“Tshooj 3: Kev Caw Neeg Ua Kev Cai Raus Dej thiab Txais Kev Pom Zoo,” Qhia Kuv txoj Moo Zoo: Phau Ntawv Pab Qhia txog Yexus Khetos txoj Moo Zoo (2023)

“Kev Caw Neeg Ua Kev Cai Raus Dej thiab Txais Kev Pom Zoo,” Qhia Kuv txoj Moo Zoo

Tshooj 3

Kev Caw Neeg Ua Kev Cai Raus Dej thiab Txais Kev Pom Zoo

Daim Duab

Los Koom Vajtswv Pab Yaj, los ntawm Walter Rane

Cov Lus Qhuab Qhia lub Hauv Paus

Peb txhua tus yog Leej Txiv Saum Ntuj Ceeb Tsheej cov me nyuam. Peb tau los rau hauv lub ntiaj teb kom muaj cib fim kawm, loj hlob tuaj, thiab hloov los ua neeg zoo li Nws peb thiaj li yuav rov qab mus nrog Nws nyob (saib Mauxes 1:39) Peb tsis muaj peev xwm hloov los ua neeg zoo li los sis rov qab mus cuag Nws yog tsis muaj Vajtswv txoj kev pab. Peb Leej Txiv Saum Ntuj Ceeb Tsheej tau txib Nws Leej Tub, Yexus Khetos, los theej peb lub txhoj thiab ua rau kev tuag tej hlua tu (saib 3 Nifais 27:13–22).

Peb txais tau Yexus Khetos lub hwj chim txhiv dim thaum peb muab siab rau ntseeg Nws kom hloov siab lees txim, ua kev cai raus dej, txais lub txiaj ntsim Vaj Ntsuj Plig Dawb Huv thaum peb ua kev cai pom zoo, thiab nyiaj kom mus txog thaum kawg. Thaum peb ua raws li kev khi lus los ntawm kev cai raus dej ces peb muab peb tus kheej khi nrog Vajtswv kom tus Vaj Ntsuj Plig Dawb Huv yuav ntxuav peb huv, txhawb peb lub dag zog, thiab hloov peb tej cwj pwm kom zoo dua ntxiv. Qhov uas peb hloov ua neeg dawb huv no hu ua kev yug dua tshiab ntawm sab ntsuj plig. (Saib 2 Nifais 31:7, 13–14, 20–21; Mauxiyas 5:1–7; 18; 27:24; 3 Nifais 27:20; Yauhas 3:5.)

Peb sab ntsuj plig yug dua tshiab thaum peb ua kev cai raus dej thiab raus ntawm tus Ntsuj Plig. Txoj kab ke ua kev cai raus dej yeej ua rau peb xyiv fab thiab muaj kev cia siab. Yog peb muaj lub siab mob thiab lub siab xav ua zoo thaum peb ua kev cai raus dej, ces peb pib ua ib lub neej tshiab nrog Vajtswv lub hwj chim uas txhawb nqa peb. Tom qab peb ua kev cai raus dej thiab kev pom zoo, peb yuav txais dag zog ntxiv thaum peb ua neeg tsim nyog txais lub cim nco txog. (Saib 2 Nifais 31:13; Mauxiyas 18:7–16; Maulaunais 6:2; Lus Qhuab Qhia thiab Kev Khi Lus 20:37.)

Kev Caw Tib Neeg

Thaum tus Ntsuj Plig coj koj kev, caw tib neeg kom lawv ua kev cai raus dej thiab ua kev pom zoo. Tej zaum koj yuav xav

Cia li qhia txog txoj kev cai raus dej thiab pab tib neeg to taub Yexus Khetos cov lus qhuab qhia (saib lesson 3). Qhia txog qhov uas kev khi lus ntawm kev cai raus dej tseem ceeb npaum li cas thiab ua rau tib neeg muaj kev xyiv fab, txog kev zam txim rau tej kev txhaum, thiab kev txais lub txiaj ntsim Vaj Ntsuj Plig Dawb Huv thaum ua kev cai pom zoo.

