope me vakani koya. Ea vinakata na Turaga me tiko vei Jekope na veivakalougatataki ni Kalou baleta ni o Iso a sega ni kilikili kaya. Ea kerei Iso o Jekope me volitaka vua na itutu ni ulumatua me voli ena vica na kakana. Ea vakadonuya o Iso ka volitaka na nona itutu ni ulumatua vei Jekope.
Nai Vakatekivu 25:23, 29–34; Iperiu 11:20
Erau vinakata o Repeka kei Aisake na veika e vinaka duadua vei rau na luvedrau. Erau sa rarawa ni sa tomana tikoga o Iso na veika e vinakata ka sega ni ka e vinakata na Turaga.
A sa qase cake mai ka mataboko o Aisake. Ni bera ni mate, a kerei Iso me vakasasataka ka vakasaqara e dua na manumanu me kania ka marautaka.
E kila o Repeka ni sa gauna nei Aisake me solia kina na veivakalougatataki ni ulumatua.
Ea kerei Jekope o Repeka me kauta mai e rua na manumanu me rawa ni vakasaqara na kakana ni bera ni lesu mai o Iso. Sa na mai ciqoma o Jekope na veivakalougatataki.
E vakaisulu o Jekope me vakataki Iso ka kauta mai na kakana vei tamana. Sa solia o Aisake vei Jekope na veivakalougatataki ni ulumatua. Ni sa lesu mai o Iso, sa cudruvi Jekope sara vakalevu. Ia na itutu ni ulumatua sa lako vei Jekope baleta ni maroroya tiko na ivakaro ni Turaga ia ko Iso e sega ni vakakina.