Inmates sit around a variety of tables. Around them are other men and women instructing and helping them. Special Services of the Priesthood department has requested that PSD capture images of various Correctional facilities that will be used on websites and curriculum targeted to spiritually support LDS members in correctional confinement and their families.

Ko Hono ʻIloʻi ʻo e Ngaahi Fiemaʻú

ʻE lava ke kehekehe pē ʻa e founga ke ʻiloʻi ai ʻe he kau takí ʻa e ngaahi fiemaʻu ʻa kinautolu ʻoku uesia ʻi he ngāue pōpulá ʻi loto ʻi ha ʻēlia pe siteiki. ʻE lava ke uiuiʻi ʻa e kāingalotú ke nau tokoni ʻi he founga ko ʻení pea ke nau tokoni maʻu pē. ʻOku totonu ke ongoʻingofua ʻe he kau takí ʻa e totonu fakafoʻituitui mo e ngaahi fiemaʻu ʻa kinautolu ʻoku uesia ʻe he ngāue pōpulá. Fakangatangata hono tufaki ʻo e fakamatala fekauʻaki mo e ngaahi tūkunga ʻo e fakafoʻituituí pe fāmilí, kiate kinautolu ʻoku nau fiemaʻu iá. ʻOku kau heni ʻa e ngaahi fakamatala ki he fakatahá, fakamatala fakatāutahá, mo e fetuʻutaki fakaʻilekitulōniká.

Fakakaukau ki heni:

1. Ko hai ʻa e niʻihi fakafoʻituitui pe ngaahi fāmili kuo uesia kovi ʻe he faihiá pe ngāue pōpulá?

2. ʻOku ʻi ai nai ha ngaahi fiemaʻu fakatuʻasino fakavavevave ke tokangaekina?

3. ʻOku nau fetuʻutaki maʻu pē nai mo ha ongomātuʻa ngāue fakaetauhi pe kau taki ʻo e uōtí?

4. ʻOku ʻi ai nai ha toʻu tupu pe fānau ʻi he ngaahi fāmili ko ʻení te nau ala fiemaʻu ha tokoni lahi ange?

5. Ko e hā ha ngaahi faingataʻa fakaeʻatamai pe fakaeloto ʻoku nau aʻusia? ʻOku tokoni nai ha kau mataotao fakafaitoʻo pe ngaahi maʻuʻanga tokoni falalaʻanga kehe?

6. Ko e ngaahi ʻapi pōpula ʻe fiha ʻoku ʻi loto ʻi he ngaahi ngataʻanga ʻo e siteikí?

7. Ko e kakai lalahi fē ʻoku tauhi fakalao ʻi he ngaahi ʻapi pōpula ko ʻení naʻa nau fengāueʻaki kimuʻa pe toki fakahaaʻi kimuí ni ʻenau fie ʻilo ki he Siasí?

8. Ko e hā hono fuoloa ʻo e ngāue pōpula ʻa e niʻihi fakafoʻituitui ko ʻení?

9. Ko e hā ʻenau ngaahi fiemaʻu fakafoʻituitui fekauʻaki mo e tupulaki fakalaumālié, akó, fakaakeake mei he maʻunimaá, mo e ngaahi taukei fakasōsiale pe fakangāué?

10. Ko e hā ʻa e faingamālie ʻoku lava ke maʻu ʻi he taimí ni ke ʻaʻahi ki ai, fakahoko ha ngaahi fakataha pe ngaahi kalasi, pe fai ha tokoni kehé?