Pfupiso yeKudzidzisa Kwakafanana nekwaKristu

Machati anotevera anopa pfupiso yemisimboti yakadzidziswa mubhuku rino.

Nangisa Pfungwa panaJesu Kristu

Dzidzisa pamusoro paJesu Kristu Zvisinei Nekuti Uri Kudzidzisa Chii

• Simbisisa muenzaniso waJesu Kristu.

• Dzidzisa pamusoro pemazita, mabasa, uye hunhu hwaJesu Kristu.

• Tsvaga zviratidzo zvinopupura nezvaJesu Kristu.

Batsira Vadzidzi Kuuya kuna Jesu Kristu

• Batsira vadzidzi kuona rudo, simba, nengoni dzaIshe muupenyu hwavo.

• Batsira vadzidzi kusimbisa ukama hwavo naBaba Vokudenga uye naJesu Kristu.

• Batsira Vadzidzi kuedza nechido kuti vanyanye kuva saJesu Kristu.

Misimboti yeKudzidzisa Kwakafanana nekwaKristu

Ida Avo Vaunodzidzisa

• Ona vadzidzi semaonerwo avanoitwa naMwari.

• Tsvaga kuvaziva—kunzwisisa mamiriro ezvinhu avo, zvidikanwi zvavo, uye nekwaniso dzavo.

• Vanamatirire nemazita avo.

• Ita kuti pave nemamiriro ezvinhu akachengeteka ayo munhu wose maanokudzwa uye maanoziva kuti pfungwa dzaanogovera dzinokosheswa.

• Wana nzira dzakakodzera dzokuratidza rudo rwako.

Dzidzisa kuburikidza neMweya

• Zvigadzirire iwe pachako pane zvepamweya.

• Iva wakagadzirira nguva dzose kudavira kufemero dzezvepamweya pamusoro pezvidikanwi zvevadzidzi.

• Ita kuti pave nemamiriro ezvinhu uye mikana yekuti vadzidzi vadzidziswe neMweya Mutsvene.

• Batsira vadzidzi kutsvaga, kuziva, uye kuita chimwe chinhu pamusoro pezvakazarurwa zvavo pachavo.

• Ipa uchapupu nguva zhinji, uye koka vadzidzi kuti vagovere manzwiro avo, zviitiko zvavo, uye uchapupu hwavo.

Dzidzisa Dzidziso

• Dzidza dzidziso yaJesu Kristu iwe pachako.

• Dzidzisa kubva mumagwaro matsvene uye mumashoko evaporofita vamazuva ekupedzisira.

• Batsira vadzidzi kutsvaga, kuziva, nekunzwisisa zvokwadi zviri mumagwaro matsvene.

• Nangisa pfungwa pazvokwadi zvinotungamirira kurutendeuko uye nekuvaka rutendo muna Jesu Kristu.

• Batsira vadzidzi kuwana zvinokosha kwavari pachavo mudzidziso yaJesu Kristu.

Kurudzira Kudzidza neUshingairi

• Batsira vadzidzi kuti vatore basa rekudzidza kwavo.

• Kurudzira vadzidzi kuti vasvike pakuziva Muponesi kuburikidza nekunzvera vhangeri zuva nezuva.

• Koka vadzidzi kuti vagadzirire kudzidza.

• Kurudzira vadzidzi kuti vagovere zvokwadi zvavari kudzidza.

• Koka vadzidzi kuti vararame izvo zvavari kudzidza.