Minubo nga Kasaysayan

Kini nga libro dili usa ka kasaysayan, apan usa ka koleksyon sa mga baruganan sa ebanghelyo nga gitudlo ni Presidente Heber J. Grant. Ang mosunod nga kronolohiya mosangkap og mubo nga dugokan sa kasaysayan alang niining mga pagtulun-an. Gilaktawan niini ang mga makahuluganon nga mga panghitabo sa dili relihiyoso nga kasaysayan, sama sa mga gubat ug sa tibuok kalibutan nga krisis sa ekonomiya. Milaktaw usab kini sa daghang importante nga panghitabo sa personal nga kinabuhi ni Presidente Grant, sama sa iyang mga kaminyoon ug sa mga pagkatawo ug pagkamatay sa iyang mga anak.

1856, Nobyembre 22	Si Heber Jeddy Grant natawo sa Dakbayan sa Salt Lake, Utah, ngadto nila ni Rachel Ridgeway Ivins Grant ug Jedediah Morgan Grant. Ang amahan ni Heber, kinsa mialagad isip Ikaduhang Magtatambag ni Presidente Brigham Young, namatay human milabay ang siyam ka mga adlaw.
1875, Hunyo 10	Midawat sa usa ka tawag sa pag-alagad diha sa kapangulohan sa Dakbayan sa Salt Lake sa Asosasyon sa Mutual Improvement sa Young Men sa ika-13 nga Ward.
1880, Abril 6	Misugod sa pag-alagad isip kalihim ngadto sa kinatibuk-ang kapangulohan sa Asosasyon sa Mutual Improvement sa Young Men.
1880, Oktubre 30	Misugod sa pag-alagad isip presidente sa stake sa Tooele, Utah.
1882, Oktubre 16	Na-orden nga usa ka Apostol pinaagi ni Presidente George Q. Cannon sa Unang Kapangulohan.
1883–84	Mibisita sa mga komunidad sa Lumad nga mga Amerikano, nakigbulig sa uban nga mga pangulo sa Simbahan sa pagtawag ug paggahin sa mga naghupot sa priesthood nga motrabaho ngadto.
1897	Mialagad isip usa ka sakop sa kinatibukang kapangulohan sa Asosasyon sa Mutual Improvement sa Young Men ug isip tigdumala sa patigayon alang sa magasin sa Simbahan nga giulohan og Improvement Era.
1901, Agosto 12– 1903, Septyembre 8	Miorganisar ug midumala sa unang misyon sa Japan.
1904, Enero 1– 1906, Disyembre 5	Midumala sa mga misyon sa Britanya ug Uropa.
1916, Nobyembre 23	Gigahin isip Presidente sa Korum sa Napulog Duha ka mga Apostoles.
1918, Nobyembre 23	Gigahin isip Presidente sa Ang Simbahan ni Jesukristo sa mga Santos sa Ulahing mga Adlaw.
1919, Nobyembre 27	Mipahinungod sa templo sa Laie, Hawaii.
1920	Nangulo sa pagtuman sa kasaulugan sa ika-100 nga anibersaryo sa Unang Panan-awon.
1923, Agosto 26–	Mipahinungod sa templo sa Cardston, Alberta.
1924, Oktubre 3–5	Midumala sa unang kinatibuk-ang komperensya nga gisibya sa radyo.
1926	Ubos sa direksyon sa Unang Kapangulohan, ang Simbahan mipasiugda sa programa sa institute sa relihiyon.
1927, Oktubre 23	Mipahinungod sa templo sa Mesa, Arizona.
1930, Abril 6	Midumala sa pagtuman sa kasaulogan sa ika-100 nga anibersaryo sa Pag-organisar sa Simbahan.
1936	Ang Unang Kapangulohan miugmad sa Plano sa Kasigurohan sa Seguridad sa Simbahan, nga karon gitawag og programa sa kaayohan sa Simbahan.
1940, Pebrero	Giatake sa kasingkasing.
1942, Abril 6	Mihatag og usa ka pakigpulong sa kinatibuk- ang komperensya alang sa katapusan nga higayon. Sa misunod nga tulo ka mga tuig, ang tanan niyang pakigpulong sa komperensya gipabasa sa uban.
1945, Mayo 14	Namatay sa Dakbayan sa Salt Lake, Utah.