“ຂ່າວສານຈາກຝ່າຍປະທານສູງສຸດ,” ຈົ່ງສັ່ງສອນພຣະກິດຕິຄຸນຂອງເຮົາ: ຄູ່ມືຕໍ່ການແບ່ງປັນພຣະກິດຕິຄຸນຂອງພຣະເຢຊູຄຣິດ (2023)
“ຂ່າວສານຈາກຝ່າຍປະທານສູງສຸດ,” ຈົ່ງສັ່ງສອນພຣະກິດຕິຄຸນຂອງເຮົາ
ຂ່າວສານຈາກຝ່າຍປະທານສູງສຸດ
ຜູ້ສອນສາດສະໜາທີ່ຮັກແພງທັງຫລາຍ:
ພວກເຮົາຂໍສະແດງຄວາມຍິນດີກັບທ່ານໃນໂອກາດຍິ່ງໃຫຍ່ ທີ່ທ່ານໄດ້ເປັນຜູ້ສອນສາດສະໜາໃຫ້ສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ. ບໍ່ມີວຽກງານໃດທີ່ໜ້າສົນໃຈ ຫລື ສຳຄັນໄປກວ່າການເຕົ້າໂຮມອິດສະຣາເອນ.
ຈົ່ງສັ່ງສອນພຣະກິດຕິຄຸນຂອງເຮົາ ມີຈຸດປະສົງເພື່ອຊ່ວຍທ່ານໃຫ້ກຽມພ້ອມໄດ້ດີກວ່າເກົ່າ, ເປັນຜູ້ສອນສາດສະໜາທີ່ມີວຸດທິພາວະຫລາຍກວ່າເກົ່າ. ມັນກໍຍັງມີຈຸດປະສົງທີ່ຈະຊ່ວຍທ່ານໃຫ້ເປັນຄູສອນທີ່ມີປະສິດທິພາບນຳອີກ. ພວກເຮົາຊຸກຍູ້ທ່ານໃຫ້ໃຊ້ມັນທຸກວັນ ໃນການສຶກສາສ່ວນຕົວ ແລະ ກັບຄູ່ສອນຂອງທ່ານ. ພວກເຮົາກໍຊຸກຍູ້ທ່ານໃຫ້ໃຊ້ມັນໃນການປະຊຸມສະພາທ້ອງຖິ່ນ ແລະ ໃນກອງປະຊຸມອະນາເຂດນຳອີກ. ຈົ່ງສຶກສາຂໍ້ອ້າງອີງພຣະຄຳພີ ແລະ ຮຽນຮູ້ຄຳສອນ ແລະ ຫລັກທຳ.
ພວກເຮົາເຊື້ອເຊີນທ່ານໃຫ້ລຸກຂຶ້ນສູ່ຄວາມຮູ້ສຶກໃໝ່ຂອງການເຮັດຄຳໝັ້ນສັນຍາ ທີ່ຈະຊ່ວຍພຣະບິດາຜູ້ສະຖິດຢູ່ໃນສະຫວັນຂອງເຮົາໃນວຽກງານທີ່ຮຸ່ງໂລດຂອງພຣະອົງ. ຜູ້ສອນສາດສະໜາທຸກຄົນມີບົດບາດສຳຄັນໃນການຊ່ວຍໃນວຽກງານຂອງພຣະຜູ້ເປັນເຈົ້າ “ທີ່ຈະເຮັດໃຫ້ເກີດຄວາມເປັນອະມະຕະ ແລະ ຊີວິດນິລັນດອນຂອງມະນຸດ” (ໂມເຊ 1:39).
ພຣະຜູ້ເປັນເຈົ້າຈະອວຍພອນທ່ານ ຂະນະທີ່ທ່ານອຸທິດຕົນຢ່າງຖ່ອມຕົວເພື່ອຮັບໃຊ້ພຣະອົງ. ຂໍໃຫ້ທ່ານຈົ່ງພົບຄວາມຊື່ນຊົມ ແລະ ຄວາມສຸກທີ່ຍິ່ງໃຫຍ່ ຂະນະທີ່ທ່ານອອກແຮງງານກັບບັນດາລູກໆຂອງພຣະບິດາເທິງສະຫວັນ.
ຝ່າຍປະທານສູງສຸດ