Ruci 1–4

Ruci kei Naomi

Bula mai na veivakatovolei ena loloma kei na lomadina

Ra a toki o Naomi kei na nona matavuvale ki Moapi baleta ni a sega ni veirauti na kakana ena vanua o Juta. Sa qai mate o wati Naomi. Erau a vakamau na luvei Naomi tagane vei rau na yalewa ni Moapi na yacadrau o Oripa kei Ruci. Erau a qaravi Naomi me 10 na yabaki.

Ruci 1:1–4

Erau sa qai mate na wati Oripa kei Ruci. Oqo era sa tu duadua na marama. O Naomi e sega ni rawa ni vakarautaka na kakana baleti Ruci kei Oripa.

Ruci 1:5, 8–10

Sa lesu tale o Oripa ki vale. Ia ea vinakata o Ruci me tiko ga ka qarauni Naomi. Rau a rogoca o Ruci kei Naomi ni sa tiko tale na kakana ena vanua o Juta, ka rau sa lako kina.

Ruci 1:16–19

Rau yaco yani i Juta o Ruci kei Naomi ena gauna ni tatamusuki. Erau gadreva na kakana. Na wekai Naomi e yacana o Poasa e taukena e vica na iteitei mai Juta. Sa laivi Ruci me tomika na vo ni sila ena nona iteitei. E cakacaka dredre.

Ruci 1:22; 2:3

E rokovi Ruci o Poasa baleta ni cakacaka vakaukauwa ka baleta ni a lomadina vei Naomi kei na Turaga. Ea tukuna vei ira na tamata me ra biuta vakalevu na sila ena were me baleti Ruci.

Ruci 2:5–17

Ea vinakata o Naomi me dua na matavuvale nei Ruci. Ea vakauqeti Ruci me vakawati kei Poasa. Ea kila o Ruci ni kevaka me rau vakamau kei Poasa, sa rawa ni rau qaravi Naomi vata.

Ruci 3:1–2; 4:15

Ea navuca o Ruci me kerei Poasa me vakamautaki koya. E kila o Poasa ni o Ruci e dua na marama yalodina ka savasava. Ea vakadonuya.

Ruci 3:3–18; 4:13

Rau sa vakamau o Ruci kei Poasa. Sega ni dede sa dua na luvena tagane o Ruci. Ea yaco o koya me tukai Tevita, na tui ena gaunaemuri. Ena vuqa na yabaki e muri, ea mai sucu o Jisu Karisito ki na kawa ni matavuvale oqo.

Ruci 4:13–17