Ilaisa na Parofita

Cakamana ni Turaga

Mai vua na parofita o Ilaija, ea vakarautaki Ilaisa kina na Turaga me parofita ka tarava. Sa qai kauti Ilaija ki lomalagi na Turaga.

2 Tui 2:1–15

A vukei Ilaisa na Turaga me vakayacora e vuqa na cakamana. Ena dua na gauna ea vakalougatataka o Ilaisa na waiwai ni dua na marama dravudravua me vakatawana e vuqa na saqa. Sa qai volitaka o yalewa na waiwai me sauma na nona dinau.

2 Tui 4:1–7

Dua tale na gauna, e dua na marama yalodina a veiqaravi vei Ilaisa ka dau yalovinaka sara vua. Ea tarogi koya o Ilaisa se cava e rawa ni cakava me qaravi koya kina. Ea nuitaka o koya me dua na luvena. Ea vakalougatataki koya kei na watina o Ilaisa me dua na luvedrau tagane.

2 Tui 4:8–17

Ia ni oti toka ga e vica na yabaki, a tauvimate ka mate na luvena tagane. Ea laki vakasaqarai Ilaisa na yalewa baleta ni tu vua na vakabauta ni na rawa me vakabula na luvena tagane. Ea lako mai o Ilaisa ka vakalougatataka na gonetagane, ka bula tale okoya. Ea vukei Ilaisa na Turaga me cakava e vuqa na cakamana. Ea dua na parofita cecere ni Turaga.

2 Tui 4:18–37 