2 Tui 22; 2 Veigauna 34–35

Tui o Josaia

Sasaga me talairawarawa ki na ivakaro ni Turaga

A yabaki walu ko Josaia ena gauna a buli kina me tui Juta. O koya e a dua na tui vinaka ka lomana na Turaga. A vinakata me vukei ira na nona tamata, na Isireli, me ra talairawarawa vua na Turaga ka muduka na qaravi matakau. Ni sa qase cake, sa tekivu me vakavinakataka na valetabu kei ira na nona tamata ka me totoka tale.

2 Tui 22:1–2; 2 Veigauna 34:3–7

Ni ra cakacaka tiko ena valetabu na tamata, a kunea o Ilikaia na bete levu na ivola ni lawa, e dua na ivolavivigi ka tu kina na ivolanikalou.

2 Tui 22:3–9

A wilika na ivola vei Josaia e dua na nona dauveiqaravi. A rogoca na vosa o Josaia ka rarawa baleta ni ra a sega ni talairawarawa vua na Turaga na nona tamata. A dresulaka na nona isulu me vakaraitaka na nona rarawa.

2 Tui 22:10–13, 19

A tukuna vei Ilikaia me taroga vua na Turaga na cava me ra cakava. A sikovi Ulita o Ilikaia kei ira na nona dauveiqaravi na tui. O koya e a dua na parofita yalewa, e dua na iliuliu yalodina ka a vakauqeti mai vua na Kalou. E kaya o koya ni Turaga a marautaki Josaia baleta ni a vukei ira tiko na tamata me ra talairawarawa. Sa yalataka na Turaga ni na bula vakacegu o Josaia na Tui.

2 Tui 22:12–20

E vinakata o Josaia na Tui me ra maroroya na nona tamata na nodra yalayala vua na Turaga. A kerei ira me ra marautaka na Lakosivia me vukei ira me ra vakananuma na nona a sereki ira na Isireli na Turaga mai Ijipita ena dua na gauna makawa.

2 Veigauna 35:1–19