Raportoni

Koha Maksimale: 15 Minuta

Bëni një lutje hapjeje.

Ngaqë duam të kemi kohë që të reflektojmë për 12 javët e shkuara të këtij kursi, për të diskutuar se si të ecim përpara dhe t’u japim të gjithë anëtarëve të grupit kohë për të bërë paraqitjet e bizneseve të tyre, planifikoni që kjo mbledhje do të zgjatë 2,5 orë.

Zotimet e Javës së Kaluar

A. T’i mbaj zotimet e bëra te “Themeli Im”.

B. Të bëj kërkime për kërkesat ligjore dhe rregulluese për biznesin tim.

C. Të përgatit një paraqitje për biznesin tim dhe të ushtrohem për dhënien e saj.

D. Ta rishikoj faqen time “Përsiatni” dhe t’i mbaj zotimet.

E. Të vihem në kontakt me partnerin tim në veprim dhe ta përkrah atë.

Hapi 1: Vlerësoni me Partnerin në Veprim (5 minuta)

Përdorni pak minuta për të vlerësuar përpjekjet tuaja që t’i mbani zotimet tuaja gjatë kësaj jave. Përdorni tabelën “Vlerësimi i Përpjekjeve të Mia” në fillim të kësaj fletoreje pune. Më pas tregojani vlerësimin tuaj partnerit ose partneres suaj dhe diskutoni me të pyetjen më poshtë.

Diskutoni:

Çfarë sfidash patët për mbajtjen e zotimeve tuaja gjatë kësaj jave?

tabela Vlerësimi i Përpjekjeve të Mia

Hapi 2: Raportojini Grupit (8 minuta)

Pas vlerësimit të përpjekjeve tuaja, mblidhuni sërish si grup dhe raportojini rezultatet tuaja. Bëjeni me radhë në grup dhe secili të thotë nëse e vlerësoi veten me ngjyrën e kuqe, të verdhë ose të gjelbër për secilin nga zotimet e javës së kaluar. Gjithashtu thoni numrin e ditëve që e ushtruat cilëndo prej aftësive kyç të biznesit, siç u raportua në tabelën “Vlerësimi i Përpjekjeve të Mia”.

Hapi 3: Tregojini Përvojat Tuaja (10 minuta)

Tani tregoni si grup gjërat që mësuat nga përpjekja për t’i mbajtur zotimet tuaja gjatë javës.

Diskutoni:

• Çfarë përvojash patët për mbajtjen e zotimeve tuaja të bëra te “Themeli Im”?

• Çfarë mësuat nga hulumtimi i kërkesave ligjore dhe rregullatore për biznesin tuaj?

Hapi 4: Zgjidhni Partnerë në Veprim (2 minuta)

Zgjidhni një partner në veprim nga grupi për javën që vjen. Përgjithësisht, partnerët në veprim janë të së njëjtës gjini dhe nuk janë pjesëtarë të një familjeje.

Përdorni disa minuta tani që të takoheni me partnerin tuaj në veprim. Prezantohuni dhe diskutoni se si do ta kontaktoni njëri‑tjetrin gjatë javës.

Edhe pse kjo është java e fundit e grupit, ju duhet të keni një partner në veprim që t’ju ndihmojë lidhur me zotimin tuaj të javës 12.

Emri i partnerit në veprim

Informacion kontakti

Shkruani se si dhe kur do ta kontaktoni njëri‑tjetrin gjatë kësaj jave.

Plani javor i kontaktit