Npaj tib neeg kom caw lawv ua kev cai raus dej thaum koj ua tib zoo xyuas seb lawv puas to taub tej yam uas tau qhia lawv thiab kev khi lus uas lawv yuav khi. Kev khi lus ntawm kev cai raus dej yog li no:

Txaus siab ris Yexus Khetos lub npe.
Ua raws li Vajtswv cov lus txib.
Ua hauj lwm rau Vajtswv thiab pab lwm tus.
Nyiaj kom mus txog thaum kawg. (Saib zaj lus qhia 4.)

Tej zaum koj yuav xav hais li no:

Thaum peb ua kev cai raus dej, peb ‘ua pov thawj rau [Vajtswv] hais tias [peb] tau nrog nws khi lus, hais tias [peb] yuav ua hauj lwm rau nws thiab ua raws li nws tej lus txib.’ Thaum peb khi lus li no, Nws cog lus tias Nws yuav ‘pub nws tus Ntsuj Plig nplua mias ntau ntxiv rau [peb]’ (Mauxiyas 18:10).

Koj yuav tsum hais ncaj qha thaum koj caw lawv ua kev cai raus dej. Tej zaum koj yuav xav hais li no:

“Koj puas kam ua raws li Yexus Khetos tus yam ntxwv thiab ua kev cai raus dej los ntawm ib tug uas muaj txoj cai ua txoj kab ke no? Peb yuav pab koj npaj ua kev cai raus dej. Peb ntseeg tias koj yuav npaj ua li no thaum [hnub]. Koj puas kam npaj ua kev cai raus dej thaum txog hnub ntawd?”

Txhua zaus koj caw tib neeg, cia li cog lus tias lawv yuav txais cov koob hmoov loj heev thaum lawv ua raws li koj caw lawv kom ua kev cai raus dej thiab ua raws li tej kev khi lus ntawd. Ua tim khawv rau lawv txog cov koob hmoov ntawd.

Qhia lawv tias kev ua kev cai raus dej thiab kev pom zoo yeej tsis yog qhov kawg. Yeej yog ib lub sij hawm nyob ntawm txoj kev hloov siab los ntseeg uas ua rau lawv muaj kev cia siab, kev xyiv fab thiab Vajtswv lub hwj chim puv npo hauv lawv lub neej (saib Mauxiyas 27:25–26). Tom qab tib neeg ua kev cai raus dej thiab ua kev pom zoo, tus Ntsuj Plig yuav pab lawv hloov los ua neeg dawb huv thaum lawv ua tau zoo zuj zus ua raws li lawv tej kev khi lus.

Yog tias ua tau, caw cov neeg uas koj qhia kom saib kev sib ntsib ua kev cai raus dej thiab kev sib ntsib txais lub cim nco txog thaum muab ib tug neeg ua kev cai pom zoo.

Tej lub Tswv Yim rau Kev Caw Neeg Ua Kev Cai Raus Dej

Xav seb koj puas nyeem tej nqe vaj lug kub txog thaum Yexus tau ua kev cai raus dej (saib Mathais 3:13–17). Tej zaum koj kuj yuav xav qhib qhov vidi-aus txog phau Npaivnpaum rau lawv saib tus Cawm Seej ua kev cai raus dej los sis qhov vidi-aus txog Phau Ntawv Maumoos txog tus Cawm Seej cov thwj tim uas muab neeg ua kev cai raus dej.

Tej zaum koj kuj yuav xav nyeem Nifais zaj lus txog thaum Yexus ua kev cai raus dej. (saib 2 Nifais 31:4–12). Qhov uas koj nyeem tej zaj lus no txog Yexus Khetos txoj kev ua kev cai raus dej yuav pab cov neeg uas koj qhia.

Kev Kawm Vaj Lug Kub

Kawm tej nqe vaj lug kub no:

Sau lub ntsiab lus txog tej yam uas koj tau kawm.