Fengāueʻaki mo e Niʻihi Kehé

Ngaahi Kulupu Fakapuleʻanga, Tui Fakalotu, mo e Fakakoló

ʻI hono fakafenāpasi ʻe he kau taki ʻo e Siasí ʻenau ngaahi ngāué mo e ngaahi kulupu kehé, ʻe lava ke tokoniʻi ʻe he ʻEikí ʻa e ngaahi ngāue ko iá mo tāpuekina lahi ange ʻEne fānaú. ʻOku totonu ke fakaʻapaʻapa mo faitotonu ʻa e ngaahi fengāueʻaki kotoa pē mo e ngaahi kulupu ko ʻení. ʻOku poupouʻi ʻa e kau taki ʻo e Siasí ke fokotuʻutuʻu ha ngaahi fepōtalanoaʻaki mo ha ngaahi kulupu fakapuleʻanga, tui fakalotu, mo e tukui koló ke aleaʻi ʻa e ngaahi faingamālie ke ngāue fakataha aí. ʻOku totonu ke tomuʻa vakaiʻi ʻe he kau takí ʻa e fengāueʻaki kuo fokotuʻú, kau ai ha faʻahinga tukupā fakapaʻanga pē, mo e kau taki fakaʻēliá kimuʻa pea toki kau ki ha vā fetuʻutaki fakangāué.

Kau Taki ʻo e Puleʻangá mo e ʻApi Pōpulá pe Pilīsoné

ʻE hanga ʻe hono fakatupulaki ha vā fetuʻutaki lelei mo e kau taki ʻo e puleʻangá mo e ʻapi pōpulá, ʻo fakalahi ʻa e malava ʻa e Siasí ke ngāue fakaetauhi mo tāpuekina ʻa kinautolu ʻoku tau loto ke poupouʻí. ʻE lava ke tokoni ʻa e kau taki ʻo e Siasí ki hono fokotuʻu ʻo e ngaahi vā fetuʻutaki ko ʻení. ʻOku totonu ke fakaʻapaʻapaʻi maʻu pē ʻe he kau takí mo e kāingalotú ʻa e kau ngāue ʻi he ʻapi pōpulá, ngaahi tuʻutuʻuní, mo e ngaahi founga ngāué. ʻE fakahaaʻi heni ʻe lava ke nau falalaʻanga.

Kau faifekaú

Ko e faifekau ʻo e ʻapi pōpulá ko ha taha ia naʻe fakangāueʻi ʻe he fale fakatonutonú ke poupouʻi ʻa e kakai ʻo e ngaahi tui fakalotu kotoa pē. ʻE lava ke tokoni hono tanumaki ha vā fetuʻutaki lelei mo e kau faifekaú ke ke tokoniʻi ʻa e niʻihi fakafoʻituitui ʻoku ngāue pōpulá.

ʻE lava ke maʻu heni ha ngaahi maʻuʻanga tokoni lahi ange ki he ngāue mo e kau faifekaú.